[᭒᭒ 22B]
᭒᭒
ᬢ᭄ᬬᬂᬯ᭄ᬬᬓ᭄ᬢᬶ᭞ᬩᬦ᭄ᬤᬶᬗᬂᬭᬶᬂᬲᬂᬯᬶᬤᬕ᭄ᬤᬵ᭞ᬤᬶᬓᬧᬦ᭄ᬗᬸᬘᬶᬯᬾᬦ᭄ᬢᬦ᭄ᬤᬶᬂ᭞ᬘᭀᬓᭀᬃ᭠ᬳᬶᬤᬾᬯᬲᬯ᭄ᬬᬓ᭄ᬢᬶ᭞ᬉᬢᬫᬫᬵᬢᬹᬃᬜ᭄ᬦᭂᬂᬧ᭄ᬭᬪᬸ᭞ᬤᬸᬓ᭄ᬳᬶᬓᬧᬦ᭄ᬧᬘᬂᬳᬶᬯᬗ᭄᭞ᬲᬵᬮᬄ
ᬢᬸᬗ᭄ᬕᬮ᭄ᬬᭂᬢᬓᬾᬦᬶᬦ᭄᭞ᬯᬦ᭄ᬢᬄᬧᬢᬸᬢ᭄᭞ᬫᬗ᭄ᬤᬾᬓ᭄ᬧᬲᬾᬩᬦ᭄ᬩᬵᬜ᭄ᬘᬶᬗᬄ᭟ᬫᬧᬦ᭄ᬫᬵᬦᬄᬤᬸᬭᬸᬂᬢᬫᬵ᭞ᬭᬶᬂᬳᬢᬹᬃᬤᬦᬾᬦᭂᬲᬵᬫᬶ᭞ᬘ᭄ᬓᬸᬢᭂᬦ᭄ᬫᬵᬩᬸᬤᬶᬫᬳᬸᬯ
ᬩ᭄᭞ᬮ᭄ᬯᬶᬃᬢᬶᬃᬢ᭄ᬢᬦᬾᬭᬶᬂᬳᬸᬓᬶᬃ᭞ᬧᬫᬸᬜᬶᬦ᭄ᬜᬵᬦᬾᬲᬯ᭄ᬬᬓ᭄ᬢᬶ᭞ᬢᬦ᭄ᬳᬸᬲᬦ᭄ᬤᬸᬮᬫᬾᬤᬶᬢᬸ᭞ᬳᬦ᭄ᬢᬸᬓ᭄ᬓᬾᬪᬝᬵᬭᬇᬦ᭄ᬥᬺ᭞ᬗᬃᬱᬬᬂᬢᬸᬮᬸᬂᬫᬚᬸᬭᬶᬢ᭄᭞ᬭᬶᬂᬳᬶᬭᬢᬸ᭞ᬓᬭᬶ
ᬲ᭄ᬢᬳᬦ᭄ᬢᬸᬓ᭄ᬳᬶᬪᭀᬫ᭟ᬩᭂᬘᬶᬓ᭄ᬳᬶᬧᬸᬦᬾᬧᬸᬦᬶᬓ᭞ᬜᬦ᭄ᬤᬂᬫᬯᭀᬲᬂᬫᬗ᭄ᬓᬶᬦ᭄᭞ᬫᬸᬮᬫᬢᬸᬗ᭄ᬕᬵᬮᬦ᭄ᬭᬵᬯᭀᬲ᭄᭞ᬤᬾᬦᬶᬂᬓᬰᬶᬄᬳᬸᬮᬶᬂᬭᬶᬳᬶᬦ᭄᭞ᬧᬸᬦᬶᬓ᭠
[᭒᭓ 23A]
ᬫᬯᬲ᭄ᬢᬲᬦ᭄ᬥᬶ᭞ᬢᭀᬜᬦ᭄ᬤᬂᬧᬕᭂᬳᬂᬭᬢᬸ᭞ᬳᬲᬶᬂᬓᬃᬬ᭄ᬬᬦ᭄ᬲᬗ᭄ᬳ᭄ᬬᬂᬇᬦ᭄ᬤᬻ᭞ᬘᭀᬓᭀᬃᬳᬶᬤᬾᬯᬦᬕᬶᬗᬶᬦ᭄᭞ᬗᭀᬬᬲᬵᬫ᭄ᬧᬸᬦ᭄᭞ᬓᬾᬭᬢᬸᬜᬮᬾᬦ᭄ᬪᬵᬝᬵᬭ᭟ᬓ᭠
ᬤᭂᬳᬗ᭄ᬕᬵᬦᬶᬂᬯᭀᬂᬫᬫᬃᬕ᭄ᬕᬵ᭞ᬫᬃᬕ᭄ᬬᬂᬭᬢᬸᬦᬾᬦᬾᬫᬗ᭄ᬓᬶᬦ᭄᭞ᬫᬫᬸᬲᬸᬄᬢ᭄ᬓᬾᬦᬶᬂᬲᬂᬪᭀᬫ᭞ᬓᭂᬫ᭄ᬩᬸᬮᬶᬦ᭄ᬳᬶᬧᬸᬦ᭄ᬭᬶᬂᬚᬸᬭᬶᬢ᭄᭞ᬬᬢ᭄ᬦᬵᬦᬾᬳᬶᬤᬢᬦ᭄ᬫᬵᬭᬶ᭞ᬤᬸᬮᬸᬭᬶᬦ᭄ᬭᬯᭀ
ᬲᬾᬧᬢᬸᬢ᭄᭞ᬧᬸᬦᬶᬓᭂᬬᭂᬳᬸᬫᬄᬤᬬᬵ᭞ᬢᬦ᭄ᬓ᭄ᬦᬾᬂᬳᬶᬦᬸᬧᬶᬃᬳᬸᬧᬶᬃ᭞ᬦᬾᬫᬓ᭄ᬭᬦᬲᬂᬦᬭᬾᬦᬺᬧᬸᬮᬶᬄᬬᬲᬵ᭟ᬦᬾᬧᬸᬧᬸᬢᬶᬂᬭᬯᭀᬲ᭄ᬧ᭄ᬭᬚ᭄ᬜᬦ᭄᭞ᬯᬦᬾᬦᬾ
ᬳᬤᬸᬯᬂᬫᬗ᭄ᬓᬶᬦ᭄᭞ᬧᬸᬦᬶᬓᬓ᭄ᬭᬦᬚᬸᬜ᭄ᬚᬸᬂᬚᬕᬢ᭄᭞ᬓᬲᬸᬓᬦ᭄ᬧᬸᬭᬸᬲᬾᬂᬚᬸ᭠ᬭᬶᬢ᭄᭞ᬤᬤᬶᬓᭂᬲᬢ᭄ᬭ᭄ᬬᬦᬶᬂᬪᬸᬫᬶ᭞ᬫᬢᭂᬫ᭄ᬧᬸᬄᬬᬸᬤ᭄ᬥᬵᬦᬾᬭᬢᬸ᭞ᬧᬢᬸᬢ᭄ᬳᬶᬧᬸᬦᬾᬧᬶ
Kaca:Bali-lontar-gaguritan-boma-300ppi.pdf/23
Kaca puniki sampun kauji-wacén
