[᭔ 4B]
᭔
ᬯᬸᬄᬪᬕᬸᬲ᭄᭞ᬫᬧᬫᬶᬢ᭄ᬭᬭᬸᬲ᭄ᬭᬶᬂᬳᬶᬩ᭄ᬬᬂ᭞ᬢᬹᬃᬫ᭄ᬫᬵᬫᬃᬕ᭄ᬕᬶᬫᬫᬋᬓ᭄ᬱᬂᬳᬶᬤᬕᬸᬭᬸ᭞ᬰ᭄ᬭᬷᬳᬚᬶᬲᬂᬩᬵᬮᬤᬾᬯ᭞ᬳᬰ᭄ᬯᬕᬸᬬᬸᬗᬸᬮᬧᬶᬦ᭄᭟ᬲᬂᬮ᭄ᬯᬶᬃᬲ᭄ᬫᬭᬫ᭠
ᬳᬫ᭄ᬩᬄ᭞ᬢᬹᬃᬫ᭄ᬫᬵᬧᬫᬶᬢ᭄ᬲᬂᬧ᭄ᬭᬪᬸᬗᬦ᭄ᬤᬶᬓᬭᬭᬶᬲ᭄᭞ᬧ᭄ᬬᬦᬓ᭄ᬳᬶᬭᬘᬳᬶᬳᬶᬪᬕᬸᬲ᭄᭞ᬲ᭄ᬥᭂᬂᬫᬗ᭄ᬓᬾᬬᭂᬫᬗ᭄ᬓᬢ᭄ᬣᬵ᭞ᬳᭂᬦᬾᬲᬶᬓᬧ᭄ᬢᬸᬗ᭄ᬕᬮ᭄ᬫᬵᬯᬶᬲᬾᬲᬧᬸᬢᬸᬲ᭄᭞ᬫᬸᬮᬧᬗ᭄ᬮᬩᬸᬃ
ᬤᬦᬵᬯ᭞ᬧᬶᬲᬘᭂᬭᬓ᭄ᬱᬢᬸᬯᬶ᭟ᬩᬸᬯᬶᬦ᭄ᬦᬾᬕᬤᬫᬮᬾᬮᬵ᭞ᬓᬾᬢᭀᬲᬂᬧ᭄ᬭᬪᬸᬫᬵᬩᬮᬤᬾᬯᬳᬚᬶ᭞ᬳᬶᬥᭂᬧ᭄ᬳᬶᬥᭂᬧᬦ᭄ᬩᬵᬲᬵᬫ᭄ᬧᬸᬦ᭄᭞ᬲᬶᬦᬶᬫ᭄ᬧᭂᬦ᭄ᬢ᭄ᬭᭀᬦᬶᬂᬘᬶᬢ᭄ᬣᬵ᭞ᬕ᭄ᬮᬶᬲ᭄ᬫᭂ᭠
ᬧᬫᬶᬢ᭄ᬲᬂᬩᬵᬮᬤᬾᬯᬢᬸᬫᬗ᭄ᬓᬸᬂ᭞ᬲᬂᬭᬵᬚᬧᬸᬢᬺᬲᬵᬫ᭄ᬩ᭞ᬫᬋᬓ᭄ᬭᬶᬂᬧ᭄ᬭᬪᬸᬯᬶᬱ᭄ᬦᬸᬫᬹᬃᬣᬶ᭟ᬲᬂᬓᬺᬱ᭄ᬡᬤᬳᬢ᭄ᬯᭂᬮᬲ᭄᭞ᬫᬜᬶᬗᬓᬶᬦ᭄ᬲᬂᬭᬵᬚᬧᬸᬢᬺᬳᬮᬶᬢ᭄᭞ᬯᬶᬚᬶᬮ᭄ᬢ
[᭕ 5A]
ᬗᬶᬲ᭄ᬲᬂᬗᬳᬸᬮᬸᬦ᭄᭞ᬮ᭄ᬯᬶᬃᬕ᭄ᬭᬄᬬᭂᬫᬫᭂᬕᬢ᭄ᬫᭂᬕᬢ᭄᭞ᬦᬄᬧᬕᭂᬳᬂᬘᬳᬶᬧ᭄ᬬᬦᬓ᭄ᬳᬶᬭᬪᬕᬸᬲ᭄᭞ᬯᬶᬭᬢ᭄ᬱᬲᬢ᭄ᬭ᭄ᬬᬫᭀᬢᬫᬵ᭞ᬢᭀᬂᬢᬳᬾᬦ᭄ᬲᬸᬭᬸᬤ᭄ᬭᬶᬂᬚᬭᬶᬢ᭄᭟ᬳᭂ
ᬦᬾᬘᬓ᭄ᬭᬫᬯᬶᬱᬾᬰ᭞ᬧᬗᭂᬲᭂᬗᬦ᭄ᬭᬓ᭄ᬱᬰᬪᬸᬝᬵᬲᬵᬫᬶ᭞ᬓ᭄ᬭᬦᬦ᭄ᬤᬤᬶᬯᬶᬭᬬᬤᬸ᭞ᬢᭀᬢᭀᬲᬶᬂᬯᬢᭂᬓᬶᬂᬧ᭄ᬭᬂ᭞ᬢᬦ᭄ᬢ᭄ᬭᬶᬫᬫᬦ᭄ᬢᬓᬦᬾᬲᬵᬫ᭄ᬧᬸᬦ᭄ᬮᬮᬶᬪᬕᬸᬲ᭄᭞ᬓᬸᬘ
ᬧᬂᬧᬗᬶᬦ᭄ᬥᬺᬚᬮᬵ᭞ᬢᬦ᭄ᬳᬸᬭᬸᬂᬳᬶᬲᬢ᭄ᬭᬸᬩᬱ᭄ᬫᬶ᭟ᬘᬓᬺᬩ᭄ᬬᬳᬫᬶᬯᬄᬧᬤ᭄ᬫ᭞ᬧᬥᬲᭂᬂᬓᭂᬳᬶᬲᬢ᭄ᬭᬸᬫᬗ᭄ᬭᬜ᭄ᬚᬶᬗᬶᬦ᭄᭞ᬓᬧᬸᬭᬸᬱᬲᬦ᭄ᬳᬾᬗ᭄ᬕᬾᬢᬸᬗ᭄ᬕᬸᬮ᭄᭞ᬫᬗᬮᬶᬄᬓᬲᬢ᭄ᬭ᭄ᬬᬩ᭄ᬭᬢ᭄ᬣ᭞
ᬫᬲᬤᬦᬲᬜ᭄ᬚᬢ᭄ᬣᬦᬾᬢᬚᭂᬧ᭄ᬫᬸᬭᬸᬩ᭄᭞ᬩᬸᬓᬸᬭᬾᬭᬢᬋᬫ᭄ᬧᬓ᭄᭞ᬓ᭄ᬯᬗᬶᬦᬾᬓ᭄ᬭᬶᬲ᭄ᬫᬲᬗᬶᬄ᭟ᬮᬯᬸᬢᬂᬘᬳᬶᬫᭂᬚᬮᬦ᭄᭞ᬫᬗ᭄ᬤᬬᬢ᭄ᬦᬵᬲᬵᬫ᭄ᬧᬸᬦ᭄ᬤᬾᬦ᭄ᬮᬮᬶᬮᬮᬶ᭞ᬓᬾ
Kaca:Bali-lontar-gaguritan-boma-300ppi.pdf/5
Kaca puniki sampun kauji-wacén
