[᭓᭘ 38B]
᭓᭘
ᬧᬥᬗᬮᬲ᭄ᬧᬘᬗ᭄ᬜᬶᬮᬶᬩ᭄᭟ᬪᬵᬮᬫᬡᬕᬓᬶᬦ᭄ᬭᬣᬵ᭞ᬢᭀᬲᬢᬸᬲᬦ᭄ᬧᬥᬫᬲᬶᬓᬧ᭄ᬓᬵᬦ᭄ᬤᬶᬓ᭄᭞ᬫ᭄ᬯᬂᬢᬶᬫ᭄ᬧᬲ᭄ᬩᭂᬮᬓᬲ᭄ᬫᬸᬭᬸᬩ᭄᭞ᬫᬧ᭄ᬭᬬᬫᬜᬶᬩᬓ᭄ᬢᭂᬦ᭄ᬤᬲ᭄᭞ᬓ᭄ᬭ
ᬡᬬᭂᬫᬢᬸᬦ᭄ᬤᬾᬦᬦ᭄ᬢᭂᬮᬶᬓ᭄ᬤᬶᬢᬸ᭞ᬲᬫ᭄ᬬᬦ᭄ᬫᬵᬡᬕᬓᬶᬦ᭄ᬚᬵᬭᬦ᭄᭞ᬓᬥᬸᬃᬫ᭄ᬫᬵᬗ᭄ᬕᬢᬸᬮᬓ᭄ᬕᬶᬧᬶᬄ᭟᭐᭟ᬕᬶᬧᬶᬄᬫᬗ᭄ᬓᬵᬢ᭄ᬲᬂᬰ᭄ᬭᬷᬳᬚᬶᬲᬭᬲᬡ᭄ᬥᬵ᭞ᬲᭂᬓᬜ᭄ᬘ
ᬦ᭄ᬘᭀᬭᬳᬾᬗᬶᬭᬶᬂ᭞ᬭᬯᬸᬳᬾᬤᬶᬳᬮᬲ᭄᭞ᬦᬾᬦᬾᬦᬵᬫ᭄ᬧᭂᬓᬶᬦ᭄ᬢᭂᬕᬮ᭄᭞ᬲᬫ᭄ᬬ᭠ᬦ᭄ᬫᭂᬡᬂᬦᭀᬭᬗ᭄ᬮᬶᬂ᭞ᬫᬧᬦ᭄ᬓᬵᬬᬸᬳᬦ᭄᭞ᬤᬶᬢᬸᬍᬕᬦ᭄ᬦᬺᬧᬢᬶ᭟ᬧᬕᬤᬾᬦ᭄ᬢ᭄ᬭᬜᬶᬗᬓ᭄ᬲᬂ
ᬬᬥᬸᬓᬸᬮᬵ᭞ᬮᬸᬧᬦᭀᬭᬡᬳᬢᬗᬶ᭞ᬭᬶᬂᬕ᭄ᬮᬶᬲ᭄ᬫᭂᬮᬓ᭄ᬱᬡᬵ᭞ᬳᬸᬮᬶᬳᭂᬚᭀᬄᬢ᭄ᬓᬵᬫᬦᬸᬫ᭄ᬩᬓ᭄᭞ᬓᬤᬭᭀᬧᭀᬦ᭄ᬫᬵᬦᬸᬯᭂᬓ᭄ᬫᬵᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬫᬵᬫᬸᬗ᭄ᬕᬮ᭄
[᭓᭙ 39A]
᭞ᬧᬤᬗᬾᬫᬲᬯᬂᬢᬢᬶᬢ᭄᭟ᬫᬕᬺᬤᭂᬕᬦᬸᬢᬶᬓ᭄ᬧ᭄ᬭᬚᬸᬭᬶᬢ᭄ᬲᬶᬦᬵᬫ᭄ᬬᬦ᭄᭞ᬓᬶᬬᬧᬾᬢᬦ᭄ᬲᬶᬦᬧᬶ᭞ᬦᬸᬫᭂᬥᭂᬫ᭄ᬓᬵᬢᬸᬫ᭄ᬩᬓ᭄᭞ᬮᬾᬦ᭄ᬫᬵᬦᬸᬳᬸᬄᬫᬥᬸᬯᬸᬳᬦ᭄᭞
ᬳᬤᭂᬦᬾᬧᬮᬶᬂᬫᭂᬮᬳᬶᬩ᭄᭞ᬩᭂᬘᬢ᭄ᬫᬵᬦᬸᬚᬄ᭞ᬓᭀᬦ᭄ᬢᬦ᭄ᬜᬵᬦᬾᬫᬦ᭠ᬢᭀᬦᬶᬦ᭄᭟ᬤᬤ᭄ᬬᬜᬳᬶᬤᬲᬂᬭᬵᬚᬧᬸᬢᬺᬲᬵᬫ᭄ᬩ᭞ᬓᬘᬸᬦ᭄ᬤᬸᬓ᭄ᬤᬵᬦᬾᬫᬗ᭄ᬓᬶᬦ᭄
᭞ᬪᬵᬮᬫᬕ᭄ᬮᬶᬬᬸᬭᬦ᭄᭞ᬧᬤᬸᬯᬸᬄᬲᬵᬫᬶᬓ᭄ᬦᬵᬢᬸᬫ᭄ᬩᬓ᭄᭞ᬕᬶᬧᬶᬄᬤᬦᬾᬲᬂ᭠ᬥᬭᬸᬓ᭄ᬢᬶ᭞ᬩᬗᬸᬦ᭄ᬧᬺᬬᬢ᭄ᬦᬵ᭞ᬫᬗᬸᬲᬧ᭄ᬧᬺᬭᬳᬶᬫᬗ᭄ᬓᬶᬦ᭄᭟ᬕ᭄ᬮᬶᬲ᭄ᬤᬵᬦᬾᬫᬗ᭄ᬓᬶᬦ᭄ᬫᬦ᭄ᬤ
ᬫᬓ᭄ᬚᬵᬭᬦ᭄᭞ᬤᬲ᭄ᬤᬵᬦᬾᬓᬓ᭄ᬦᬶᬦᬶᬦ᭄ᬚᬵᬦᬶ᭞ᬗ᭄ᬭᬲᬧᬘᬂᬭᬸᬲᬓ᭄᭞ᬓᬧᬶᬦᬭᬗᬾᬂᬧᭂᬥᬂ᭞ᬢᬗ᭄ᬓᭂᬚᬸᬢ᭄ᬫᬵᬓᭂᬘᭀᬲ᭄ᬕᭂᬮᬶᬲ᭄᭞ᬗᬮᬶᬄᬳᬮᬶᬗᬦ᭄᭞ᬫᭂᬗ᭄ᬓᭂᬩ᭄ᬫᬵᬦᬸᬯ
Kaca:Bali-lontar-gaguritan-boma-300ppi.pdf/39
Kaca puniki sampun kauji-wacén
