[᭔᭒ 42B]
᭔᭒
ᬦ᭄ᬢᬶᬢ᭄ᬬᬂ᭞ᬫᭂᬓᬤᬶᬜᬭᬕᬦ᭄ᬩᭂᬮᬶ᭞ᬦᬾᬦᬾᬫᬍᬕᬦᬶᬦ᭄ᬢᬶᬢ᭄ᬬᬂ᭞ᬦᬄᬤᭂᬧᬂᬩᬋᬂᬫᬢᬶ᭞ᬩᭂᬮᬶᬓᬮᬶᬯᬢ᭄ᬓᬵᬰᬶᬄ᭞ᬳᬦ᭄ᬢᭀᬲ᭄ᬢᬶᬢ᭄ᬬᬂᬩᭂᬮᬶᬪᬕᬸᬲ᭄᭞ᬫᬭᬶᬘᭂᬧᬦ᭄ᬫᬃᬕ᭄ᬕᬵ
ᬲᬗᬵ᭞ᬩᭀᬬᬤᬦ᭄ᬤᬵᬦ᭄ᬢᬶᬢ᭄ᬬᬂᬩᭂᬮᬶ᭞ᬢᬶᬢ᭄ᬬᬂᬳᬚ᭄ᬭᬶᬄᬭᬶᬂᬢᬶᬢᬶᬳᬸᬕᬮ᭄ᬳᬕᬶᬮ᭄ᬬ᭟ᬧᬸᬦᬶᬓᬶᬩᭂᬮᬶᬓᬩᬶᬦᬯᬵ᭞ᬳᬲᬸᬦᬾᬫᭂᬘᬮᬶᬂᬫᬳᬶ᭞ᬳᬶᬧᬸᬦ᭄ᬦᬵᬕᬶᬄᬗᬫ᭄ᬳᬄᬲᬯᬵ᭞
ᬤᬶᬲᬵᬫ᭄ᬧᬶᬂᬩᭂᬮᬶᬦᬾᬫᬗ᭄ᬓᬶᬦ᭄᭞ᬓᬦ᭄ᬢᭂᬦᬂᬢᬶᬢ᭄ᬬᬂᬲᬯ᭄ᬬᬓ᭄ᬢᬶ᭞ᬲᭂᬩᬓ᭄ᬱᭂᬩᬓ᭄ᬳᬶᬧᬸ᭠ᬦ᭄ᬜᬵᬮᬸᬂ᭞ᬳᬶᬧᬸᬦ᭄ᬫᭂᬗᬦ᭄ᬢᭀᬲᬂᬢᬶᬢ᭄ᬬᬂ᭞ᬮᬵᬫ᭄ᬧᬸᬦ᭄ᬢᬶᬢ᭄ᬬᬂᬲᬸᬩᭂᬫᬢᬶ᭞ᬳᬫᬄᬳᬶᬧᬸ
ᬦ᭄᭞ᬢ᭄ᬯᬭᬳᭂᬜᬓ᭄ᬬᭂᬫᬓᬳᬤ᭄᭟ᬫᬗᬃᬬ᭄ᬬᬦᬂᬢᬶᬢ᭄ᬬᬂᬲ᭄ᬭᬦ᭄ᬢᬵ᭞ᬲᬯ᭄ᬬᬓ᭄ᬢᬶᬦ᭄ᬜᬲᬵᬫ᭄ᬧᬸᬦ᭄ᬯᭂᬗᬶ᭞ᬲᬗ᭄ᬳ᭄ᬬᬂᬲᬸᬃᬬ᭄ᬬᬲᬸᬭᬸᬧ᭄ᬓᭀᬘᬧ᭄᭞ᬢᭀᬲᬯᬗᬂᬓᬦᬶᬦ᭄ᬩᭂᬮᬶ᭞ᬲᬬᬦ᭄ᬳᬶᬮᬂ
[᭔᭓ 43A]
ᬲᬯ᭄ᬬᬓ᭄ᬢᬶ᭞ᬦᬾᬫᬗ᭄ᬓᬶᬦ᭄ᬫᬾᬄᬲᬸᬭᬸᬧ᭄ᬲᬵᬫ᭄ᬧᬸᬦ᭄᭞ᬋᬫ᭄ᬋᬫ᭄ᬧᭂᬢᭂᬂᬧᬸᬦᬂᬭᬢ᭄᭞ᬓᬤᬶᬫᬦᬄᬢᬶᬢ᭄ᬬᬂᬚᬢᬶ᭞ᬳᬶᬦ᭄ᬕ᭄ᬕᬶᬄᬭᬢᬸ᭞ᬲᬗ᭄ᬳ᭄ᬬᬂᬘᬢᬹᬃᬮᭀᬓᬭᬵᬚ᭟ᬭᬓ᭄ᬱᬡᬦ᭄ᬦᬾ
ᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬲᬵᬫ᭄ᬧᬸᬦ᭄ᬪᬵᬝᬵᬭᬢᬦ᭄ᬳᬾᬮᬶᬂ᭞ᬩᭀᬬᬢᬸᬮᬸᬗᬶᬦ᭄ᬲᬂᬲᬵᬫ᭄ᬩ᭞ᬢᬶᬢ᭄ᬬᬂᬗᭂᬯᬍᬲ᭄ᬜᬸᬪᬓ᭄ᬢᬶ᭞ᬤᬾᬯᬦᬶᬂᬲᬃᬯ᭄ᬯᬫᬳᬸᬭᬶᬧ᭄᭞ᬢᬸᬮᬸᬦ᭄ᬕᬶᬦ᭄ᬚᭂᬢᬶᬢ᭄ᬬᬂᬭᬢᬸ᭞ᬪᬝᬵ
ᬭᬫᬾᬫᬾᬦ᭄ᬢᬶᬢ᭄ᬬᬂ᭞ᬢ᭄ᬯᬃᬮᬾᬦᬦ᭄ᬓᬵᬤᬶᬫᬗ᭄ᬓᬶᬦ᭄᭞ᬢᬸᬦᬲ᭄ᬢᬶᬢ᭄ᬬᬂᬯᬦ᭄ᬢᬄᬧᭂᬫᬕᭂᬳᬦ᭄ᬫᬵᬦᬄ᭟ᬥᬸᬄᬪᬝᬵᬭᬳ᭄ᬬᬂᬦᬶᬂᬳᬮᬲ᭄᭞ᬫᭂᬓᬤᬶᬤᬾᬯᬵᬢᬲᬵᬫᬶ᭞ᬢᬸᬮᬸᬲᬂ
ᬲ᭄ᬯᬾᬘᬦᬶᬦ᭄ᬢᬶᬢ᭄ᬬᬂ᭞ᬲᭀᬫᬄᬢᬶᬢ᭄ᬬᬗᬾᬢᬵᬫ᭄ᬩᬦᬶᬦ᭄᭞ᬳᬶᬗ᭄ᬕᬶᬄᬳᬶᬤᬸᬧᬂᬫᬗ᭄ᬓᬶᬦ᭄᭞ᬬᬦ᭄ᬲ᭄ᬯᬾᬘᬪᬝᬵᬭᬕᬸᬭᬸ᭞ᬓᬾᬢᭀᬳᬶᬤᬭᬵᬚᬚ᭄ᬯᬶᬢ᭄ᬣᬵ᭞ᬳᬶᬦᬸᬯᬵᬋᬗᬦᬶᬂᬢᬵᬗᬶ
Kaca:Bali-lontar-gaguritan-boma-300ppi.pdf/43
Kaca puniki sampun kauji-wacén
