[᭖᭓ 63B]
᭖᭓
ᬧᬫᬶᬡᬓᬤᬶ᭞ᬓᬵᬮᬳᭀᬫᬭᬵ᭞ᬘᬓᬺᬧᬋᬭᬢᬸᬲᬵᬫᬶ᭟ᬭᬭᬶᬲ᭄ᬗ᭄ᬭᬓ᭄ᬪᬝᬵᬭᬫᬲᬶᬫᬦᬵᬥ᭞ᬕᬮᬂᬗᬮᬸᬦ᭄ᬢᬂᬦᬾᬫᬗ᭄ᬓᬶᬦ᭄᭞ᬳᭂᬦ᭄ᬢᭂᬕ᭄ᬫᬗᬵᬫ᭄ᬩᬭᬵ᭞ᬭᬵᬫ᭄ᬩᬸ
ᬢᬾᬰᬯᬂᬚᬮᬥ᭞ᬭᬸᬫᬫ᭄ᬩᬾᬫᬗᬺᬱᬂᬳᬢᬶ᭞ᬫᬾᬗ᭄ᬕᬸᬂᬧᬸᬦᬂᬭᬢ᭄᭞ᬪᬝᬵᬭᬳᬭᬶᬫᬹᬃᬣᬶ᭟ᬲᬳᬲᬦ᭄ᬤᭂᬤᭂᬮ᭄ᬫᬫᬧᬸᬳᬂᬯᬤ᭄ᬯᬦᬾᬢ᭄ᬬ᭞ᬭᬓ᭄ᬱᬲᬫᬦ᭄ᬢ᭄ᬭᬓ᭄ᬯᬾᬄᬫᬢᬶ
᭞ᬧᬶᬦ᭄ᬤ᭄ᬭᬧ᭄ᬪᬝᬵᬭ᭞ᬮᬾᬦ᭄ᬤᬶᬦᬦ᭄ᬤᬭᬶᬂᬪᬸᬝᬵ᭞ᬫᬶᬚᬶᬮ᭄ᬭᬶᬂᬭᬕᬰ᭄ᬭᬷᬳᬚᬶᬂ᭞ᬤᬤᬶᬜᬪ᭄ᬭᬱ᭄ᬢᬵ᭞ᬪᬵᬮᬳᬶᬭᬓ᭄ᬱᬲᬲᬵᬫᬶ᭟ᬲᬂᬥᬦᬵᬯᬧᬢᬶᬧ᭄ᬭᬪᬸᬪᭀᬫᬰᬸᬭ᭞ᬳᬶᬤ᭠
ᬫᬘᬶᬗᬓᬦ᭄ᬫᬵᬗ᭄ᬓᬶᬦ᭄᭞ᬤᬤᬶᬓᬢᬶᬗᬮᬦ᭄᭞ᬯᬶᬱ᭄ᬡᬸᬫᬹᬃᬣᬶᬲᬂᬓᬺᬱ᭄ᬡ᭞ᬲᬂᬦ᭠ᬭᬓᬗ᭄ᬭᬱᬫᬢᬶ᭞ᬗᬸᬘᬧᬾᬂᬘᬶᬢ᭄ᬣᬵ᭞ᬩᬬᬲᬂᬯᬶᬱ᭄ᬡᬸᬫᬫᬹᬃᬣᬶ᭟ᬤᬤᬶᬜᬲᬂᬪᭀ
[᭖᭔ 64A]
ᬫᬢᭂᬤᬸᬦ᭄ᬫᬵᬜᭂᬫ᭄ᬩᬄ᭞ᬭᬶᬂᬰᬸᬓᬸᬲᬗ᭄ᬳ᭄ᬬᬂᬳᬭᬶ᭞ᬦ᭄ᬥᭂᬂᬫ᭄ᬫᬵᬗᬱ᭄ᬢᬯ᭞ᬯᬸᬯᬸᬲᬶᬂᬫ᭠ᬧ᭄ᬭᬬᭀᬖ᭞ᬲᬂᬓ᭄ᬱᬶᬣᬶᬚᭂᬕ᭄ᬗᬵᬥᭂᬕ᭄ᬳᬕ᭄ᬮᬶᬲ᭄᭞ᬮ᭄ᬯᬶᬃᬓᬵᬮᬭᬸᬧᬵ᭞ᬳᬰᭀᬃᬧᬜ᭄ᬚᬗᬾ᭠
ᬳᬶᬓᬶ᭟ᬮ᭄ᬯᬶᬃᬧᬃᬯ᭄ᬯᬢᬧᬗᬥᭂᬕᬾᬲᬂᬬᬓ᭄ᬱᬾᬦ᭄ᬤ᭄ᬭ᭞ᬲᭀᬓ᭄ᬢᬗᬦᬾᬓᬓᬮᬶᬄ᭞ᬫᬗᬵᬫ᭄ᬩᭂᬮ᭄ᬲᬜ᭄ᬚᬢ᭄ᬣᬵ᭞ᬕᬥᬯ᭄ᬲᬶᬘᬦ᭄ᬤᬺᬳᬱ᭞ᬓᬳᬸᬬᭂᬂᬫᭂᬲᬯᬂᬢᬢ᭄ᬢᬶᬢ᭄᭞ᬲᬶ
ᬬᬸᬤᬸᬫᬶᬮᬄ᭞ᬤᬗᬱ᭄ᬢ᭄ᬭᬦᬾᬫᬜᬸᬮᬸᬳᬶᬦ᭄᭟ᬢ᭄ᬓᬲᬳᬲ᭄ᬫᬜᭂᬧᭂᬕ᭄ᬥᬥᬪᬝᬵᬭ᭞ᬫᬦᬶᬕ᭄ᬢᬶᬕ᭄ᬫᬵᬗᬸᬩᬢ᭄ᬳᬩᬶᬢ᭄᭞ᬤᬤᬶᬕᬕᬺᬢᬦ᭄᭞ᬪᬝᬵᬭᬳ᭄ᬬᬂᬯᬶᬱ᭄ᬡᬸᬭᬵᬚ᭞
ᬦᬍᬚᭂᬓ᭄ᬲᬂᬪᭀᬫᬫᬗ᭄ᬓᬶᬦ᭄᭞ᬳᭂᬩᬄᬜᭂᬮᬦ᭄ᬢᬄ᭞ᬢᬗᬦ᭄ᬳ᭄ᬬᬂᬪᬝᬵᬭᬲᬵᬫᬶ᭟ᬫᬩ᭄ᬭᬶᬬᬸᬓ᭄ᬲᬵᬫᬶᬫᬦᬸᬯᭂᬓ᭄ᬲᬂᬪᭀᬫ᭞ᬓᬧᬸᬧᬸᬕ᭄ᬧᬦᬳᬾᬲᬵᬫᬶ᭞ᬲᬂᬪᭀ
Kaca:Bali-lontar-gaguritan-boma-300ppi.pdf/64
Kaca puniki sampun kauji-wacén
