[᭓᭕ 35B]
᭓᭕
ᬳᬶᬧᬸᬦᬾᬲᬵᬫᬶᬫᭂᬫ᭄ᬩᬄᬧᭂᬲᬸ᭞ᬲᬫᬢᬶᬦ᭄ᬜᬵᬦᬾᬲᬂᬫᬸᬭᬵ᭞ᬫᬕ᭄ᬮᬶᬬᬸᬭᬦ᭄ᬧᬥᬮᬶᬮᬶᬄ᭟ᬲᭀᬭᭀᬄᬳᬶᬪᬵᬮᬤᬦᬸᬚᬵ᭞ᬲᬵᬫᬶᬫᬮᬳᬶᬩ᭄ᬳᬚ᭄ᬭᬶᬄᬲᬮᬾᬂᬢᬶᬦ᭄ᬤᬶᬄ᭞ᬯᬾ
ᬦ᭄ᬢᭂᬦ᭄ᬗᬵᬫ᭄ᬩᬄᬭᬳᬫᬸᬩᬸ᭞ᬧᬥᬗᬮᬶᬄᬧᭂᬭᬭᬸᬤᬦ᭄᭞ᬤᬳᬢ᭄ᬤᬸᬭᬭᬶᬂᬲ᭄ᬥᭂᬓ᭄ᬜᬵᬦᬾᬫᬮᬬᬸ᭞ᬪᬵᬮᬭᬓ᭄ᬱᬲᬲᬶᬦᬵᬫ᭄ᬬᬦ᭄᭞ᬯᬾᬦ᭄ᬢᭂᬦ᭄ᬦᬸᬦ᭄ᬤᬾᬦᬂᬫᭂᬩᬮᬶᬓ᭄᭞ᬫᬩᬮᬶ
ᬓ᭄ᬓᬾᬢᭀᬫᬸᬜᬶᬦ᭄ᬜᬵ᭞ᬫᬰᬶᬄᬭᬶᬦ᭄ᬚᭂᬓ᭄ᬫᬵᬮᬳᬶᬩ᭄ᬧᬲ᭄ᬮᬾᬂᬢᬦ᭄ᬤᬶᬄ᭞ᬤᬶᬢᬸᬲᬶᬓ᭠ᬧ᭄ᬜᬵᬦᬾᬮᬩᬸᬄ᭞ᬫᬰᬶᬄᬢ᭄ᬯᬭᬫᬢᭀᬮᬶᬳᬦ᭄᭞ᬮᬶᬬᬸᬧᬶᬲᬦ᭄ᬧᬸᬗ᭄ᬕᬵᬮᬦ᭄ᬭᬓ᭄ᬱᬲᬮ
ᬩᬸᬄ᭞ᬮ᭄ᬬᬦᬦ᭄ᬦᬾᬫᭂᬢᬢᬸᬧ᭄ᬚᬄ᭞ᬲᬵᬫᬶᬬᭂᬫᭂᬓᬳᬤ᭄ᬮᬶᬮᬶᬄ᭟ᬫᭂᬮᬳᬶᬩ᭄ᬓᬵᬚᬭᭀᬓᬸᬢᬵ᭞ᬮ᭄ᬬᬩᬶᬦᬸᬭᬸᬮ᭄ᬬᬦ᭄ᬋᬋᬲ᭄ᬲᭂᬓ᭄ᬲᭂᬓ᭄ᬓᬵᬮᬶᬄ᭞ᬦᬤ᭄ᬬᬦ᭄ᬬᬫᬧᬸᬮᬶᬄ
[᭓᭖ 36A]
ᬤᬶᬢᬸ᭞ᬭᬭᬶᬲ᭄ᬫᭂᬫᬦᬄᬢᭀᬂᬲᬶᬤ᭄ᬥᬵ᭞ᬢᬜ᭄ᬘᭂᬩ᭄ᬧᬦᬄᬫᬗᬸᬭᬾᬚᬢ᭄ᬳᬶᬮᬂᬭᬭᬸᬤ᭄᭞ᬫᬕᬺᬤᭂᬕᬦ᭄ᬭᬶᬂᬦᬕᬭᬵ᭞ᬳᬸᬬᬸᬢ᭄ᬫᬓᭀᬮᭀᬗᬦ᭄ᬲᬵᬫᬶ᭟ᬮᬾᬦ᭄ᬳᬤᭂᬫᬦᬸᬜ᭄ᬚᭂ
ᬮ᭄ᬳᬸᬫᬄ᭞ᬳᭂᬦ᭄ᬤᬶᬄᬫᬸᬭᬸᬩ᭄ᬳᬦ᭄ᬥᬸᬲ᭄ᬗᬵᬍᬧᬸᬕ᭄ᬫᬶᬚᬶᬮ᭄᭞ᬕ᭄ᬦᬶᬦᬾᬫᬲᬯᬂᬕᬸᬦᬸᬂ᭞ᬳ᭠ᬦ᭄ᬤᬸᬲᬾᬗᭂᬩᭂᬓᬶᬦ᭄ᬢᭂᬕᬮ᭄᭞ᬓᬤᬶᬧᬸᬜᬦ᭄ᬓᬵᬬᬸᬳᬕᬸᬂᬜ᭄ᬚᭂᬍᬕ᭄ᬫᬸᬭᬸᬩ᭄᭞ᬲᭀᬮᬄ᭠
ᬜᬲᬂᬬᬥᬸᬯᬗ᭄ᬰᬵ᭞ᬢ᭄ᬯᬭᬓᬳ᭄ᬬᬸᬦ᭄ᬫᬫᭂᬜ᭄ᬚᬭᬳᬶᬦ᭄᭟ᬇᬲ᭄ᬢ᭄ᬭᬶᬲᬵᬫ᭄ᬧᬸᬦ᭄ᬫᬵᬗ᭄ᬮᬄᬲᭀᬫᬄ᭞ᬓᬳᬶᬯᬗᬶᬦ᭄ᬳᬦ᭄ᬢᬸᬓ᭄ᬲᬂᬬᬥᬸᬲᬵᬫᬶ᭞ᬓᬩᬯᭀᬲ᭄ᬳᬦ᭄ᬢᬸᬓ᭄ᬲᬂᬭᬢᬸ᭞
ᬢᬮ᭄ᬬᬩᬶᬩᬶᬦᬾᬳᬸᬦᬶᬓ᭞ᬗᭂᬫᬗ᭄ᬕᭂᬳᬂᬓᭂᬥᬃᬫ᭄ᬫᬵᬦ᭄ᬤᬦᬾᬦᬾᬢᬸᬳᬸ᭞ᬓᬾᬯᬮᬫᬵᬲ᭄ᬫᬶᬭᬄᬤᬾᬯ᭞ᬓᬢ᭄ᬮᬵᬲᬂᬢᭀᬳᬶᬦᬵᬫ᭄ᬩᬶᬮ᭄᭟ᬪᬵᬮᬦ᭄ᬳᬶᬤᬦᬾᬲᬂᬲ
Kaca:Bali-lontar-gaguritan-boma-300ppi.pdf/36
Kaca puniki sampun kauji-wacén
