Kaca puniki sampun kauji-wacén
[᭖᭐ 60B]
᭖᭐ᬓ᭄ᬮ᭄ᬯᬶᬃᬧᬾᬓ᭄ᬤᬄᬕᬶᬭᬶ᭞ᬗᬩᬃᬳᬶᬂᬧᬧ᭄ᬭᬗᬦ᭄᭞ᬕ᭄ᬦᬶᬳᬶᬂᬗᬫᬸᬓ᭄ᬲᬶᬃᬡ᭞ᬦᬩᬶᬲᬸᬮᬾᬫᬢ᭄ᬲᬶᬭᬕᭂᬮᬶᬲ᭄᭞ᬳᬫᬦ᭄ᬢᬂᬘᬓ᭄ᬭᬵ᭞ᬢᬶᬦᬸᬚᬸᬬᬫᬵ
ᬕ᭄ᬦᬶ᭟᭚ᬢ᭄ᬯᬶᬓᬸᬫ᭄ᬭᬸᬯᬓ᭄ᬚᬶᬦᭂᬧᬶᬢ᭄ᬲᬶᬭᬵᬲᬂᬦᬣ᭞ᬋᬫᭂᬓ᭄ᬳᬚᬸᬃᬇᬓᬂᬕ᭠ᬮᬶᬄ᭞ᬧᭂᬚᬄᬩᬾᬂᬓᬶᬱ᭄ᬫ᭞ᬦᬕᬪᬸᬫᬶᬉᬫᬸᬮᬢ᭄᭞ᬧᭂᬚᬄᬲᬶᬭ᭠
ᬲᬂᬳᬚᬶ᭞ᬫᬭᬲ᭄ᬓᬮᬶᬦ᭄ᬢᬂ᭞ᬕᬸᬫᭂᬢᭂᬃᬳᬗ᭄ᬕᬦᬾᬓᬶ᭟᭚᭜᭚ᬕᬶ᭚ᬲᬺᬧᬮᬫ᭄ᬩᬸᬲᬬᬦ᭄ᬫᬭᬲ᭄᭞ᬫᬮᬬᬸᬕᬜ᭄ᬘᬂᬮ᭄ᬯᬶᬃᬢᬢᬶᬢ᭄᭞ᬭᬳᬤ᭄ᬬ
ᬦ᭄ᬲᬶᬕ᭄ᬭᬩᬸᬃᬯᬵ᭞ᬕᬚᬄᬫᬶᬦᬵᬢᬸᬗ᭄ᬕᬗᬶᬦ᭄ᬳᬫ᭄ᬩᬸᬭᬸ᭞ᬅᬦ᭄ᬢᬵ᭠ᬪᭀᬕᬓᬤ᭄ᬬᬂᬓᬶᬮᬧ᭄᭞ᬫᬾᬄᬧ᭄ᬭᬧ᭄ᬢᬶ᭞ᬲᬶᬭᬫᬭᬶᬂᬲᭀᬃᬭᬶᬂ᭠
[᭖᭑ 61A]
ᬧ᭄ᬭᬢᬮᬵ᭟᭚ᬫᬦ᭄ᬤᭂᬕ᭄ᬳᬫ᭄ᬩᬸᬭᬸᬭᬳᬤ᭄ᬬᬦ᭄᭞ᬫᬗ᭄ᬲᬸᬮ᭄ᬓᬸᬦ᭄ᬤᬸᬃᬫᬭᬶᬂᬚᬸᬭᬶᬢ᭄᭞ᬳᬦᬸᬮ᭄ᬬᬤᬤᬶᬓᬧᬧᬕ᭄᭞ᬫᬭᬶᬂᬲᬶᬭᬧᬸᬢ᭄ᬭᬶᬧᬸᬦᬶᬓᬸ᭞ᬕ
ᬦ᭄ᬤᬭᬶᬲᬸᬢ᭄ᬬᬯᬢ᭄ᬬ᭞ᬲᬦᬾᬫᬗ᭄ᬓᬶᬦ᭄᭞ᬚᬕᬢ᭄ᬳᬭᬶᬡᬫᭂᬧᭂᬓᬵ᭟᭚ᬭᬳᬤ᭄ᬬᬦ᭄ᬳᬲ᭄ᬭᬸᬳᬗᬸᬘᬧ᭄᭞ᬧᬬᬸᬋᬩᬸᬢᬶᬗ᭄ᬲᬸᬦ᭄ᬚᬸᬭᬶᬢ᭄᭞ᬫᭂᬦᭂᬂ
ᬲᬂᬧᬸᬢ᭄ᬭᬶᬢᬦ᭄ᬳᬗᬸᬘᬧ᭄᭞ᬗᭂᬫ᭄ᬩᭂᬂᬗᭂᬫ᭄ᬩᭂᬂᬢᬶᬣᬦᬶᬂᬘᬓ᭄ᬱᬸ᭞ᬳᭂᬮᬶᬂᬲᬂᬤ᭄ᬬᬄᬫᬭᬾᬂᬧᬸᬢ᭄ᬭ᭞ᬲᬦᬾᬫᬗ᭄ᬓᬶᬦ᭄᭞ᬓᬜ᭄ᬘᬶᬢ᭄ᬦᬩᬶᬳᬶᬮᬶᬃᬧ᭄ᬭᬧ᭄ᬢ᭟
᭚ᬳᬢᬹᬃᬲᬧᬭᬶᬧᭀᬮᬄᬦ᭄ᬬ᭞ᬲᬤᬬᬢᬶᬦᬸᬢᬹᬃᬢᬾᬓᬶ᭞ᬲᬓᬶᬂᬧᬹᬃᬯᬵᬓᬶᬦᬩᬭᬦ᭄᭞ᬓᬕ᭄ᬬᬢ᭄ᬢᬸᬯᬦ᭄ᬫᬦ᭄ᬢ᭄ᬭᬶᬭᬶᬂᬓᬬᬸᬦ᭄᭞ᬮ᭄ᬯᬶᬃᬯᭀᬂᬓᬳᬶᬮ
