[᭒᭙ 29B]
᭒᭙
ᬤᬤᬶᬧᬦᬯᬃ᭞ᬲᬂᬲᬵᬫ᭄ᬩᬓᬾᬢᭀᬫᬩᭂᬲᭂᬦᬶᬦ᭄᭟ᬫᬯᬮ᭄ᬬᬳᬶᬧᬸᬦ᭄ᬳ᭄ᬬᬸᬢᬸᬲᬦ᭄᭞ᬢᬦ᭄ᬘᬵᬭᬶᬢᬭᬶᬂᬫᬃᬕ᭄ᬕᬶᬕ᭄ᬮᬶᬲ᭄ᬧ᭄ᬭᬧ᭄ᬢᬶ᭞ᬫᬗᬸᬗ᭄ᬲᬶᬮᬶᬗ᭄ᬕᬶᬄᬤᬾᬯᬵᬬᬸ᭞ᬕᬶᬧᬶᬄᬤᬾᬯᬷ᭠
ᬦᬶᬮᭀᬢᬫᬵ᭞ᬲᬸᬓᬫᬜᬶᬗᬓ᭄ᬕᬦ᭄ᬢᬾᬦᬾᬭᬯᬸᬄ᭞ᬧᭂᬫᬍᬲ᭄ᬳᬶᬤᬲᬂᬲᬵᬫ᭄ᬩ᭞ᬭᬤᬾᬦ᭄ᬤᬾᬯᬷᬕᬶᬧᬶᬄᬦᬵᬗ᭄ᬕᬧᬶᬦ᭄᭟ᬳᭀᬲᬄᬳᬶᬤᬫᬥᭂᬓᭂᬲᬦ᭄᭞ᬭᬵᬚᬚ᭄ᬯᬶᬢ᭄ᬣᬜᬶᬗ
ᬓ᭄ᬲ᭄ᬯᬭᬦᬶᬂᬢᬸᬮᬶᬲ᭄᭞ᬫᬸᬂᬕ᭄ᬯᬶᬂᬮᬯᬧᬸᬤᬓ᭄ᬭᬸᬫ᭄ᬭᬸᬫ᭄᭞ᬯᬸᬲᬸᬫᬸᬭᬸᬧ᭄ᬤᬶᬯᬗ᭄ᬓᬵᬭ᭞ᬤᬤᬶᬳᭂᬜᬢ᭄ᬓᬵᬧᭂᬢᭂᬂᬫᬗ᭄ᬮᬶᬧᬸᬢ᭄᭞ᬪᬶᬦ᭄ᬢᬵᬗᬾᬧᬓᬜᬤ᭄ᬜᬤ᭄᭞ᬪᬸᬮᬦᬾᬦ᭄ᬥᬮᭀ
ᬓ᭄ᬜᬸᬦ᭄ᬤᬭᬶᬦ᭄᭟ᬲᬯᬂᬘᬘᬶᬗᬓ᭄ᬲᬂᬧᬸᬢ᭄ᬭ᭄ᬬ᭞ᬦᬾᬓᬳᬭᬲ᭄ᬚ᭄ᬭᭀᬦᬶᬂᬓᬲᬸᬃᬰᬭᬷ᭞ᬳᬫ᭄ᬩᬸᬩᬸᬦᬾᬧᬸᬢᬶᬄᬳᬮᬸᬲ᭄᭞ᬲᬯᬂᬲᬶᬜ᭄ᬚᬂᬓᬮᬸᬓᬭᬦ᭄᭞ᬩᬚᬂᬲ᭄ᬮᬾᬄᬦᬾᬦᬾ᭠
[᭓᭐ 30A]
ᬲ᭄ᬥᭂᬂᬓᬓᭂᬦᬦ᭄ᬮᬸᬮᬸᬢ᭄᭞ᬳᬶᬗᬭᬲ᭄ᬲᬚ᭄ᬭᭀᬦᬶᬂᬕᬫ᭄ᬩᬃ᭞ᬳᬯᭀᬘᬓ᭄ᬕᬦ᭄ᬤᬲᬶ᭠ᬮ᭄ᬬᬰᬶᬄ᭞ᬤᬶᬢᬸᬪᬵᬮᬦᬾᬲᬂᬲᬵᬫ᭄ᬩ᭞ᬗᭂᬦ᭄ᬥ᭄ᬬᬂᬳᬧᬶᬫᬗᬶᬤᬸᬧᬥᬤᬶᬗᬶᬦ᭄᭞ᬯᬸᬲᬸᬫᬸ᭠
ᬭᬸᬧ᭄ᬪᬸᬮᬦᬾᬓᬯᬸᬄ᭞ᬫᬶᬳᬶᬓᬾᬫᬮᬶᬫ᭄ᬧᬸᬕᬦ᭄᭞ᬫ᭄ᬯᬂᬓᬬᬸᬓᬧᬸᬮᬕᬓᬬᬸᬕᬭᬸ᭞ᬧᬸᬦᬶᬓᬳᬗ᭄ᬕᭀᬦ᭄ᬩᬵᬍᬫᬦ᭄᭞ᬮᬢᬸᬮᬢᬸᬦᬾᬧᬓ᭄ᬜᬶᬢ᭄ᬜᬶᬢ᭄᭟ᬫᬸᬭᬸᬩ᭄ᬮ᭄ᬯᬶᬃ
ᬢ᭄ᬢᬵᬢᬶᬢ᭄ᬗᬵᬫ᭄ᬩᬭᬵ᭞ᬤᬶᬮᬗᬶᬢᬾᬧᬲ᭄ᬮᬤᬾᬢ᭄ᬗᬸᬮᬗᬸᬦᬶᬦ᭄᭞ᬢᬶᬗ᭄ᬕᬃᬧᭀᬦ᭄ᬤᭀ᭠ᬓ᭄ᬜᬵᬦᬾᬮᬶᬬᬸ᭞ᬭᬭᬶᬲ᭄ᬳᬶᬤᬲᬶᬦᬵᬫ᭄ᬬᬦ᭄᭞ᬧᬭᬭᬢᬸᬦᬾᬫᬫᬃᬕ᭄ᬕᬶᬓᬮᬶᬦ᭄ᬢᬂᬕᬸᬧᬸᬄ᭞
ᬓᭂᬳᬯᬲ᭄ᬦᬕᬭᬦᬾᬫ᭄ᬮᬄ᭞ᬕᭂᬤᭀᬗᬾᬫᭂᬕᬵᬫ᭄ᬩᬃᬲᬵᬫᬶ᭟ᬕ᭄ᬮᬸᬂᬓᭀᬭᬶᬦᬾᬧᬓᬜᬫ᭄ᬜᬩ᭄᭞ᬫᬵᬡᬶᬓ᭄ᬲᬸᬃᬬ᭄ᬬᬓᬦ᭄ᬢᭂᬦ᭄ᬫᬵᬯᬸᬓᬶᬂᬭᬯᬶᬢ᭄᭞ᬓᬩᬶᬦᬵᬯᬩᭂ
Kaca:Bali-lontar-gaguritan-boma-300ppi.pdf/30
Kaca puniki sampun kauji-wacén
