[᭔᭖ 46B]
᭔᭖
ᬓᬵ᭞ᬜᬤᬗᬶᬦ᭄ᬓᬳ᭄ᬬᬸᬦᬾᬯ᭄ᬬᬓ᭄ᬢᬶ᭞ᬲᬾᬦ᭄ᬤᬾᬄᬮᬩᬸᬄ᭞ᬳᬫ᭄ᬩᬸᬮ᭄ᬢᭀᬬᭂᬫᬓ᭄ᬮᭀᬦ᭄ᬜᬵ᭟ᬚᬦᬶᬲᬸᬩᭂᬗᬦ᭄ᬢ᭄ᬬᬂᬢ᭄ᬓᬵ᭞ᬚᬩᬦᬶᬦ᭄ᬧᬢᬧᬦ᭄ᬩᭂᬘᬶᬓ᭄᭟ᬲᬂᬲᬵᬫ᭄ᬩᬩᬸᬯᬶᬦ᭄ᬫᬵᬭᬃ
ᬬ᭄ᬬᬦ᭄᭞ᬯᬾᬦ᭄ᬢᭂᬦ᭄ᬩᬵᬢᬸᬕᭂᬤᬾᬜᭂᬕᬶᬃ᭞ᬢᬸᬬᬸᬳᬾᬢᬦ᭄ᬲᬶᬦᬶᬧᬶ᭞ᬕᭂᬢᬶᬳᬾᬜᬭᬾᬢ᭄ᬘᬾᬢ᭄ᬧᭂᬲᬸ᭞ᬫᬾᬮᬶᬂᬫᬮᬶᬄᬬᭂᬫᭂᬚᬮᬦ᭄᭞ᬫᭂᬗᬗ᭄ᬓᬵᬢ᭄ᬢᬸᬗ᭄ᬓᭂᬤᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸ
ᬦ᭄ᬭᬵᬯᬸᬄ᭞ᬳᬶᬤᬦᬧᬓ᭄ᬭᬶᬂᬧᬢᬧᬦ᭄᭟ᬧᬥᬡ᭄ᬥᬕᬶᬧᬶᬄᬗᬸᬰᬥᬦ᭄᭞ᬫᬗ᭄ᬭᬭᬶᬲ᭄ᬫᭂᬋᬫ᭄ᬢᬾᬫᬗ᭄ᬓᬶᬦ᭄᭞ᬳᬾᬦᬓ᭄ᬫᬗᬍᬗᬶᬦ᭄ᬢᬵᬗᬦ᭄᭞ᬓᬳ᭄ᬬᬸᬦᬾᬓᬮᬶᬯᬢ᭄ᬳᭂᬦᬶᬂ᭞
ᬢᬦ᭄ᬫᬵᬭᬶᬫᬗᬚᬧ᭄ᬫᬵᬗ᭄ᬓᬶᬦ᭄᭞ᬪᬝᬵᬭᬩ᭄ᬭᬵᬳ᭄ᬫᬧᬸᬦᬶᬓᬸ᭞ᬫᬜᭂᬫ᭄ᬧᬸᬮᬶᬄᬦᬾ᭠ᬧᬸᬭᬸᬰᬵ᭞ᬲᬂᬲᬵᬫ᭄ᬩᬤᬳᬢᬶᬂᬳᬭᬶᬧ᭄᭞ᬭᬤᬾᬦ᭄ᬤᬾᬯᬷᬲᬗ᭄ᬲᬬᬫᬜᬶᬗᬓ᭄ᬭᬓᬵ᭟᭠
[᭔᭗ 47A]
ᬢ᭄ᬯᬭᬚᭂᬲᬸᬳᬸᬤ᭄ᬲᬦ᭄ᬤᬾᬳ᭞ᬓᬤᬾᬦᬂᬭᬓᬦᬾᬫᬢᬶ᭞ᬕ᭄ᬮᬶᬲ᭄ᬫᬵᬦᬸᬦ᭄ᬤᬸᬦᬶᬦ᭄ᬲᬂᬲᬵᬫ᭄ᬩ᭞ᬲᬵᬫ᭄ᬩᬶᬮ᭄ᬤᬵᬦᬾᬫᬜᬸᬕᬶᬦᬶᬦ᭄᭞ᬳᬾᬜ᭄ᬚᬂᬳᬸᬘᬧᭂᬦ᭄ᬲᬵᬫᬶ᭞ᬬᬦ᭄ᬳᬓᬸᬤᬂᬤᬶᬦᬲᬵ
ᬫ᭄ᬧᬸᬦ᭄᭞ᬢᬵᬫ᭄ᬩᬦᬾᬮᬶᬬᬸᬫᬧᬭᬓ᭄᭞ᬢ᭄ᬯᬭᬳᬤᭂᬫᬫ᭄ᬩᭂᬮᬸᬭᬶᬦ᭄᭞ᬓᬭᬶᬫᬗ᭄ᬕᭂᬄᬓᬦᬶᬦ᭄ᬳᬶᬤᬦᬾᬲᬂᬲᬵᬫ᭄ᬩ᭟ᬫᭂᬢᬵᬫ᭄ᬩᬩᬦ᭄ᬓᬵᬚᬕᬾᬕᬦ᭄᭞ᬤᬾᬯᬳᬬᬸᬬᬚ᭄ᬜᬯᬢᬶ
ᬲᭀᬓ᭄ᬓᬾᬦᬓ᭄ᬭᬶᬂᬧᬓᬳ᭄ᬬᬸᬦᬦ᭄᭞ᬲᬸᬲᬸᬦᬾᬲᬂᬭᬵᬚᬧᬸᬢ᭄ᬭᬶ᭞ᬧᬤᭂᬢ᭄ᬓᭂᬩᬸᬲ᭄ᬕᬵᬫ᭄ᬩᭂᬮᬶᬦ᭄᭞ᬦᬾᬦᬾᬧᬦᬲ᭄ᬤᬵᬤᬶᬤᬯᬸᬄ᭞ᬲᬕᬾᬢ᭄ᬲᬵᬫ᭄ᬧᬸᬦ᭄ᬬᭂᬲᭂᬫᭂᬗᬦ᭄᭞ᬲᬂᬭᬵᬚᬧᬸᬢᬺ᭠
ᬫᬢᬗᬶ᭞ᬫᬦᬸᬢᬸᬭᬂᬧᬜᬸᬫ᭄ᬧᭂᬦᬦ᭄ᬤᬵᬦᬾᬦᬾᬫ᭄ᬮᬄ᭟ᬭᬶᬂᬳᬶᬤᬲᬂᬭᬵᬚᬚ᭄ᬯᬶᬢ᭄ᬣ᭞ᬯᬸᬲᬦᬾᬫᬲᬶᬭᬫ᭄ᬫᬵᬗ᭄ᬓᬶᬦ᭄᭞ᬓᬾᬦᬾᬧᬫᬸᬜᬶᬦ᭄ᬲᬂᬲᬵᬫ᭄ᬩ᭞ᬳᬶᬤᬾᬯᬓᬦ᭄ᬢᭂᬦ᭄ᬲᬯ᭄ᬬᬓ᭄ᬢᬶ᭞
Kaca:Bali-lontar-gaguritan-boma-300ppi.pdf/47
Kaca puniki sampun kauji-wacén
