[᭖᭔ 64B]
᭖᭔
ᬫᬧ᭄ᬭᬬᬢ᭄ᬦᬵ᭞ᬫᭂᬢᬦᬶᬫᬗᬾᬗ᭄ᬕᬮᬦ᭄᭞ᬫᬢᬭᬸᬂᬬᬸᬤ᭄ᬥᬲ᭄ᬮᬾᬂᬢᬵᬫ᭄ᬧ᭄ᬮᬶᬕ᭄᭞ᬮ᭄ᬯᬶᬃᬦᬵᬕᬭᭀᬤᬺ᭞ᬪᬝᬵᬭᬳ᭄ᬬᬂᬳᬭᬶᬫᬹᬃᬣᬶ᭟ᬫᬕᭀᬜ᭄ᬚᭀᬗᬦ᭄ᬲᬳᬤᬦ᭄ᬕᬸᬫᬶᬦᬾᬲᬶᬦᬵᬫ᭄ᬬ
ᬦ᭄᭞ᬳᬶᬰᬹᬭᬳᭀᬘᬓ᭄ᬫᬵᬗ᭄ᬓᬶᬦ᭄᭞ᬫᬦᬶᬮᬧ᭄ᬧᬃᬯ᭄ᬯᬢ᭞ᬋᬫ᭄ᬋᬫ᭄ᬢᬾᬚᬦ᭄ᬲᬗ᭄ᬳ᭄ᬬᬂᬲᬸᬃᬬ᭄ᬬ᭞ᬳᬸᬫᬸᬂᬧᬸᬦᬂᬧᬭᬋᬱᬶ᭞ᬲᬵᬫ᭄ᬬᬫ᭄ᬗᬱ᭄ᬢᬯᬵ᭞ᬒᬁᬓᬭᬫᬦ᭄ᬢ᭄ᬭᬲᬶᬤ᭄ᬥᬶ᭟ᬤᬤᬶᬫᬾ
ᬮᬶᬂᬲᬂᬧ᭄ᬭᬪᬸᬯᬶᬱ᭄ᬡᬸᬭᬵᬚ᭞ᬢᬸᬜ᭄ᬚᬸᬂᬳᭂᬫᬲᬾᬰᬓ᭄ᬢᬶ᭞ᬗᬭᬤ᭄ᬲᬂᬕᬭᬸᬥ᭞ᬳᬚᬳᬦ᭄ᬭᬭᬶᬲ᭄ᬬᭂᬢ᭄ᬓᬵ᭞ᬯᬃᬡ᭄ᬦᬓᬤᬶᬫᬶᬭᬄᬗᭂᬡ᭄ᬥᬶᬄ᭞ᬳᬗᬶᬦ᭄ᬓᬭᬸᬭᬵ᭞ᬫᬗᭂᬭᬸᬤᬸᬓ᭄ᬫᭂᬦᬓᬸᬢᬶᬦ᭄᭟
ᬭᬭᬶᬲ᭄ᬲᬳᬲᬦ᭄ᬭᬚᬂᬫᬦᬵᬫ᭄ᬧᬶᬕ᭄ᬢᭂᬦ᭄ᬤᬲ᭄᭞ᬓᭀᬦ᭄ᬢᬮ᭄ᬓᬸᬢᬦᬾᬫᬗ᭄ᬓᬶᬦ᭄᭞ᬭᭀᬫᬫᭂᬕᬵᬫ᭄ᬩᬳᬦ᭄᭞ᬗᬋᬢᭂᬓ᭄ᬤᬳᬢ᭄ᬕᬮᬓ᭄᭞ᬫᬗᬸᬬᭂᬂᬧ᭄ᬤᬗᬾᬫᬶᬗᬶᬤ᭄᭞ᬲᬂᬯᬾᬦᬢᬾ
[᭖᭕ 65A]
ᬬ᭞ᬫᭂᬜᬦ᭄ᬤᭂᬃᬳᬸᬮᬶᬤᬶᬲᬵᬫ᭄ᬧᬶᬂ᭟ᬢ᭄ᬓᬲᬳᬲᬭᭀᬤ᭄ᬭᬜᬋᬕᭂᬫ᭄ᬓᬃᬡ᭄ᬦ᭞ᬗᬭᬸᬩᬸᬢ᭄ᬫᬮ᭄ᬧᬮ᭄ᬩᬦ᭄ᬓᬵᬫ᭄ᬧᬶᬤ᭄᭞ᬤᬤᬶᬜᬬᭂᬩᬓᬢ᭄᭞ᬢᬸᬜ᭄ᬚᬸᬂᬳᭂᬫᬲᬾᬓᬚᭂᬫᬓ᭄᭞ᬲᬂ
ᬦᬭᬓᬮᬶᬡᬫᬗ᭄ᬓᬶᬦ᭄᭞ᬭᬭᬶᬲ᭄ᬲᬂᬓᬺᬱ᭄ᬡ᭞ᬦᬶᬩᬓᬂᬲᬜ᭄ᬚᬢ᭄ᬣᬵᬭᬶᬂᬕ᭄ᬮᬶᬲ᭄᭟ᬓ᭠ᬓ᭄ᬦᬶᬦᬶᬦ᭄ᬳᬶᬧᬸᬦ᭄ᬳᬶᬥᬦᬵᬯᬪᭀᬫ᭞ᬭᬭᬶᬲ᭄ᬪ᭄ᬭᬱ᭄ᬢᬳᬶᬧᬸᬦ᭄ᬫᬵᬗ᭄ᬓᬶᬦ᭄᭞ᬫᬗ᭄ᬓᬶᬦ᭄ᬘᬭᬶᬢ
ᬬᬂ᭞ᬮᬬᭀᬦ᭄ᬳᬶᬧᬸᬦ᭄ᬲᬂᬪᭀᬫ᭞ᬓᬩᬸᬘᬂᬫᬭᬶᬂᬧᬰᬶᬄ᭞ᬢᬦ᭄ᬘᬭᬶᬢᬬᬂ᭞ᬧᬸᬧᬸᬢ᭄ᬓᬤᬶᬧᬸᬦᬶᬓᬫᬗ᭄ᬓᬶᬦ᭄᭟ᬢ᭄ᬮᬲ᭄᭞ᬧᬸᬧᬸᬢ᭄ᬳᬜᬸᬭᬢ᭄ᬭᬶᬂᬥᬶᬡ᭞ᬩᬸ᭞ᬓ᭞ᬯᬭ
᭞ᬳᬸᬕᬸ᭞ᬢᬶᬢᬶ᭞ᬢᬂ᭞ᬧᬶᬂ᭞᭘᭞ᬰᬰᬶᬄ᭞ᬓ᭞᭕᭞ᬳᬶᬰᬓ᭞᭑᭙᭑᭐᭚᭜᭚ᬓᬂᬳᬜᬸᬭᬢ᭄ᬳᬶᬕᬸᬱ᭄ᬢᬶᬜᭀᬫᬦ᭄ᬤᬗᬶᬦ᭄᭞ᬰᬓᬶᬂᬧᬥᬂ
Kaca:Bali-lontar-gaguritan-boma-300ppi.pdf/65
Kaca puniki sampun kauji-wacén
