[᭑᭓ 13B]
᭑᭓᭟
ᬦ᭄ᬢᬶ᭞ᬫᭂᬤᬮ᭄ᬫᬦ᭄ᬢᬸᬓ᭄ᬧᬥᬗᬩᬤᬤᬯᬸᬳᬦ᭄᭟᭜᭟ᬩᭂᬮᬶᬩᬕᬸᬲ᭄᭞ᬕᭂᬦᬄᬭᬹᬧᬦᬾᬧᬸᬦᬶᬓᬸ᭞ᬗᬮᬶᬗ᭄ᬕᬬᬂᬤᬾᬯ᭞ᬏᬫᭂᬂᬢᬶᬢ᭄ᬬᬂᬫᬫᬶᬭᬕᬶ᭞ᬩᭂᬮᬶᬤᬸ
ᬭᬸᬲ᭄᭞ᬩᬦ᭄ᬤᬶᬓᬬᬂᬢᭂᬓᬾᬦ᭄ᬢᬶᬢ᭄ᬬᬂ᭟᭜᭟ᬳᬤᬶᬩᬕᬸᬲ᭄᭞ᬳᬧᬂᬬᬢ᭄ᬦᬘᬳᬶᬗᬭᬸᬗᬸ᭞ᬩᭂᬮᬶᬫᬶᬤᬃᬣᬬᬂ᭞ᬕᭂᬦᬄᬭᬹᬧᬦᬾᬧᬸᬦᬶᬓᬶ᭞ᬳᬤᭂᬕᬕᬸᬂ᭞
ᬘᬳᬶᬗᭂᬦᬳᬂᬭᬶᬂᬭᬵᬕ᭟᭜᭟ᬩᭂᬮᬶᬩᬕᬸᬲ᭄᭞ᬜᬫᬦ᭄ᬢᬶᬢ᭄ᬬᬂᬫᬓᬘᬢᬸᬃ᭞ᬤᬶᬚᬳᬫᬕᭂᬦᬄ᭞ᬦ᭄ᬤᬶᬓᬬᬂᬚᬳᬧᬂᬧᬲ᭄ᬢᬶ᭞ᬲᬮᬄᬲᬸᬭᬧ᭄᭞ᬩᭂᬮᬶᬫ᭠
ᬜᬫᬭᬶᬂᬢᬶᬢ᭄ᬬᬂ᭟᭜᭟ᬢᬶᬢ᭄ᬬᬂᬤᬸᬲᬸᬦ᭞ᬢ᭄ᬯᬭᬦᬯᬂᬓᬗᬶᬦ᭄ᬓᬯᬸᬄ᭞ᬬᬦ᭄ᬢᬦ᭄ᬩᭂᬮᬶᬲ᭄ᬯᬾᬘ᭞ᬫᬶᬢᬸᬤᬸᬳᬶᬦᬧᬂᬧᬲ᭄ᬢᬶ᭞ᬫᬗ᭄ᬤᬾᬢᬳᬸ᭞ᬩᭂᬮᬶᬢᬶᬢ᭄ᬬᬂᬢᭂ᭠
[᭑᭔ 14A]
ᬓᬾᬦ᭄ᬜᬫᬂ᭟᭜᭟ᬳᬤᬶᬩᬕᬸᬲ᭄᭞ᬕᭂᬦᬄᬩᭂᬮᬶᬦᬾᬫᬮᬸᬗ᭄ᬕᬸᬄ᭞ᬳᭂᬦ᭄ᬢᭀᬓᬢᬓᭀᬦᬂ᭞ᬩᭂᬮᬶᬫᬢᬸᬢᬸᬭᬶᬦ᭄ᬘᬳᬶ᭞ᬳᬧᬂᬯ᭄ᬭᬸᬄ᭞ᬩᭂᬮᬶᬦᭀᬗᭀ
ᬲ᭄ᬭᬶᬂᬰᬭᬷᬭ᭟᭜᭟ᬭᬶᬂᬧᬧᬸᬲᬸᬄ᭞ᬳᬶᬅᬗ᭄ᬕᬧᬢᬶᬫᬮᬸᬗ᭄ᬕᬸᬄ᭞ᬫᭂᬤᬮᬾᬭᬶᬂᬕᬃᬪ᭞ᬭᬶᬂᬉᬗ᭄ᬲᬶᬮᬦ᭄ᬧ᭄ᬭᬚᬧᬢᬶ᭞ᬤᬶᬢᬸᬫᬸᬗ᭄ᬕᬸᬄ᭞ᬫᭂᬤᬮᬶᬧᬸᬦᬾᬭᬶᬂᬓᬃ
ᬡ᭄ᬦ᭟᭜᭟ᬦᬾᬭᬶᬂᬳᬫ᭄ᬧ᭄ᬭᬸ᭞ᬳᬶᬩᬦᬲ᭄ᬧᬢᬶᬫᬮᬸᬗ᭄ᬕᬸᬄ᭞ᬭᬶᬂᬳᬶᬭᬸᬂ᭠ᬫᭂᬤᬮ᭄ᬦ᭄ᬬ᭞ᬩᬦᬲ᭄ᬧᬢᬶᬭᬵᬚᬳᬶᬓᬶ᭞ᬳᬢᬶᬧᬸᬢᬶᬄ᭞ᬫᭂᬤᬮᬶᬭᬫᬭᬶᬂᬦᬾ
ᬢ᭄ᬭ᭟᭜᭟ᬲᬵᬫ᭄ᬧᬸᬦ᭄ᬯᭂᬭᬸᬄ᭞ᬘᬳᬶᬍᬕᬧ᭄ᬭᬡᬗ᭄ᬭᬸᬗᬸ᭞ᬧᬰᬩ᭄ᬤᬦ᭄ᬜᬫᬦ᭄ᬜ᭞ᬳᬬ᭄ᬯᬮᬮᬶᬳᬬ᭄ᬯᬕᬶᬗ᭄ᬲᬶᬃ᭞ᬫᬭᬲ᭄ᬓᬬᬸᬦ᭄᭞ᬢ᭄ᬯᬭᬜᬦ᭄ᬤᬂᬓᬾᬄᬢ᭠
Kaca:Bali-lontar-gaguritan-cacangkriman-02-350ppi.pdf/14
Kaca puniki sampun kauji-wacén
