Kaca puniki sampun kauji-wacén
[᭑᭙ 19B]
᭑᭙
ᬗ᭄ᬭᬱ᭟ᬩᬸᬓᬵᬳᬯᬓᬾᬫᬜᬸᬯᬸᬦ᭄ᬫᬥᬸ᭞ᬫᬯᬤᬄᬕ᭄ᬮᬲᬾ᭞ᬢᭀᬂᬢᬳᬾᬦ᭄ᬳᬗᬦ᭄ᬜᬶᬘᬶᬧᬶᬦ᭄᭞ᬬᬦ᭄ᬫᬲᭂᬫ᭄ᬢ᭄ᬯᬭᬤᬵᬢᬳᬸ᭞ᬬᬦ᭄ᬫᬦᬶᬲ᭄ᬢᭀᬂᬳ
ᬤᬵᬢ᭄ᬧᬸᬓ᭄᭞ᬲᬳᬶᬢᬸᬬᬸᬄᬜᬸᬯᬸᬦ᭄ᬤᭀᬕᬦ᭄᭞ᬲᬸᬩᬢᬾᬫᬜᬸᬯᬸᬦ᭄ᬫᬥᬸ᭞ᬲᬳᬶᬫᬓᭂᬦ᭄ᬤᭂᬮᬶᬦ᭄ᬳᬯᬓ᭄᭞ᬭᬱᬜᬢᭀᬂᬳᬤᬵᬢᬯᬂ᭟ᬳᬢᬸ
ᬢ᭄ᬳᬯᬓᬾᬩᬶᬲᬵᬫᬓᬶᬤᬸᬂ᭞ᬫᬦᬯᬂᬰᬲ᭄ᬢ᭄ᬭᬦᬾ᭞ᬩᬶᬱᬦᬾᬳᬶᬗᬦ᭄ᬤᬶ᭠ᬩᬶᬩᬶᬄ᭞ᬫᬲᬶᬄᬳᬯᬓᬾᬮᬶᬗ᭄ᬮᬸᬂ᭞ᬫᬗ᭄ᬭᬱᬦᬶᬦ᭄ᬢᭀᬂᬓᬢᭂᬧᬸᬓ᭄᭞ᬩᬸ
ᬓᬳᬦᬓᬾᬫᬜᬾᬲᬾᬃ᭞ᬗᬮᬶᬄᬩᬾᬦᬾᬩᬓᬮ᭄ᬲᬗᬹ᭞ᬲᬾᬲᬾᬃᬓᬺᬧ᭄ᬤᬸᬗ᭄ᬓᬶᬮᬗᬄ᭞ᬮᬶᬬᬸᬩᬓᬮ᭄ᬩᬾᬦᬳᬶᬮᬂ᭟ᬮᬯᬸᬢ᭄ᬩᭂᬗᭀᬂ
[᭒᭐ 20A]
ᬢ᭄ᬯᬭᬩᬓᬢ᭄ᬧᬸᬧᬸ᭞ᬳᬶᬮᬂᬧᬥᬩᬾᬦᬾ᭞ᬚᬦᬶᬫᬗ᭄ᬭᬱᬓᬳᬸᬭᬶ᭞ᬳᬲᬶᬂᬩᬓᬢ᭄ᬮᬯᬸᬢ᭄ᬓᬤᬸᬢ᭄᭞ᬢ᭄ᬓᭂᬓᬂᬤᬵᬩᬗᬵᬮᬗᬄ᭞ᬤ᭄ᬬᬲ᭄ᬢᬸᬦ᭄ᬩ᭠
ᬜᬫ᭄ᬭᬾᬭᬾᬦᬦ᭄᭞ᬫᬚᬮᬦ᭄ᬤᬵᬧᬢᬶᬕᬶᬲᬸ᭞ᬢᬗᬭᬶᬦ᭄ᬳᬶᬩᬾᬦᬾᬳᬶᬮᬂ᭞ᬧᬢ᭄ᬮᬦᬦ᭄ᬳᬧᬂᬬᬢ᭄ᬦᬵ᭟ᬳᬗ᭄ᬳᬶᬂᬩᬾᬢ᭄ᬯᬭᬧᬢᬶᬮᬸᬳᬸᬂ᭞᭠
ᬩᬳᬦ᭄ᬳᬶᬲᬶᬦ᭄ᬢᬸᬓᬤᬾ᭞ᬓᭀᬘᬧᬦᬾᬳᬶᬲᬶᬦ᭄ᬧᬲᬶᬄ᭞ᬳᬧᬦ᭄ᬢᭀᬂᬳᬤᬵᬤᬶᬢᬸ᭞ᬮᬫᬸᬦ᭄ᬜᬩᬶᬲᬫᬗ᭄ᬚᬸᬓ᭄᭞ᬲᬤ᭄ᬟᬵᬓᬾᬬᬸᬄᬧᬗ᭄ᬚᬸ
ᬓᬾ᭞ᬮᬫᬸᬦ᭄ᬢᭀᬳᬯᬓ᭄ᬗᭂᬮᬓᬸ᭞ᬫᬗ᭄ᬤᬸᬓ᭄ᬲᬶᬂᬜᬩᬓᬢ᭄᭞ᬳᬧᬦ᭄ᬓᬤᬍᬫᬦ᭄ᬢᭀᬬᬵ᭟ᬤᬶᬢᬸᬓᬤᬾᬳᬢᬸᬢ᭄ᬕᬫ᭄ᬧᬂᬫᬗ᭄ᬚᬸᬓ᭄᭞ᬩ᭠
