[᭑᭑ 11B]
᭑᭑
ᬤᬳᬢ᭄ᬲᬸᬭᬸ᭞ᬳᬶᬤᬲᬂᬭᬵᬚᬧᬶᬦᬸᬢᬻ᭞ᬓᬜᭂᬫ᭄ᬕᭂᬮᬶᬲ᭄ᬫᬵᬜᬯᬸᬭᬶᬦ᭄᭟ᬳᬶᬗ᭄ᬕᬶᬄᬳᭂᬫ᭄ᬩᭀᬓ᭄ᬱᬓᬶᬂᬓᬾᬦ᭄ᬤ᭄ᬭᬦ᭄᭞ᬢᬶᬢ᭄ᬬᬂᬧᬸᬢ᭄ᬭᬦ᭄ᬯᬶᬭᬭᬵᬚᬫᬥᬸᬭᬳᬚᬶ᭞ᬦ᭄ᬕᬵᬭᬲ᭄ᬯᬭᬯᬢᬶ
ᬳᬶᬓᬸ᭞ᬓᬤᬸᬂᬢ᭄ᬬᬂᬓᬮᬸᬦ᭄ᬢᭂᬮᬸᬦ᭄ᬢᬵ᭞ᬲ᭄ᬥᬶᬄᬓᬶᬗ᭄ᬓᬶᬦ᭄ᬗᬮᬶᬄᬓᬃᬫ᭄ᬫᬵᬢᭀᬂᬓᬢᭂᬧᬸᬓ᭄᭞ᬯᬲ᭄ᬢᬦ᭄ᬢᬶᬢ᭄ᬬᬂᬳᬶᬲᬵᬫ᭄ᬩ᭞ᬲᬂᬧ᭄ᬭᬪᬸᬓᬺᬱ᭄ᬡᬩᬧᬵᬚᬶ᭟ᬓᬾᬢᭀᬲᬂᬲᬵᬫ᭄ᬩᬦᬃᬢᬬᬂ᭞ᬤᬤᬶᬓ
ᬕ᭄ᬬᬢ᭄ᬳᬶᬤᬲᬂᬯᬶᬤ᭄ᬬᬤᬭᬶ᭞ᬗᬦᬫ᭄ᬧᭂᬓᬂᬕᬶᬧᬶᬄᬢᭂᬤᬸᬦ᭄᭞ᬥᬸᬄᬩᬮ᭄ᬬᬦ᭄ᬢᬶᬢ᭄ᬬᬗᬾᬤᬾᬯ᭞ᬭᬵᬚᬚ᭄ᬯᬶᬢᬢ᭄ᬯᬦ᭄ᬧ᭄ᬕᬢ᭄ᬗᬵᬫᬾᬳᬶᬭᬢᬸ᭞ᬳᭀᬲᬄᬢᬶᬢ᭄ᬬᬂᬤᬶᬧᬫᬺᬫᬦ᭄᭞ᬧᭂᬢᭂᬂ᭞
ᬍᬫᬄᬲᬳᬶᬧ᭄ᬥᬶᬄ᭟ᬲᬂᬳᬃᬬ᭄ᬬᬲᬵᬫ᭄ᬩᬫᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬳᭂᬫ᭄ᬩᭀᬓ᭄ᬱᬸᬧᬢ᭄ᬓᬾᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬲᬧᬸᬦᬧᬶᬫᬗ᭄ᬓᬶᬦ᭄ᬳᬦ᭄ᬢᬸᬓ᭄᭞ᬫᬗ᭄ᬤᬲᬶᬤ᭄ᬥᬫᬧᬶᬢᬺᬱ᭄ᬡ᭞ᬫᬭᬶᬂᬳᬶᬤᬤᬾᬯ
[᭑᭒ 12A]
ᬦᬶᬂᬲ᭄ᬓᬃᬳᬦᬸᬮᬸᬲ᭄᭞ᬤᬾᬯᬷᬮᭀᬢᬫᬫᬦᬶᬫ᭄ᬩᬮ᭄᭞ᬫᬗᬸᬤ᭄ᬬᬂᬲᬾᬓᬾᬯᭂᬄᬫᬗ᭄ᬓᬶᬦ᭄᭟ᬢᬶᬢ᭄ᬬᬂᬫᬗᬶᬭᬶᬂᬳᬶᬤᬾᬯ᭞ᬳᭂᬦᬾᬳᭀᬦ᭄ᬘᬾᬃᬢᬶᬢ᭄ᬬᬗᬾᬭᬢᬸᬕᬶᬲᬶ᭞
ᬲᬂᬭᬵᬚᬧᬸᬢᬺᬫᬲᬯᬸᬃ᭞ᬲᭀᬓ᭄ᬲᬵᬫ᭄ᬧᬸᬦᬂᬗᬸᬢᬂᬢᬶᬢ᭄ᬬᬂ᭞ᬲᬶᬜᬢᬾᬳᭂᬫ᭄ᬩᭀᬓ᭄ᬫᭂᬗᬧᬸᬲ᭄ᬢᬶᬢ᭄ᬬᬂᬤᬶᬢᬸ᭞ᬫᬾᬲᭂᬫ᭄ᬲᬂᬫᬓᬤᬶᬪᬸᬮᬦ᭄᭞ᬢᬸᬫ᭄ᬧᬸᬃᬳᬚᬸᬃᬩᭀᬬᬮᬮᬶ
᭟ᬲᬂᬲᬵᬫ᭄ᬩᬫ᭄ᬮᬸᬢ᭄ᬫᬵᬤ᭄ᬬ᭞ᬲᬂᬤᬾᬯᬷᬋᬗᬸᬢ᭄ᬜᭂᬬᭂᬫᬦᭀᬮᬶᬄ᭞ᬲᬯᬯᬲ᭄ᬮᬾᬄᬮᬦ᭄ᬩᬵᬕᬸᬲ᭄᭞ᬫᬓᭂᬩᬸᬃᬗᬸᬗ᭄ᬲ᭄ᬬᬕᬕᬡᬶ᭞ᬤᬳᬢ᭄ᬳᬕ᭄ᬮᬶᬲ᭄ᬧᬫᬃᬕ᭄ᬕᬶᬦᬾᬜᬶᬮᬶᬩ᭄ᬤᬶᬢᬸ᭞ᬦᬶ
ᬮᭀᬢᬫᬮᬾᬦ᭄ᬲᬂᬲᬵᬫ᭄ᬩ᭞ᬲᬂᬳᬬᬸᬦᬸᬦ᭄ᬤᬾᬦᬂᬗᬦ᭄ᬢᬶ᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬧᬥᬯᬶᬘᬶᬢᬺᬭᬶᬂᬦᬵᬬ᭞ᬲᬂᬲᬵᬫ᭄ᬩᬲᬗ᭄ᬲᬬᬾᬂᬗᬢᬶ᭞ᬦᬍᬧ᭄ᬤᭂᬧ᭄ᬫᬵᬦᬸᬳᬸᬢ᭄ᬳᬾ
Kaca:Bali-lontar-gaguritan-boma-300ppi.pdf/12
Kaca puniki sampun kauji-wacén
