Kaca:Bali-lontar-gaguritan-boma-300ppi.pdf/18

Saking Wikisource
Kaca puniki sampun kauji-wacén

[᭑᭗ 17B]
᭑᭗
ᬤᬾᬯᬢ᭄ᬯᬄᬫᬗ᭄ᬭᬕᬦᬶᬦ᭄᭞ᬫᬳᬯᬦᬦ᭄ᬩᬶᬗᬃᬢᬶᬢ᭄ᬬᬂᬲᬶᬦᬫ᭄ᬬᬦ᭄᭟ᬓᬤᬶᬢᬸᬜ᭄ᬚᬸᬂᬫ᭄ᬯᬂᬪᬸᬮᬦ᭄᭞ᬫᬗ᭄ᬤᬾᬭᬳᬬᬸᬲᬯ᭄ᬬᬓ᭄ᬢᬶ᭞ᬍᬯᬶᬄᬫᬵᬲ᭄ᬫᬶᬭᬳᬾᬓᬯᭀᬢ᭄᭞ᬲᭀ
ᬭᭀᬄᬦᬾᬦᬾᬫᬓ᭄ᬭᬦᬲᬸᬕᬶᬄ᭞ᬧᬸᬦᬶᬓᬯᬦ᭄ᬢᬄᬓᬧᬶᬦᬶᬮᬶᬄ᭞ᬳᬦ᭄ᬢᬸᬓ᭄ᬳᬶᬤᬧ᭠ᬭᬃᬢᬸ᭞ᬫᬗ᭄ᬤᬾᬦᬾᬫᬗ᭄ᬕᬶᬄᬓᬯᬶᬃᬬ᭄ᬬᬦ᭄᭞ᬤᬳᬢᬶᬂᬲᭂᬗ᭄ᬓᬲᬯ᭄ᬬᬓ᭄ᬢᬶ᭞ᬳᬦ᭄ᬢᬸᬓ᭄ᬳᬶᬫᬦᬸᬱ
ᬫᬗᬸᬗ᭄ᬲᬶᬧᬸᬦᬶᬓᬵ᭟ᬫᬗ᭄ᬓᬶᬦ᭄ᬢᬦ᭄‌ᬮ᭄ᬬᬦ᭄ᬳᬶᬤᬾᬯ᭞ᬳᬸᬢᬫᬓᭂᬥᬃᬫ᭄ᬫᬦ᭄ᬲᬵᬫᬶ᭞ᬓᬾᬢᭀᬳᬢᬸᬭᬾᬲᬂᬓᬺᬱ᭄ᬡᬵ᭞ᬲᬂᬘᬶᬢᬺᬭᬣᬜᬯᬸᬭᬶᬦ᭄᭞ᬳᬶᬗ᭄ᬕᬶᬄᬳᬗᭀᬩ᭄ᬧᬶᬲᬦ᭄ᬲ
ᬯ᭄ᬬᬓ᭄ᬢᬶ᭞ᬧᬸᬦᬶᬓᬳᭀᬮᬶᬄᬲᬂᬧ᭄ᬭᬪᬸ᭞ᬧᬗᭂᬦ᭄ᬤᬶᬓᬦᬾᬭᬶᬂᬢᬶᬢ᭄ᬬᬂ᭞ᬢᬶᬢ᭄ᬬᬂᬩ᭄ᬮᭀᬕ᭄ᬢᬸᬦᬓᬾᬃᬢ᭄ᬣᬶ᭞ᬓᭂᬤᬳᬢᬦ᭄ᬫᬵᬗ᭄ᬓᬶᬦ᭄‌ᬍᬕᬩᬸᬓᭂᬢᬶᬢ᭄ᬬᬂ᭟ᬧᭂᬗᬦ᭄ᬤᬶᬓᬦᬾᬲᬂᬦᬵᬣ
[᭑᭘ 18A]
᭞ᬮ᭄ᬯᬶᬃᬕᬸᬦᬸᬂᬲᬫᬾᬭᬸᬫᬜᭂᬕᬶᬃ᭞ᬮ᭄ᬯᬶᬃᬳᬶᬧᬸᬦ᭄ᬢᬾᬚᬦ᭄‌ᬪᬸᬮᬦ᭄᭞ᬫ᭄ᬗᬵᬮᬗᬶᬦ᭄ᬧᬸᬃᬦᬫᬲᬳᬶ᭞ᬯᬦ᭄ᬢᬄᬫᬸᬮᬗᬍᬕᬦᬶᬦ᭄᭞ᬤᬶᬚᬕᬢᬾᬤᬳᬢ᭄ᬮᬸᬳᬸᬂ᭞ᬳᬶᬤᬾᬯ
ᬳᬸᬧᬫᬶᬜᬵ᭞ᬓᬤᬶᬲᬗ᭄ᬳ᭄ᬬᬂᬧᬰᬸᬧᬢᬶ᭞ᬫᬳᬰᬶᬳᬦ᭄ᬳᬶᬤᬾᬯᬭᬶᬂᬲᬗ᭄ᬳ᭄ᬬᬂᬇᬦ᭄ᬥ᭄ᬭ᭟ᬲᬯ᭄ᬬᬓ᭄ᬢᬶᬪᬝᬵᬭᬇᬦ᭄ᬥ᭄ᬭᬵ᭞ᬫᬗᬸᬢᬸᬲ᭄ᬢᬶᬢ᭄ᬬᬂᬫᭂᬭᬶᬓᬶ᭞ᬫᭂᬧᬗ᭄ᬕᬶᬳᬦ᭄ᬭᬶᬂᬲᬂᬓᬢᭀᬂ
᭞ᬦᭀᬭᬮ᭄ᬬᬦ᭄ᬫᬵᬦᬸᬦᬲ᭄ᬓᬦ᭄ᬢᬶ᭞ᬪᬝᬵᬭᬲᬓ᭄ᬭᬄᬫᬗ᭄ᬓᬶᬦ᭄᭞ᬫᬭᬶᬂᬳᬶᬤᬾᬯᬲᬂᬧ᭄ᬭᬵ᭠ᬪᬸ᭞ᬫᬦᬸᬦᬲ᭄ᬳᬶᬘᭂᬧᬶᬲᬦ᭄᭞ᬤᬾᬦᬶᬂᬳᬶᬤᬓᬲᭀᬃᬫ᭄ᬫᬵᬗ᭄ᬓᬶᬦ᭄᭞ᬫᬕᬸᬢ᭄‌ᬬᬸᬤ᭄ᬥᬫ
ᬫᬸᬲᬸᬄᬲᬂᬦᬭᬓᬵ᭟ᬦᬾᬫᬗᭂᬩᬸᬕ᭄ᬤᬶᬰ᭄ᬯᬃᬕ᭄ᬕᬦ᭄᭞ᬲᭂᬳᬤᬦ᭄ᬤᬾᬯᬢ᭄ᬣᬰᬓ᭄ᬢᬶ᭞ᬓᬮᬶᬄᬦᭀᬭᬫᬯᬶᬱᬾᬰ᭞ᬭᬗ᭄ᬓᭂᬧ᭄ᬧᬶᬂᬲᬜ᭄ᬚᬵᬢᬲᬵᬫᬶ᭞ᬢ᭄ᬯᬭᬩᬶᬲᭂᬬᭂᬫᬾ