Kaca:Bali-lontar-gaguritan-cacangkriman-02-350ppi.pdf/6

Saking Wikisource
Kaca puniki sampun kauji-wacén

[᭕ 5B]
ᬦᬾᬲᬸᬓ᭄ᬱ᭄ᬫᬭᬶᬂᬫᬦᬄ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬗᬸᬭᬸᬓ᭄ᬫᬗ᭄ᬓᬶᬦ᭄᭞ᬫᬗ᭄ᬤᬾᬢᬳᬸ᭞ᬳᬶᬧᬸᬦ᭄ᬫᬜᬫᬭᬶᬂᬢᬶᬢ᭄ᬬᬂ᭟᭜᭟ᬭᬭᬲ᭄ᬫᬦ᭄ᬢᬸᬓ᭄᭞ᬓᬶᬘᬾᬦ᭄ᬯᬭᬦᬸᬕ᭄ᬭᬳᬬᬸ᭞
ᬰᬩ᭄ᬤᬦᬶᬂᬒᬁᬓᬵᬭ᭞ᬲᬦᬾᬲᬸᬓ᭄ᬱ᭄ᬫᬢᬦ᭄ᬲᬶᬦᬶᬧᬶ᭞ᬭᬹᬧᬦᬶᬧᬸᬦ᭄᭞ᬲ᭄ᬯᬾᬢᬩᬵᬂᬳᬶᬋᬂᬫ᭄ᬯᬂᬚᭂᬦᬃ᭟᭜᭟ᬭᬭᬶᬲ᭄ᬫᬵᬢᬸᬃ᭞ᬳᬶᬅᬗ᭄ᬕᬧᬢᬶᬲᬥᬭᬮᬸᬲ᭄᭞ᬩᬦ
ᬲ᭄ᬧᬢᬶᬲᬶᬭ᭞ᬧ᭄ᬭᬚᬧᬢᬶᬧᬥᬫᬸᬮᬶᬄ᭞ᬲᬫᬳᬦᬹᬢ᭄᭞ᬲᬋᬂᬭᬂᬳᬶᬍᬕᬧ᭄ᬭᬡ᭟᭜᭟ᬲᬫᬶᬫᬦ᭄ᬢᬸᬓ᭄᭞ᬧᬧᬢᬸᬳᬦ᭄ᬫᬓᬘᬢᬸᬃ᭞ᬲᬵᬫ᭄ᬧᬸᬦᬾᬭᬶᬂᬳᬯ
ᬦ᭄᭞ᬳᬧᬦ᭄ᬢᬦ᭄ᬓᬯᬃᬡ᭄ᬦᬫᬮᬶᬄ᭞ᬦᬾᬓᬯᬸᬯᬸᬲ᭄᭞ᬳᬶᬍᬕᬧ᭄ᬭᬡᬭᬶᬂᬫᬥ᭄ᬬ᭟᭜᭟ᬲᬸᬗ᭄ᬓᬦ᭄ᬓᬸᬭᬸ᭞ᬳᬶᬩᬧᬬᬫ᭄ᬭᬄᬫ᭄ᬭᬸᬄ᭞ᬦᬳᭂᬦ᭄ᬧᬘᬂᬭᬸᬲᬓ᭄᭞
[᭖ 6A]
ᬢᬦᬸᬭᬸᬗᬦ᭄ᬧᬘᬂᬫᬢᬶ᭞ᬤᬳᬄᬤᬸᬳᬸᬄ᭞ᬳᬶᬫᬾᬫᬾᬬᬫᬫᬸᬮᬶᬲᬄ᭟᭜᭟ᬧᬢᬓᬘᬸᬄ᭞ᬫᬸᬜᬶᬦᬾᬧᬢᬶᬚ᭄ᬮᬫᬸᬢ᭄᭞ᬫᬦᬸᬗᬤᬄᬩᭀᬬ᭞
ᬓᭂᬦᭂᬳᬾᬫᬦᬳᭂᬦ᭄ᬫᬢᬶ᭞ᬩᬭᬓ᭄ᬩᬕᬸᬲ᭄᭞ᬮᬮᬶᬲ᭄ᬲᬦᬶᬤᬾᬯᬲᬾ᭠ᬤ᭟᭜᭟ᬕᬥᬂᬮᬬᬸ᭞ᬳᬶᬩᬭᬓ᭄‌ᬬᬮᬾᬫ᭄ᬮᬾᬫ᭄ᬓᭂᬘᬸᬤ᭄᭞ᬤᬸᬃᬕ᭄ᬕᬦᬩᬲ᭄ᬕ
ᬮᬓ᭄᭞ᬗᬋᬩᬸᬢᬶᬩᬭᬓ᭄ᬫᬳᬶ᭞ᬧᬕᬭᬶᬬᬸᬢ᭄᭞ᬤᬸᬃᬕ᭄ᬕᬦᬾᬢᭂᬓᬫᬗᬭᬂ᭟᭜᭟ᬕ᭄ᬮᬃᬕ᭄ᬮᬸᬃ᭞ᬫᬢᬶᬢᬶᬢ᭄ᬬᬂᬤᬾᬯᬭᬢᬸ᭞ᬧᬶᬲᬕᬦᬾᬫᬭᬲ᭄᭞ᬜ
ᬕ᭄ᬚᬕᬶᬦ᭄ᬓᭂᬫᬫᬳᬓᬶᬦ᭄᭞ᬧᬥᬢᬓᬸᬢ᭄᭞ᬗᭂᬢᭀᬃᬢᭀᬂᬤᬤᬶᬫᬚᬮᬦ᭄᭟᭜᭟ᬢᬸᬫ᭄ᬧᬂᬢᭂᬮᬸᬢᬸᬫ᭄ᬧᬂᬮᬶᬫᬢᬸᬫ᭄ᬧᬂᬧᬶᬢᬸ᭞ᬫᬮᬶᬄᬢᬸᬫ᭄ᬧᬂ᭠