[᭓᭔ 34B]
᭓᭔
᭟᭐᭟ᬦᬸᬯᬸᬃᬪᬖᬯᬦ᭄ᬦᬶᬮᭀᬘᬡ᭞ᬯᬢᭂᬓ᭄ᬋᬱᬶ᭞ᬓ᭄ᬦᬶᬳᬶᬤᬫᬗ᭄ᬭᬯᬸᬳᬶᬦ᭄᭞ᬩ᭄ᬮᬶᬧᬘᬂᬗᬺᬱᬶᬮᬯᬸᬢ᭄᭞ᬧ᭄ᬢᭂᬂᬓᬃᬬ᭄ᬬᬧᬗ᭄ᬮᬸᬯᭂᬭᬦ᭄᭞ᬓᬾᬢᭀᬳᬤᬶ᭞ᬳᬢᬸᬭᬂᬭᬶᬂᬲᬂᬯᬶᬓᬸ᭞ᬲᬂᬭᬖᬸᬭ
ᬭᬶᬲ᭄ᬫᬫᬃᬕ᭄ᬕ᭞ᬢᬜ᭄ᬘᬶᬦᬭᬶᬢᬫᬃᬕᬶ᭟᭐᭟ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬢᬧᬦ᭄᭞ᬫᬋᬓ᭄ᬳᬶᬤᬵᬯᬢᭂᬓ᭄ᬋᬱᬶᬦᬾᬲᬫᬶ᭞ᬲᬂᬭᬖᬸᬫᬢᬸᬮᬓ᭄ᬫᬦ᭄ᬢᬸᬓ᭄᭞ᬤᬾᬯᬶᬳᬗ᭄ᬕᬭᬢ᭄ᬦᬶᬓᭀᬘᬧ᭄᭞ᬓᬬᬸᬦ᭄ᬧᬶᬲᬦ᭄
᭞ᬦᭀᬦ᭄ᬢᭀᬦ᭄ᬓᬃᬬ᭄ᬬᬦᬾᬲᬂᬧ᭄ᬭᬪᬹ᭞ᬫᬶᬯᬄᬤᬾᬯᬶᬤᬺᬲ᭄ᬢᬦᬮ᭞ᬧᬋᬓᬦᬾᬫᬢᬸᬃᬳᬭᬶᬲ᭄᭟᭐᭟ᬲᬫ᭄ᬧᬸᬦᬂᬳᬶᬤᬾᬯᬮᬸᬗ᭄ᬳ᭞ᬜᬦ᭄ᬓᬵᬫ᭄ᬩᬶᬮ᭄᭞ᬳᬦ᭄ᬢᬸᬓ᭄ᬳᬶᬤᬲᬗ᭄ᬳᬚᬶ᭞ᬤᬾᬯᬶᬳᬗ᭄ᬕᬭᬢ᭄ᬦᬫᬸ
ᬯᬸᬲ᭄᭞ᬤᬶᬓᬧᬦ᭄ᬬᬫᬜ᭄ᬯᬂ᭞ᬢ᭄ᬬᬂᬲᬋᬂ᭞ᬓᬮᬶᬄᬬᬢᭀᬂᬦᬸᬕᬧᬸᬭᬸᬦ᭄᭞ᬳᬓᬾᬦ᭄ᬓᬾᬦ᭄ᬓᬲᬓ᭄ᬢ᭄ᬬᬦ᭄ᬜ᭞ᬳᬶᬤᬃᬫ᭄ᬫᬬᬸᬤᬦᬾᬚᬦᬶ᭟᭐᭟ᬲᬂᬭᬖᬸᬭᬭᬶᬲ᭄ᬫᬫᬃᬕ᭄ᬕ᭞ᬲᬕᬺᬳ᭄᭞ᬲᬭᭂᬂᬮ
[᭓᭕ 35A]
ᬦ᭄ᬭᬳᬤᬾᬦ᭄ᬤᬾᬯᬶ᭞ᬲᬭᭂᬂᬮᬮᬶᬫᬮᬸᬫᬓᬸ᭞ᬗᬮᬶᬗ᭄ᬕᬶᬳᬶᬦ᭄ᬕᬭᬸᬤᬧ᭄ᬢᬓ᭄᭞ᬤᬾᬯᬶᬤᬺᬲ᭄ᬢ᭞ᬫᬶᬚᬶᬮ᭄ᬯᬘᬦᬦᬾᬳᬭᬸᬫ᭄᭞ᬓᬾᬦᬾᬳᬬᭀᬤ᭄ᬬᬧᬸᬭ᭞ᬧᭂᬘᬓ᭄ᬳᬸᬫᬳᬾᬦᬾᬭᬶ᭠
ᬳᬶᬦ᭄᭟᭐᭟ᬲᬂᬭᬖᬸᬫᬳᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸ᭞ᬓᬭᬶᬤᭀᬄᬲᬓᬶᬂᬳᬶᬭᬶᬓᬶ᭞᭠ᬫᬗ᭄ᬮᬶᬦ᭄ᬢᬂᬫᬮᬶᬄᬳᬕᬸᬦᬸᬂ᭞ᬓᬦ᭄ᬢᭂᬦ᭄ᬯᬭᬄᬯᬭᬄᬲᬫ᭄ᬬᬦ᭄᭞ᬤᬺᬲ᭄ᬢᬢᬶ᭞ᬧᭂᬦᬗ᭄ᬕᬸᬦᬾᬧᬶᬦᬶᬄᬓ᭠
ᬯᬸᬄ᭞ᬤᬗᬶᬦ᭄ᬧᬸᬦᬶᬓᬳᬬᭀᬤ᭄ᬬ᭞ᬓᭂᬮᭀᬤ᭄ᬓᬗᬶᬦ᭄ᬢᬫ᭄ᬧᭂᬓᬧᬶᬗ᭄ᬕᬶᬃ᭟᭐᭟ᬲᬶᬦᭀᬫ᭄᭟᭐᭟ᬦᬾᬫᬗ᭄ᬓᬶᬦ᭄ᬭᬳᬶᬦᬓᬃᬬ᭄ᬬ᭞ᬯᬢᭂᬓ᭄ᬋᬱᬶᬭᬯᬸᬄᬲᬫᬶ᭞ᬲᬫᬶᬗᭀᬚᭀᬕ᭄ᬓᬧ᭄ᬬᬚ᭄ᬜᬦ᭄᭞
ᬳᬶᬤᬃᬫ᭄ᬫᬬᬸᬤᬓᬢᬗ᭄ᬓᬶᬮ᭄᭞ᬤᬶᬂᬧ᭄ᬬᬚ᭄ᬜᬦ᭄ᬫᬮᬶᬗ᭄ᬕᬶᬄ᭞ᬕᬬᬸᬂᬧᬾᬦ᭄ᬤᬾᬢ᭄ᬭᬫᭂᬲᬫ᭄ᬧᬸᬦ᭄᭞ᬧᬤᬗᬢᬸᬭᬂᬧᬸᬦ᭄ᬬ᭞ᬭᬶᬂᬳᬶᬤᬲᬂᬫᬳᬵᬋᬱᬶ᭞ᬧᬕᬭᬶᬬᭂᬂ᭞ᬋᬱᬶᬦᬾᬗᬲ᭄ᬢ᭄ᬭᬾᬦᬶᬦ᭄ᬧᬸᬦ᭄ᬬ᭟᭐
Kaca:Bali-lontar-gaguritan-candi-kusuma-b-300ppi.pdf/35
Kaca puniki sampun kauji-wacén
