[᭒ 2B]
᭒
ᬦᬶᬭᬲᬂᬰ᭄ᬭᬷᬳᬚᬶ᭞ᬪᬕᬯᬦ᭄ᬦᬾᬱ᭄ᬦᬵᬯ᭞ᬯᬶᬤᬕ᭄ᬤᬭᬭᬶᬲ᭄ᬫᬵᬦᬶᬫ᭄ᬩᬮ᭄᭞ᬤᬸᬄᬤᬾᬯᬲᬂᬳᬭᬶᬫᬹᬃᬣᬶ᭞ᬓᬦ᭄ᬢᭂᬦ᭄ᬩᬵᬦ᭄ᬩᬧ᭞ᬚᬬᬲᬂᬲᬵᬫ᭄ᬩᬭᬶᬂᬚᬸᬭᬶᬢ᭄᭟ᬫᭂᬗᬮᬳᬂᬳᬶᬫᬹᬃᬓᬗ᭄ᬭᬸᬱ
ᬓ᭄ᬧᭂᬢᬧᬦ᭄᭞ᬧᬗᬦ᭄ᬤᬶᬓᬦᬾᬲᬂᬋᬱᬶ᭞ᬪᬕᬯᬦ᭄ᬦᬾᬱ᭄ᬦᬵᬯ᭞ᬲᬂᬓᬺᬱ᭄ᬡᬗᭂᬲᬾᬗᬶᬦ᭄ᬧᬸᬢᬺ᭞ᬢᬦᬲ᭄ᬯᬾᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬲᬂᬭᬵᬚᬧᬸᬢᬺ᭞ᬲᬵᬫ᭄ᬩᬕᭂᬮᬶᬲ᭄ᬬᭂᬗᬪᬓ᭄ᬢᬶ
᭟ᬲᬂᬧ᭄ᬭᬪᬸᬓᬾᬰᬯᬗᬶᬸᬓᬗᭂᬦ᭄ᬗᬓ᭄ᬱᬶᬲᬂᬲᬵᬫ᭄ᬩ᭞ᬫᬵᬮᬄᬳᬲᬸᬯᭂᬄᬢᬗᬶᬲ᭄᭞ᬳᬮᭀᬦ᭄ᬫᭂᬗᬦ᭄ᬤᬶᬓ᭞ᬳᬥᬸᬄᬘᬳᬶᬧ᭄ᬬᬦᬓ᭄ᬩᬵᬧ᭞ᬳᭂᬫᬵᬲ᭄ᬩᬧᬦᬾᬢ᭄ᬯᬄᬘᬳᬶ᭞ᬲᬶᬗᬧᬸᬭᬸᬱ
᭞ᬮᬸᬯᬲ᭄ᬫᬵᬗ᭄ᬯᬗᬸᬦ᭄ᬓᬾᬃᬢ᭄ᬣᬶ᭟ᬢ᭄ᬯᬭᬮ᭄ᬬᬦ᭄ᬘᬳᬶᬲᬵᬫ᭄ᬩᬚᬦᬶᬫ᭄ᬚᬵᬮᬦ᭄᭞ᬭᬶᬂᬕᬸᬦᬸᬂᬫ᭠ᬮᬬᬳᬸᬓᬶᬃ᭞ᬭᬓ᭄ᬱᬲᬂᬧᬡ᭄ᬥᬶᬣᬵ᭞ᬳᬶᬤᬲᬵᬫ᭄ᬬᬦ᭄ᬓᬾᬩᬸᬓᬦ᭄᭞ᬧ᭄ᬭᬚᬸᬭᬶᬢ᭄ᬯᬥᬸ
[᭓ 3A]
ᬦᬾᬲᬵᬫᬶ᭞ᬲᬢ᭄ᬭ᭄ᬬᬥᬃᬫ᭄ᬫᬵ᭞ᬜᬦ᭄ᬤᬂᬢᭀᬧᬕᭂᬳᬂᬘᬳᬶ᭟ᬧ᭄ᬭᬪᬸᬚᬦᬃᬤᬡᬓᬾᬢᭀᬫᭂᬗᬦ᭄ᬤᬶᬓᬵ᭞ᬯᬶᬭᬲᬵᬫ᭄ᬩᬬᭂᬳᬪᬓ᭄ᬢᬶ᭞ᬗᬶᬭᬶᬂᬧᬓᬳ᭄ᬬᬸᬦᬦ᭄᭞ᬭᬶᬂᬕ᭄ᬮᬶᬲ᭄ᬫᬵᬋᬓᬶᬂ
ᬳ᭄ᬬᬂ᭞ᬯᭀᬦ᭄ᬢᭂᬦᬾᬂᬧᬫᭂᬗᬂᬫᬗ᭄ᬓᬶᬦ᭄᭞ᬫᬭᬶᬂᬩᬮᬾᬫᬵᬲ᭄᭞ᬤᬾᬯᬳᬬᬸᬚᬫ᭄ᬩᬯᬢ᭄ᬣᬶ᭟ᬲᬂᬭᬵᬚᬧᬸᬢᬺᬲᬵᬫ᭄ᬩᬫᬳᬢᬹᬃᬲᭂᬫ᭄ᬩᬄ᭞ᬩ᭄ᬬᬂᬢᬶᬢ᭄ᬬᬂᬧᬘᬂᬫᭂᬧᬫᬶᬢ᭄᭞ᬧ᭠
ᬦ᭄ᬤᬶᬓᬦ᭄ᬲᬂᬦᬵᬣ᭞ᬰ᭄ᬭᬷᬳᬚᬶᬧᬶᬲ᭄ᬭᬂᬗᬸᬢᬸᬲ᭄ᬢᬶᬢ᭄ᬬᬂ᭞ᬫᬗ᭄ᬓᬢ᭄ᬓᬕᬸᬦᬸᬗᬾᬫᬗ᭄ᬓᬶᬦ᭄᭞ᬧᬘᬂᬭᬸᬫᬓ᭄ᬱ᭞ᬲᬯᬢᭂᬓ᭄ᬢᬧᬦᬾᬲᬵᬫᬶ᭟ᬳᬶᬦᬸᬲᬓ᭄ᬳᬲᬶᬓ᭄ᬳᬦ᭄ᬢᬸᬓ᭄ᬯᬤ᭄ᬯᬦ᭄ᬲᬂᬦ᭄ᬭᬓ
᭞ᬢ᭄ᬬᬂᬧᬘᬂᬫᬫᬢᬸᬢ᭄ᬢᬸᬭᬶᬢ᭄᭞ᬫᬲᬢ᭄ᬭᬸᬤᬦᬸᬚ᭞ᬓᬾᬢᭀᬳᬢᬹᬃᬜᭂᬲᬂᬲᬵᬫ᭄ᬩ᭞ᬤᬾᬯᬳᬬᬸᬚᬫ᭄ᬩᬯᬢ᭄ᬣᬶ᭞ᬓᬕ᭄ᬬᬢ᭄ᬫᬶᬋᬗᬂ᭞ᬫᬦᬶᬕ᭄ᬢᬶᬕ᭄ᬥᬥᬦᬾᬫᬗ᭄ᬓᬶᬦ᭄᭟ᬳᬸᬥᬸᬄ
Kaca:Bali-lontar-gaguritan-boma-300ppi.pdf/3
Kaca puniki sampun kauji-wacén
