Kaca:Bali-lontar-gaguritan-boma-300ppi.pdf/40

Saking Wikisource
Kaca puniki sampun kauji-wacén

[᭓᭙ 39B]
᭓᭙
ᬓ᭄ᬤᬸᬯᬶ᭟ᬦᬺᬧᬢ᭄ᬫᬵᬚᬲᬵᬫ᭄ᬩᬫᭂᬢᬗᬶᬗᬾᬗ᭄ᬕᬵᬮᬂ᭞ᬫᬳᬶᬤᭂᬃᬭᬶᬂᬳᬮᬲ᭄ᬭᬶᬫ᭄ᬩᬶ᭠ᬢ᭄᭞ᬫᬗ᭄ᬦᬵᬬᬂᬭᬣᬵ᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄‌ᬬᭂᬓᬢᬶᬜ᭄ᬘᬧ᭄᭞ᬲᬋᬂᬳᬶᬤᬭᬤᬾᬦ᭄ᬤᬾᬯᬷ
᭞ᬫᬗᭂᬮᬸᬢ᭄ᬫᬵᬤ᭄ᬯ᭞ᬢᬓᬸᬢᬾᬬᭂᬩᬸᬓᭂᬫᬢᬶ᭟ᬤᬾᬯᬵᬬᬸᬫᭂᬗᬓᭂᬩᬶᬦ᭄ᬧᬗ᭄ᬓᭀᬦ᭄ᬲᬂᬲᬵᬫ᭄ᬩ᭞ᬳᬶᬩᬸᬓᬾᬢᬦ᭄ᬲᬶᬦᬶᬯᬶ᭞ᬭᬵᬚᬧᬸᬢᬺᬲᬵᬫ᭄ᬩ᭞ᬧᬶᬦ᭄ᬓᬸᬮᬶᬃᬲᬂᬭᬳ
ᬤ᭄ᬬᬦ᭄᭞ᬮᬗ᭄ᬓᬵᬧᬾᬭᬭᬶᬲ᭄ᬓᬵᬕᬶᬲᬶ᭞ᬤᬳᬢ᭄ᬓᬾᬯᬳᬦ᭄᭞ᬢ᭄ᬯᬭᬳᬤᭂᬜᬭᬣᬶᬦᬶᬦ᭄᭟ᬢᭀᬳᬯᬦᬦ᭄ᬤᬵᬦᬾᬢᭀᬂᬤᬤᬶᬫᬗ᭄ᬮᬵᬯᬦ᭄᭞ᬲᬂᬭᬵᬚᬲᬡ᭄ᬥᬫᬭᬦᬶᬦ᭄
᭞ᬫᬢᭂᬕᬓᬦ᭄ᬕᬵᬚᬄ᭞ᬢ᭄ᬯᬭᬚᭂᬫᬚᬗ᭄ᬓᭂᬚᬗ᭄ᬓᬵ᭞ᬢᬸᬢᬶᬂᬧᬜ᭄ᬚᬓᬾᬫᬗᬶᬭᬶᬂ᭞ᬗᬶᬢᭂᬃᬲᬂᬲᬵᬫ᭄ᬩ᭞ᬫᬦᬸᬫ᭄ᬩᬓ᭄ᬩᬦ᭄ᬓᬾᬦᬺᬰᬓ᭄ᬢᬶ᭟ᬮ᭄ᬬᬦ᭄ᬢ᭄ᬭᬶᬓᬸᬮᬲᬯ᭄ᬬᬓ᭄ᬢᬶᬧᬕᭂᬄᬲᬂᬲᬵᬫ᭄ᬩ᭞
[᭔᭐ 40A]
ᬳᬚ᭄ᬭᬶᬄᬧᬶᬲᬦ᭄ᬓᬵᬢᬸᬫ᭄ᬩᬵᬓᬶᬦ᭄᭞ᬤᬾᬭᬵᬰ᭄ᬭᬷᬫᬕᬤ᭄ᬥᬵ᭞ᬫᬗᬸᬗ᭄ᬲᬶᬤᬳᬢ᭄‌ᬓ᭄ᬭᭀᬤ᭄ᬥᬵ᭞ᬲᬂᬲᬵᬫ᭄ᬩᬓᬍᬲᭀᬦ᭄ᬫᬵᬗ᭄ᬓᬶᬦ᭄᭞ᬦᬵᬗ᭄ᬳᬶᬂᬧᬸᬭᬸᬰᬵ᭞ᬭᬶᬂᬧᬬᬸᬤᬦ᭄‌ᬬᭂᬫ
ᬢᬗ᭄ᬓᬶᬲ᭄᭟ᬤᬳᬢ᭄ᬩᬵᬍᬲ᭄ᬧᬥᬫᬦᬸᬚᬳᬓᭀᬦ᭄ᬢᬵ᭞ᬤᬺᬲᬾᬲᬮ᭄ᬯᬶᬃᬳᬗᬶᬦ᭄ᬢᬵᬭᬶᬓ᭄᭞ᬧᬦᬄᬫᭂᬓᬤᬶᬜᬵ᭞ᬲᬵᬫ᭄ᬩᭂᬄᬮᬶᬬᬸᬧᬩᭂᬍᬲᬢ᭄᭞ᬲᬂᬲᬵᬫ᭄ᬩᬍᬗᭂᬦᬾᬓ
ᬦᬶᬦ᭄᭞ᬫᬸᬲᬸᬳᬾᬲᬳᬢ᭄᭞ᬳᬶᬥᭂᬧ᭄ᬜᬵᬦᬾᬫᬗᭂᬮᬸᬤᬶᬦ᭄᭟ᬢᭀᬳᬯᬦ᭠ᬦ᭄ᬓᬵᬤᭂᬲᭂᬓ᭄ᬗᬶᬢᭂᬃᬲᬂᬲᬵᬫ᭄ᬩ᭞ᬲᬸᬭᬸᬤ᭄ᬫᬵᬭᬶᬂᬭᬡᬫᬗ᭄ᬓᬶᬦ᭄᭞ᬫ᭄ᬫᬧᬦ᭄ᬓᬵᬧᬶᬬᬸᬳᬦ᭄᭞ᬓ
ᬳ᭄ᬬᬸᬦᬾᬲᬬᬦ᭄ᬫᬵᬭᬲ᭄᭞ᬢᬗᬦᬾᬕᭂᬮᬶᬲ᭄ᬓᬵᬕᬶᬲᬶ᭞ᬫᬸᬜ᭄ᬘᬃᬧᬸᬦᬂᬭᬄ᭞ᬜᬶᬭᬢᬶᬦ᭄ᬲᬂᬭᬵᬚᬧᬸᬢ᭄ᬭᬶ᭟ᬓᭂᬲᬓᬶᬢᬦ᭄ᬲᬂᬲᬵᬫ᭄ᬩᬓᬓ᭄ᬦᬵᬦ᭄ᬧᬦᬄ᭞ᬓᬸᬤᬦᬾᬤᬤᬶᬫᭂ᭠