[᭕᭘ 58B]
᭕᭘
ᬲᬩᬶᬢ᭄᭞ᬫ᭄ᬯᬂᬳᬸᬦ᭄ᬤᬯ᭞ᬫᬶᬦ᭄ᬤᬸᬳᬸᬃᬫ᭄ᬫᬵᬭᬾᬂᬮᬗᬶᬢ᭄᭟ᬓᬧᬮᬸᬯᬂᬓᬘᭀᬓ᭄ᬘᭀᬓ᭄ᬫᬵᬧᬸᬓᬂᬧᬸᬓᬂ᭞ᬩᬶᬦᬜ᭄ᬘᬃᬦ᭄ᬬᬭᬶᬂᬓ᭄ᬱᬶᬣᬶ᭞ᬫᬦᬧᬾᬦᬶᬦ᭄ᬧᬶᬮᬄ᭞ᬲᬶᬭᬭᬓ᭄ᬭ᭄ᬬᬦ
ᬓᬶᬘᬓᬵ᭞ᬯᬮᬸᬬᬓᬤᬶᬫᬧᬶᬮ᭄ᬧᬶᬮ᭄᭞ᬫᬗ᭄ᬓ᭄ᬬᬗᬸᬗ᭄ᬩᬭᬵ᭞ᬲᬂᬓᬺᬱ᭄ᬡᬥᬃᬫ᭄ᬫᬲᬶᬦᬭᬶᬂ᭟ᬓᬧᬮᬸᬯᬂᬓᬳᬸᬬᭂᬂᬭᬶᬂᬗᬯᬂᬗᬯᬂ᭞ᬘᬶᬦᬸᬘᬸᬓ᭄ᬓᬰᬓᬶᬢᬶᬦ᭄᭞ᬯᬦᬾᬄᬬᭂ
ᬧᬦᬗᬦ᭄᭞ᬓᬘᬶᬦᬾᬭᬾᬢ᭄ᬧᬸᬦᬂᬭᬄ᭞ᬪ᭄ᬭᬱ᭄ᬝᬲᬂᬬᬥᬸᬓ᭄ᬯᬾᬄᬫᬢᬶ᭞ᬫᬳᬯᬶᬦᬦ᭄ᬩᬸᬩᬃ᭞ᬫᭂᬮᬳᬶᬩ᭄ᬬᭂᬧᬢᬶᬓᭂᬮᬶᬤ᭄᭟ᬫᬳᬸᬲᬸᬗᬦ᭄ᬢ᭄ᬯᬭᬳᬤᬦᭀᬮᬶᬄᬭᭀ᭠
ᬯᬂ᭞ᬫᭂᬲᬄᬲᬄᬮᬶᬬᬸᬫᬢᬶ᭞ᬩᬗ᭄ᬓᬾᬦᬾᬧᬚ᭄ᬮᬾᬫ᭄ᬧᬂ᭞ᬕᭂᬢᬶᬄᬫᬩ᭄ᬭᬭᬓᬦ᭄ᬭᬶᬂᬢ᭄ᬕᬮ᭄᭞ᬮᬶᬫᬦᬾᬫᭂᬲᬄᬲᬄᬫᬗᬶᬦ᭄᭞ᬩᬋᬂᬧᬸᬗ᭄ᬕᬮᬦ᭄᭞ᬫᬕᭂᬮᬃᬫ᭄ᬫᬵᬭᬶᬂᬓ᭄ᬱᬶᬣᬶ᭟
[᭕᭙ 59A]
ᬤᬤᬶᬢᬸᬫᬶᬗ᭄ᬕᬮᬶᬦ᭄ᬳᬶᬤᬲᬂᬓᬺᬱ᭄ᬡᬵ᭞ᬫᬋᬧᬢ᭄ᬜᬶᬗᬓ᭄ᬮᬵᬗᬶᬢ᭄᭞ᬤᬤᬶᬓᬢᬶᬗᬮᬦ᭄᭞ᬕᬭᬸᬥᬓ᭄ᬭᬸᬭᬓᬭᬵ᭞ᬫᭂᬚᬗ᭄ᬕᬃᬕ᭄ᬦᬶᬫᬜᭂᬭᬶᬳᬶᬦ᭄᭞ᬲᬶᬭᬲᬂᬦᬵᬣ᭞ᬫᭂᬗᬥᭂ
ᬕ᭄ᬭᬶᬂᬭᬣᬫᬗ᭄ᬓᬶᬦ᭄᭟ᬫᬗᬸᬩ᭄ᬥᬘᬓᬺᬮ᭄ᬯᬶᬃᬕ᭄ᬭᬳᬲᬯᬸᬭᬦ᭄᭞ᬫᬲᭂᬫ᭄ᬩᬭᬦ᭄ᬧᭂᬲᬸᬳᬧᬶ᭞ᬲ᭄ᬯᬭᬦ᭄ᬬᬮ᭄ᬯᬶᬃᬕ᭄ᬮᬧ᭄᭞ᬲᬂᬦᬵᬣᬳᬶᬧᬶᬄᬫᬜᬓᬻ᭞ᬫᬓᬵᬮᬗᬦ᭄ᬫᬵᬭᬶᬂᬮᬗᬶ᭠
ᬢ᭄᭞ᬧᭂᬕᬢ᭄ᬕᬸᬮᬸᬦ᭄ᬬ᭞ᬕᬭᬸᬥᬦᬶᬩᬾᬂᬓ᭄ᬱᬶᬣᬶ᭟ᬮ᭄ᬯᬶᬃᬳᬸᬚᬦ᭄ᬭᬄᬦ᭄ᬬᬫᬩᭂᬓᬾᬂᬢ᭄ᬕᬮ᭄᭞ᬫᬗᬭᬸᬩᬸᬓ᭄ᬳᬶᬧᬸᬦ᭄ᬫᬢᬶ᭞ᬫᬭᬶᬢᭂᬗᬳᬶᬂᬧ᭄ᬭᬂ᭞ᬲᬂᬪᬵᬮᬤᬾᬯᬗᭂᬦᬮ᭄᭞
ᬫᬗᭂᬮᬸᬤ᭄ᬗᬦ᭄ᬳᭂᬮᬸᬯ᭄ᬲᬶ᭞ᬓᬧᬸᬓᬂᬧᬸᬓᬂ᭞ᬳᬦ᭄ᬢᬸᬓ᭄ᬳᬶᬤᬲᬂᬰ᭄ᬭᬷᬳᬚᬶ᭟ᬤᬾᬦᬶᬂᬳᬶ᭠ᬧᬸᬦ᭄ᬫᬓ᭄ᬭᬡᬮᬶᬬᬸᬭᬸᬲᬓ᭄᭞ᬲᬯᬢᭂᬓ᭄ᬧ᭄ᬭᬭᬢᬸᬲᬵᬫᬶ᭞ᬦᭀᬭᬓᬯᬃᬡ᭄ᬦᬳᬵ᭞ᬪ᭄ᬭ᭠
Kaca:Bali-lontar-gaguritan-boma-300ppi.pdf/59
Kaca puniki sampun kauji-wacén
