[᭔᭗ 47B]
᭔᭗
ᬫᬓᬸᬭᬸᬩ᭄ᬲᬢᬺᬧᬸᬢᬶᬄ᭞ᬢᬶᬢ᭄ᬬᬂᬫᭂᬜᬦ᭄ᬤᬶᬂᬤᬾᬯᬵᬬᬸ᭞ᬢ᭄ᬯᬭᬚᭂᬢᬳᬾᬦᬾᬩᭂᬮᬲ᭄᭞ᬭᬶᬂᬧᬯᬾᬤᬬᬦ᭄ᬲᬂᬋᬱᬶ᭞ᬲᬗ᭄ᬳ᭄ᬬᬂᬳᬕ᭄ᬦᬶᬫᬗᭂᬡ᭄ᬥᬶᬄᬧᬸᬦᬶᬓᬤᬾᬯᬵ᭟ᬢ᭄ᬯᬭᬚᭂᬓᬦ᭄ᬢᭂ᭠
ᬦ᭄ᬫᬵᬦᬸᬫ᭞ᬲᬗ᭄ᬳ᭄ᬬᬂᬢ᭄ᬭᬶᬧᬸᬭᬸᬰᬯᬶᬚᬶᬮ᭄᭞ᬲᬓᬶᬂᬚ᭄ᬭᭀᬦᬶᬂᬧᬯᬓᬵ᭞ᬫᭂᬗᬬᭂᬕ᭄ᬫᭂᬭ᭠ᬕᬤᬤᬶ᭞ᬫᬘᬢᬹᬃᬩᬸᬚᬲᬯ᭄ᬬᬓ᭄ᬢᬶ᭞ᬓ᭄ᬭᬸᬭᬯᬃᬡ᭄ᬦᬦᬾᬤᬶᬦᬸᬮᬸᬂ᭞ᬕ᭄ᬮᬶᬲ᭄ᬳᬶᬤᬫᭂᬗᬦ᭄ᬤᬶᬓ᭞
ᬫᬡᬶᬓ᭄ᬳᬢ᭄ᬫᬵᬦᬾᬧᬶᬦᬸᬚᬶ᭞ᬓᬢᬶᬩᬓᬂᬤᬶᬢᬗ᭄ᬓᬄᬢᬶᬢ᭄ᬬᬗᬾᬤᬾᬯᬵ᭟ᬕ᭄ᬮᬶᬲ᭄ᬪᬵᬝᬵᬭᬫᭂᬗᬦ᭄ᬤᬶᬓ᭞ᬲᬵᬫ᭄ᬩᬳᬦ᭄ᬢᬶᬚᬦᬶᬤᬶᬦᬶ᭞ᬓᬾᬢᭀᬯᭂᬘᬦᬦ᭄ᬪᬵᬝᬵᬭᬵ᭞ᬥᬸᬓ᭄ᬳᬶᬤᬦᬾ
ᬫᬦᬶᬩᬓᬶᬦ᭄᭞ᬫᭀᬓ᭄ᬢᬄᬳ᭄ᬬᬂᬫ᭄ᬭᬚᬧᬢᬶ᭞ᬥᬸᬓ᭄ᬩᬸᬤᬮ᭄ᬪᬵᬝᬵᬭᬕᬸᬭᬸ᭞ᬲᬵᬫ᭄ᬧᬸᬦ᭄ᬫ᭄ᬭᬲᬢᬶᬢ᭄ᬬᬂᬲᭂᬕᭂᬃ᭞ᬓᬾᬦᬓ᭄ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬳᬶᬗ᭄ᬕᬶᬄᬭᬢᬸᬲᬵᬫ᭄ᬧᬸᬦᬂᬓ᭠
[᭔᭘ 48A]
ᬭᬶᬲᬦ᭄ᬤᬾᬬᬵ᭟ᬯᬾᬦ᭄ᬢᭂᬦ᭄ᬢᭀᬲᬲᬗᬶᬦ᭄ᬢᬶᬢ᭄ᬬᬂ᭞ᬫᭂᬓᬤᬶᬳᬶᬤᬾᬯᬫᬗ᭄ᬓᬶᬦ᭄᭞ᬤᬶᬭᬯᬸᬳᬾᬭᬶᬂᬫᬥᬸᬭᬵ᭞ᬢᬶᬢ᭄ᬬᬂᬦᬗᬸᬦ᭄ᬓᬃᬬ᭄ᬬᬍᬯᬶᬄ᭞ᬯᬗᬸᬦᬂᬢᬶᬢ᭄ᬬᬂᬲᬵᬫᬶ᭞ᬧ᭠
ᬘᬂᬓᬢᬹᬃᬭᬶᬂᬳ᭄ᬬᬂᬯᬶᬱ᭄ᬡᬸ᭞ᬦᬾᬦᬾᬤᬳᬢ᭄ᬫᬉᬢ᭄ᬢᬫ᭞ᬮᬶᬗ᭄ᬕᬬᬂᬫᬾᬭᬸᬦᬾᬍᬯᬶᬄ᭞ᬲᬂᬰ᭄ᬭᬷᬳᬚᬶᬓᬺᬱ᭄ᬡᬳᬲᬸᬂᬜᬯᬶᬚᬬᬦ᭄᭟ᬓᬾᬢᭀᬧᭂᬗᬦ᭄ᬤᬶᬓᬦ᭄ᬲᬂᬲᬵᬫ᭄ᬩ᭞ᬭᬶᬂᬳᬶ
ᬤᬲᬂᬫᭂᬓᬤᬶᬭᬢᬶᬄ᭞ᬭᬤᬾᬦ᭄ᬤᬾᬯᬷᬲᬸᬓᬕᬶᬭᬂ᭞ᬓᬤ᭄ᬬᬂᬳᬸᬚᬦ᭄ᬓᬧᬢ᭄ᬯ᭄ᬬᬓ᭄ᬢᬶ᭞ᬲᬸᬗ᭄ᬲᬸᬢᬾᬳᬶᬘᬮ᭄ᬫᬵᬗ᭄ᬓᬶᬦ᭄᭞ᬓᬕᭂᬦ᭄ᬢᭀᬲᬶᬦ᭄ᬩᬦ᭄ᬓᬾᬦᬓ᭄ᬓᬳ᭄ᬬᬸᬦ᭄᭞ᬳᬦ᭄ᬢᬸᬓ᭄ᬍᬕ
ᬦᬾᬢᬦ᭄ᬓᭀᬘᬧ᭄᭞ᬤᬤᬶᬯᬶᬚᬶᬮ᭄ᬢᭀᬬᬦ᭄ᬳᬓ᭄ᬱᬶ᭞ᬲᬕᬾᬢ᭄ᬭᬵᬯᬸᬄ᭞ᬧᬥᬡ᭄ᬥᬗᬢᬸᬭᬂᬢᬶᬃᬢ᭄ᬢᬵ᭟ᬭᬶᬂᬳᬶᬤᬲᬭᬵᬚᬧᬸᬢᬻ᭞ᬭᬯᬸᬳᬶᬧᬦᬯᬃᬰᬶᬤ᭄ᬥᬶ᭞ᬢᬶᬃᬢ᭄ᬢᬦᬾᬲᬵᬫ᭄ᬧᬸ
Kaca:Bali-lontar-gaguritan-boma-300ppi.pdf/48
Kaca puniki sampun kauji-wacén
