[᭔᭖ 46B]
᭔᭖
ᬫᭀᬦ᭄ᬢᬄ᭞ᬫᬦᬸᬚᬸᬰᬸᬓ᭄ᬭᬦ᭄ᬫᬭᬓᬶᬄ᭞ᬰᬰᬶᬄᬓᬤᬰᬦᬾᬓᭀᬘᬧ᭄᭞ᬢᬗ᭄ᬕᬮ᭄ᬧᬶᬂᬢ᭄ᬮᬸᬮᬲ᭄ᬯᬓ᭄ᬢᬶ᭞ᬲᬤᬬᬢᬦᬵᬧ᭄ᬭᬣᬶᬣᬶ᭞ᬫᬓᬫᬃᬕ᭄ᬕ᭠
ᬦ᭄ᬩᭂᬮᬶᬮᬫ᭄ᬧᬸᬲ᭄᭞ᬫᬸᬮᬶᬄᬭᬶᬂᬓᬤᬾᬯᬢᬦ᭄᭞ᬳᬤᬶᬓᬭᬶᬳᬧᬂᬩ᭄ᬲᬶᬓ᭄᭞ᬫᬗ᭄ᬤᬵᬲᬫ᭄ᬧᬸᬦ᭄᭞ᬳᬤᬶᬳ᭄ᬮᬲ᭄ᬢᭂᬓᬾᬦ᭄ᬧᬸᬢ᭄ᬭ᭟ᬲᬋᬂᬳᬩᬶᬦ᭄ᬫ
ᬢᬹᬃᬦᭂᬫ᭄ᬩᬄ᭞ᬤᬸᬄᬤᬾᬯᬦ᭄ᬢᬶᬢ᭄ᬬᬂᬳᬶᬕᬸᬲ᭄ᬢᬶ᭞ᬗᬸᬤᬵᬕ᭄ᬮᬶᬲ᭄ᬫᬗ᭄ᬕᬶᬄᬰ᭄ᬯᬃᬕ᭄ᬕᬦ᭄᭞ᬤᬸᬭᬸᬂᬯᬦᬾᬄᬢᬶᬢ᭄ᬬᬂᬬᬸᬓ᭄ᬢᬶ᭞ᬫᬮᬶᬄᬧᬸᬢ᭄ᬭᬓᬭᬶᬳᬮᬶᬢ᭄᭞ᬲᬵᬫ᭄ᬧᬸ
ᬦᬂᬳᬸᬕᬶᬳᬶᬭᬢᬸ᭞ᬮᬲ᭄ᬧᬘᬂᬦᬶᬗ᭄ᬕᬮ᭄ᬤᬾᬰ᭞ᬧᬥᬦᭂᬫ᭄ᬩᬄᬲᬃᬯ᭄ᬯᬶᬦᬗᬶᬲ᭄᭞ᬗ᭄ᬮᬸᬢ᭄ᬲᬸᬓᬸ᭞ᬩᬕᬾᬦ᭄ᬤᬵᬭᬭᬶᬲ᭄ᬗᬦ᭄ᬤᬶᬓᬵ᭟ᬧᬸᬢ᭄ᬭᬦᬾᬳᬩᬶ᭠
[᭔᭗ 47A]
ᬦ᭄ᬢᬸᬃᬳᬭᬲ᭄᭞ᬫᬲᬶᬄᬕᬸᬭᬸᬤᬾᬯᬕᬸᬲ᭄ᬢᬶ᭞ᬫᭀᬕᬵᬲᬶᬭᬵᬫᬗ᭄ᬕᬶᬄᬩᬕ᭄ᬬ᭞ᬓᬲᬫ᭄ᬧᭀᬮᬶᬄᬭᬶᬂᬳ᭄ᬬᬂᬯᬶᬥᬶ᭞ᬫᬗ᭄ᬕᬶᬄᬫᬳᬵᬃᬤ᭄ᬟᬶᬓᬵᬮ᭄ᬯᬶᬄ᭞ᬓᬲᬶ
ᬦᬸᬗᬦ᭄ᬭᬶᬂᬳ᭄ᬬᬂᬢᬸᬥᬸᬄ᭞ᬫᬗ᭄ᬕᬶᬄᬓᬯᬶᬃᬬ᭄ᬬᬦ᭄ᬚᬕᬢ᭄᭞ᬓᬶᬦᬲᬶᬳᬦ᭄ᬤᬾᬦᬶᬂᬪᬹᬫᬶ᭞ᬯᬲ᭄ᬢᬸᬲᬶᬭᬵᬫᬫᬗ᭄ᬕᬶᬄᬉᬢ᭄ᬢᬫᬵ᭟ᬫᬗ᭄ᬓᬶᬦ᭄ᬦᬫ᭄ᬧᬓ᭄ᬧᬲᬸᬩ᭠
ᬬᬵ᭞ᬫᬮᬶᬄᬢᬶᬕᬂᬤᬶᬦᬵᬯ᭄ᬬᬓ᭄ᬢᬶ᭞ᬩᬕᬾᬦ᭄ᬟᬳᬸᬫᬚᬃᬢ᭄ᬭᬂ᭞ᬫᬭᬶ᭠ᬳᬦᬓ᭄ᬳᭀᬤᬄᬫᬗ᭄ᬓᬶᬦ᭄᭞ᬓᭀᬤᬄᬫᬦᬶᬭᬵᬧᬫᬶᬢ᭄᭞ᬲᬶᬤ᭄ᬟᬦᬶᬂ
ᬫᭀᬓ᭄ᬢᬄᬫᬗ᭄ᬓᭀᬓᬸ᭞ᬭᬾᬄᬫᬗ᭄ᬓᬶᬦ᭄ᬚᬜ᭄ᬚᬶᬦᬶᬗ᭄ᬯᬂ᭞ᬤᬶᬫᭂᬃᬘ᭄ᬘᬧᬥᬫᬳᬸᬭᬶᬧ᭄᭞ᬳᬶᬗ᭄ᬲᬸᬦ᭄ᬫᬦ᭄ᬢᬸᬓ᭄᭞ᬫᬦᬸᬗ᭄ᬓᬧ᭄ᬭᬶᬂᬲ᭄ᬯᬃᬕ᭄ᬕᬪᬯᬡᬵ᭟ᬦᬓᭀᬤ
Kaca:Bali-lontar-gaguritan-cacangkriman-400ppi.pdf/47
Kaca puniki sampun kauji-wacén
