Kaca:Bali-lontar-gaguritan-candi-kusuma-a-300ppi.pdf/10

[ ᭙ 9B]
᭙᭞
ᬮᬶᬭᬭᬶᬲ᭄ᬓᬕᬕᬄ᭞ᬲᬓ᭄ᬭᬄᬚᬦ᭄ᬫᬦᬾᬫᬢᬮᬶ᭞ᬭᬢᬸᬤᬾᬯᬲᬲᬸᬳᬸᬦᬦ᭄᭞ᬧᬸᬦᬶᬓᬶᬯᬾᬦ᭄ᬢᭂᬦ᭄ᬳᬲᬶᬓᬶ᭞ᬧᬸᬢ᭄ᬭᬦ᭄ᬳᬶᬤᬲᬗᬚᬶ᭞ᬥᬃᬫ᭄ᬫᬬᬸᬤ᭄ᬥᬓᬂᬚᬚᬸᬮᬸᬓ᭄᭞ᬳᬶᬤᬫᬦᬸᬗ᭄ᬕᬸᬯᬾᬰ᭞ᬩᬯᬸᬫᬭᬦᬫ᭄ᬩᬸᬢ᭄ᬓᭂᬭᬶᬲ᭄
᭞ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬳᬗᬦ᭄ᬤᬶᬓᬭᬶᬂᬧᬢᬶᬄᬲᬸᬭᬚᬬ᭟᭐᭟ᬳᬶᬧᬢᬶᬄᬮᬯᬸᬢ᭄ᬫᬢᬸᬭ᭞ᬧᬦᬮ᭄ᬯᬲ᭄ᬓᬤᬺᬱ᭄ᬝᬚᬸᬢᬶ᭞ᬧᬘᬂᬫᬜᭂᬫᬓ᭄ᬚᬭᬳᬦ᭄᭞ᬥᬃᬫ᭄ᬫᬬᬸᬤ᭄ᬥᬳᬚᬓ᭄ᬫᬳᬶ᭞ᬳᬶᬧᬢᬶᬄᬫᬢᬸᬪᬓ᭄ᬢᬶ᭞ᬢᬶ
ᬢ᭄ᬬᬂᬲᬦᬶᬓᬦ᭄ᬳᬶᬭᬢᬸ᭞ᬫᬶᬯᬄᬦᬾᬩ᭄ᬭᬬᬫᬓᭂᬚᬂ᭞ᬲᬋᬂᬮᬦ᭄ᬯᭀᬂᬤᬺᬱ᭄ᬝᬚᬸᬢᬶ᭞ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬩᭂᬦᭂᬄᬫᬚᬮᬦ᭄᭟᭐᭟ᬳᬶᬧᬢᬶᬄᬫᬩ᭄ᬭᬶᬬᬸᬓ᭄ᬦᭂᬫ᭄ᬩᬄ᭞ᬫᬦ᭄ᬢᬸᬓ᭄ᬓᬤᬺᬱ᭄ᬝᬚᬸᬢᬶ᭞ᬫᬗᬶ
ᬭᬶᬂᬳᬃᬬ᭄ᬬᬳᬬᭀᬥ᭄ᬬ᭞ᬢᬦ᭄ᬳᬲᬸᬯᬾᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬤᬾᬰᬤᬺᬱ᭄ᬝᬵᬦᬵᬕᬭᬶ᭞ᬥᬃᬫ᭄ᬫᬬᬸᬤ᭄ᬥᬲᭂᬤᭂᬓ᭄ᬫᬮᬸᬗ᭄ᬕᬸᬄ᭞ᬗᭂᬮᬶᬂᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬓᬢᬸᬗ᭄ᬕᬮᬶᬦ᭄ᬩᬸᬓᬚᬦᬶ᭞ᬢᬦᬶ
[ ᭑᭐ 10A]
ᬪᬕ᭄ᬬ᭞ᬳᬶᬧᬢᬶᬄᬦᬸᬮᬶᬳᬗᬸᬘᬧ᭄᭟᭐᭟ᬳᬬ᭄ᬯᬢᬦ᭄ᬤ᭄ᬭᬸᬄᬤᬾᬦ᭄ᬢᬲᬶᬭ᭞ᬧᬦᬶᬢᬳᬶᬂᬧ᭄ᬭᬫᬓᬯᬶ᭞ᬲᬸᬓᬵᬤᬸᬓᬵᬢᬦ᭄ᬓᬲᬄ᭞ᬦᬾ ᬚᬦᬶᬩᬸᬯᬶᬦ᭄ᬓᬯᬶᬢᬶᬦ᭄᭞ᬳᬲ᭄ᬢᬧᬬᬂᬦᬾᬚᬦᬶ᭞ᬭᬶᬂ
ᬮᬶᬗ᭄ᬕᬶᬄᬳᬶᬤᬲᬂᬧ᭄ᬭᬪᬸ᭞ᬳᬶᬭᬶᬂᬧᬓᬬᬸᬦᬦ᭄ᬳᬶᬤ᭞ᬳᭂᬤᬘᬳᬶᬫᬫᬶᬯᬮᬶᬦ᭄᭞ᬫᬸᬮᬓᬾᬢᭀ᭞ᬢᬶᬗ᭄ᬓᬳᬾᬦᬸᬫᬤᬶᬚᬦ᭄ᬫ᭟᭐᭟ᬘᭂᬦᬶᬓ᭄ᬢᬸᬯᬳᬶᬤᬸᬧ᭄ᬫᬢᬧ᭞ᬧᬗᬦ᭄ᬤᬶᬓᬦ᭄ᬳᬶᬤ
ᬲᬂᬋᬱᬶ᭞ᬲᬹᬃᬬ᭄ᬬᬘᬦ᭄ᬤ᭄ᬭᬧᭂᬢᭂᬂᬍᬫᬄ᭞ᬓᬶᬃᬢ᭄ᬢᬶᬬᬂᬳᬯᬓᬾᬚᬦᬶ᭞ᬳᬸᬭᬶᬧᬾᬫᬳᬦ᭄ᬢᬶᬳᬦ᭄ᬢᬶ᭞ᬲᬫ᭄ᬩᬶᬮᬂᬗᬯᬗᬸᬦ᭄ᬳᬬᬸ᭞ᬲᬂᬥᬃᬫ᭄ᬫᬬᬸᬤ᭄ᬥᬳᬗᬸᬘᬧ᭄᭞ᬢᬶᬢ᭄ᬬᬂᬕᬸᬲ᭄ᬢᬶᬧᬢᬶᬄ᭞ᬢᬸ
ᬫᬸᬲ᭄ᬮᬦᬸᬲ᭄᭞ᬫᬗ᭄ᬤᬳᬧᭀᬮᬶᬄᬓᬲᬸᬦ᭄ᬬᬢᬦ᭄᭟᭐᭟ᬲᬳᬦᬦᬶᬂᬭᬚᬩ᭄ᬭᬡ᭞ᬓᬸᬩᭀᬦ᭄ᬘᬭᬶᬓ᭄ᬲᬶᬬᬸᬓᭂᬢᬶ᭞ᬢᬶᬢ᭄ᬬᬂᬜᬤ᭄ᬬᬫᬗᬢᬸᬭᬂ᭞ᬭᬶᬂᬳᬶᬤᬰ᭄ᬭᬷᬦᬭᬧᬢᬶ᭞