Kaca:Bali-lontar-gaguritan-boma-300ppi.pdf/9

Saking Wikisource
Kaca puniki sampun kauji-wacén

[᭘ 8B]

ᬦ᭄ᬢᬸᬄᬘᬓ᭄ᬭᬦᬾᬫᬗᬸᬚᬦᬶᬦ᭄᭞ᬮᬾᬦ᭄ᬫᬵᬩᬤ᭄ᬩᬵᬦ᭄ᬧ᭄ᬥᬂᬫᬸᬭᬸᬩ᭄᭞ᬫᬦᬸᬫ᭄ᬩᬓ᭄ᬩᬵᬦ᭄ᬢ᭄ᬭᬶᬲᬸᬮᬵ᭞ᬤᬤ᭄ᬬᬦ᭄ᬜᬳᬭᬓ᭄ᬱᬲᬮᬶᬮᬶᬄᬗᬭᬸᬤᬸᬕ᭄᭞ᬦᬾᬦᬾᬭᬶᬭᬶᬄᬢᬹᬃᬳ᭄ᬬᬘᭂᬮᬂ᭞ᬫᬫᬸ
ᬜᬶᬦᬸᬦ᭄ᬤᬾᬦ᭄ᬫᬵᬮᬶᬓᬶᬦ᭄᭟ᬚᬦᬶᬗᬸᬤ᭄ᬬᬂᬫᬕ᭄ᬮᬶᬬᬸᬭᬦ᭄᭞ᬓ᭄ᬫᬭᬫ᭄ᬧᬲ᭄ᬲᭂᬗ᭄ᬕᬄᬳᬶᬚᬸᬂ᭠ᬮᬦ᭄ᬗᬵᬯᬶ᭞ᬢᬶᬤᭀᬂᬚᭂᬧ᭄ᬭᬚᬸᬭᬶᬢ᭄ᬳᬶᬧᬸᬦ᭄᭞ᬧᬫᬸᬜᬶᬦ᭄ᬜᬲᬦᬾᬘᭂᬮᬂ᭞ᬓᬶᬭᬶᬕ᭄ᬓᬶᬭᬶᬕ᭄ᬗ
ᬧᬸᬗ᭄ᬓᬸᬭᬂᬓᬧᬶᬮᬬᬸ᭞ᬲᬯᬢᭂᬓᬶᬂᬯᬤ᭄ᬯᬯᬗ᭄ᬰᬵ᭞ᬫᬗᬸᬩᭂᬃᬢᬹᬃᬫ᭄ᬫᬵᬫᬦᬳᬶᬦ᭄᭟ᬲᬦᬾᬳᭂᬮᬸᬂᬬᭂᬧᬶᬦᬸᬗ᭄ᬕᬮ᭄᭞ᬫᬕᬺᬤᭂᬕᬦ᭄ᬳᬶᬤᬾᬢ᭄ᬬᬲ᭄ᬮᬾᬂᬢᬶᬡ᭄ᬥᬶᬳᬶᬦ᭄᭞ᬯᬾᬦ᭄ᬢᭂᬦ᭄ᬩᬵᬢᬶᬲ᭄ᬜ
ᬦᬾᬳᭂᬮᬸᬂ᭞ᬫᬶᬸᬧᬸᬗ᭄ᬕᬮᬦᬾᬫᬲᬲᬄ᭞ᬫᬲᬸᬭᬸᬗᭂᬦ᭄ᬧᬰᬺᬂᬧᬥᬫᬦ᭄ᬤᬸᬯᬸᬄ᭞ᬫᬮᬶᬄᬯᬶᬓᬸᬦᬾᬲᬶᬦᬫ᭄ᬬᬦ᭄᭞ᬳᬾᬦᬓ᭄ᬫᬵᬜᬸᬭᬓᬂᬲᬵᬫᬶ᭟ᬲᬦᬾᬓ᭄ᬮᭀᬤ᭄‌ᬩ᭄ᬯᬶᬦ᭄ᬫᬵᬗᬺᬕᬄ᭞ᬲ
[᭙ 9A]
ᬯᬂᬕᬸᬡᬫᬓᬮᬫ᭄ᬩᬶᬓᬺᬱ᭄ᬡᬲᬵᬫᬶ᭞ᬲᬂᬬᬤᬸᬫᬬᬭᭀᬤᬶᬢᬸ᭞ᬳᬶᬤᬲᬂᬓᬺᬱ᭄ᬡᬧᬸᬢᬺ᭞ᬧᬶᬗᬦ᭄ᬤᬾᬜᬓᬤ᭄ᬬᬕ᭄ᬦᬶᬲ᭄ᬥᭂᬓ᭄ᬫᬸᬭᬸᬩ᭄᭞ᬫᬩᬮᬶᬓ᭄‌ᬬᬤᬸᬦᬾᬲᬶᬦᬫ᭄ᬬᬦ᭄᭞ᬧᬥᬗᬫᬹᬓ᭄ᬫ
ᬜᬓᬶᬢᬶᬦ᭄᭟ᬲᬂᬭᬵᬚᬧᬸᬢᬺᬲᬵᬫ᭄ᬩ᭞ᬘ᭄ᬧᭂᬢ᭄ᬫᭂᬫᬦᬄᬫᬜᬓᬺᬦᬵᬗ᭄ᬕᬮᬶᬦ᭄᭞ᬫᬸᬲᬸᬳᬾᬜᬮᬾᬫ᭄ᬧᬂᬮᬶᬬᬸ᭞ᬫᬲᬯᬂᬕᬸᬦᬸᬂᬳᬶᬫᬯᬦ᭄᭞ᬫᬗ᭄ᬭᬸᬤᬸᬓ᭄ᬮᬵᬩᬸᬄᬲᬓᬶᬂᬤᬶᬳᬫᬸᬩᬸ
᭞ᬓᬮᬸᬤ᭄‌ᬩᬦ᭄ᬩᬬᬸᬪᬚᬻ᭞ᬓᬩ᭄ᬯᬶᬂᬳᬶᬭᬓ᭄ᬱᬲᬮᬶᬮᬶᬄ᭟ᬳᬚ᭄ᬭᬶᬄᬳᬶᬧᬸᬦ᭄ᬫᬵᬧᬸᬮᬶᬳᬂ᭞ᬫᬍᬂᬓᭂᬢᬶᬓ᭄ᬫᬵᬮᬶᬮᬂᬩᬸᬤᬮ᭄ᬲᬵᬫᬶ᭞ᬲ᭄ᬯᬾᬦᬾᬯᬸᬲ᭄ᬫᬵᬓᬢᭂᬮᬸᬦ᭄᭞ᬢ᭄ᬯᬭᬳᬤᭂᬬᭂᬢ᭄ᬓ
ᬦ᭄ᬜᬵ᭞ᬢᭀᬳᬯᬦᬦ᭄‌ᬯᬢᭂᬓ᭄ᬭᬢᬸᬲᬵᬫᬶᬫᬦ᭄ᬢᬸᬓ᭄᭞ᬫᬢᬸᬮᬓ᭄ᬓᬦᬕᬭᬵ᭞ᬲᬂ᭠ᬲᬵᬫ᭄ᬩᬓᬾᬯᬮᬓᬭᬶ᭟ᬫᬗ᭄ᬭᬓ᭄ᬱᬳᬶᬤᬲᬂᬢᬧᬵ᭞ᬯᬾᬦ᭄ᬢᭂᬦ᭄‌ᬋᬱᬶᬬᬸᬱᬦᬾᬩᬚᬂᬘᭂ