[᭔᭐ 40B]
᭔᭐
ᬮᬳᬶᬩ᭄᭞ᬩᬳᬦᬾᬢᬦ᭄ᬜᬦ᭄ᬤᬂ᭞ᬲᬂᬲᬵᬫ᭄ᬩᬫᭂᬜᬦ᭄ᬤᭂᬢ᭄ᬚᬵᬭᬦ᭄᭞ᬲᬩᬸᬤ᭄ᬥᬶᬩᬸ᭠ᬤ᭄ᬥᬶᬦ᭄ᬜᬤᬤᬶ᭞ᬜᬦ᭄ᬤᭂᬃᬲ᭄ᬬᬦ᭄ᬤᬵᬦ᭞ᬗᭂᬮᬓᬸᬮᬓᬸᬦᬾᬫᬗ᭄ᬓᬶᬦ᭄᭟ᬤᬤ᭄ᬬᬜᬭᬯᬸᬄᬭᬶ
ᬳᬸᬢᬭᬤᬾᬰᬵ᭞ᬩᭀᬬᬚᭂᬫᬦᬸᬳᬸᬢ᭄ᬫᬃᬕ᭄ᬕᬶ᭞ᬲᬓᬶᬂᬲᭂᬫᭂᬂᬓᭀᬘᬧ᭄᭞ᬫᭂᬗᬦ᭄ᬢᬶᬢᬚᭂᬕ᭄ᬲᬸᬃᬬ᭄ᬬ᭞ᬭᬣᬦᬾᬤ᭄ᬭᬲ᭄ᬓᬵᬤᬶᬳᬗᬶᬦ᭄᭞ᬭᬶᬂᬲᭂᬗ᭄ᬓᬵᬦᬾᬂᬯᬦᬵ᭞ᬫᬕᬸᬫᬸᬓ᭄ᬕᬸᬫᬸ᭠
ᬓ᭄ᬲᬵᬫᬶ᭟ᬤᬶᬢᬸᬓᬕ᭄ᬬᬢ᭄ᬫᬵᬗᬶᬭᬶᬂᬤᬦᬾᬫᭂᬚᬮᬦ᭄᭞ᬲᬕᬾᬢ᭄ᬫᬦ᭄ᬢᭂᬧ᭄ᬫᬵᬗ᭄ᬓᬶᬦ᭄᭞ᬘᬓ᭄ᬭᬦ᭄ᬜᬵᬦᬾᬘᬶᬧᬓ᭄᭞ᬦᬾᬚᬦᬶᬳᬶᬤᬲᬂᬲᬵᬫ᭄ᬩ᭞ᬤᬳᬢ᭄ᬮᬶᬫᬸᬄᬮᬸᬤᬶᬦ᭄ᬧᬮᬶᬂ᭞ᬭᬸᬦ᭄ᬢᬸᬄ
ᬦᬸᬗ᭄ᬓᬵᬬᬓ᭄᭞ᬳᬶᬸᬮᬦ᭄ᬳᬶᬤᬾᬯᬷᬬᬚ᭄ᬜᬯᬢᬶ᭟ᬭᬶᬂᬫᬃᬕ᭄ᬕᬵᬦᬾᬲᭂᬗ᭄ᬓᭂᬳ᭄ᬩᬸᬓ᭄ᬜᬵᬦᬾ᭠ᬧᬦᬲ᭄᭞ᬫᭂᬋᬫ᭄ᬓᬵᬍᬲ᭄ᬯᬦ᭄ᬓᬵᬮᬶᬄ᭞ᬓᬯ᭄ᬮᬲᬶᬂᬢᬸᬫᬶᬗᬮ᭄᭞ᬤᬾᬯᬬᬚ᭄ᬜᬯᬢᬶᬭᬭ
[᭔᭑ 41A]
ᬲ᭄᭞ᬫᭂᬢᬗᬶᬳᬶᬤᬦᬾᬫᬗ᭄ᬓᬶᬦ᭄᭞ᬤᬳᬢ᭄ᬓᬾᬩᬸᬓᬦ᭄᭞ᬓᬳ᭄ᬬᬸᬦᬾᬭᬳᬤᬾᬦ᭄ᬤᬾᬯᬷ᭟ᬫᭂᬜᬤ᭄ᬲᬤᬶᬦ᭄ᬲᬃᬲᬵᬫ᭄ᬩᬩᬵᬦ᭄ᬓᬸᬭᬸᬗ᭄ᬲᬸᬢᬻ᭞ᬳᬶᬭᬶᬓᬫᬗᬰᬶᬳᬰᬶᬄ᭞ᬦᬵ᭠
ᬗᬶᬲ᭄ᬫᬵᬲᬫ᭄ᬩᬵᬢᬦ᭄᭞ᬩ᭄ᬮᬶᬩᭀᬬᬘᬶᬗᬓ᭄ᬓᬾᬢᬶᬢ᭄ᬬᬂ᭞ᬓᬾᬢᭀᬳᬶᬤᬭᬤᬾᬦ᭄ᬧᬸᬢ᭄ᬭᬶ᭞ᬤᬳᬢ᭄ᬦ᭄ᬤᬸᬮᬫᬾᬬ᭞ᬳᭂᬦ᭄ᬢᬶᬮᬭᬦᬾᬂᬳᬢᬶ᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟
ᬳᬶᬗ᭄ᬕᬶᬄᬩᭂᬮᬶᬘᬶᬗᬓ᭄ᬢᬶᬢ᭄ᬬᬂ᭞ᬲ᭄ᬥᬶᬄᬓᬶᬗ᭄ᬓᬶᬦ᭄ᬧᬥᬪᬶᬳᬶ᭞ᬭᬶᬂᬢᭂᬗᬄᬳᬮᬲᬾᬓᬯᭀᬢ᭄᭞ᬩᭂᬘᬶᬓ᭄ᬫᭂᬢᬗᬶᬓᬾᬩᭂᬮᬶ᭞ᬬᬾᬄᬫᬢᬦ᭄ᬢᬶᬢ᭄ᬬᬗᬾᬫᬶᬚᬶᬮ᭄᭞ᬩᭀᬬᬳᬸᬲᬧ᭄ᬩᭂᬮᬶ
ᬪᬕᬸᬲ᭄᭞ᬕᭂᬮᬸᬂᬢᬶᬢ᭄ᬬᬗᬾᬩᬸᬬᬃ᭞ᬤᬤᬶᬧᬸᬯᬶᬓ᭄ᬧᬺᬫᬗ᭄ᬓᬶᬦ᭄᭞ᬳᬶᬤᬩᭂᬦ᭄ᬥᬸ᭞ᬩᭀᬬᬗᬦᬶᬓᬭᬶᬂᬢᬶᬢ᭄ᬬᬂ᭟ᬦᬄᬲᬯᬸᬭᬶᬦ᭄ᬢᬶᬢ᭄ᬬᬂᬤᬾᬯ᭞ᬳᬶᬮᬂᬧᬗ᭄ᬭᬸᬫ᭄ᬭᬸᬫᬾᬫᬦᬶ᭠
Kaca:Bali-lontar-gaguritan-boma-300ppi.pdf/41
Kaca puniki sampun kauji-wacén
