[᭘ 8B]
᭘
ᬜ᭄ᬘᭂᬃ᭞ᬫᬮᬳᬶᬩ᭄ᬚᬮᬦ᭄ᬫᬸᬮ᭟ᬤᬤᬶᬳᬶᬩᭀᬓᬄᬓᬍᬕᬦ᭄᭞ᬧᬗ᭄ᬭᬲᬦ᭄ᬜᬦᬾᬤᬶᬳᬢᬶ᭞ᬦᬃᬓ᭄ᬓᬯ᭄ᬯᬄᬤᬶᬦᬶᬢᭀᬗᭀᬲ᭞ᬫᬸᬮᬫᬸᬫᬄᬲᬳᬶᬲᬳᬶ᭞ᬧ᭄ᬤᬲᬗᬗᬶᬯᬲᬶᬦ᭄᭞ᬤᬶᬩᬢᬦ᭄ᬓᬬᬸᬦᬾᬳᬕᬸᬂ᭞ᬢᬳᬶᬦ᭄ᬓᭂᬤᬶᬲ᭄ᬫᬲ
ᬲᬄᬲᬄ᭞ᬳᬶᬩᭀᬓᬄᬮᬳᬸᬢ᭄ᬫᭂᬦᬾᬓᬶᬦ᭄᭞ᬗᬩᬳᭂᬗ᭄ᬓᭂᬢ᭄᭞ᬫᬯᬤᬄᬩᬸᬂᬩᬸᬂᬳᬮᬯᬲ᭄᭟ᬧᬢᭀᬓᬦᬾᬮᬦ᭄ᬢᬲ᭄ᬮᬶᬜ᭄ᬚᬓ᭄᭞ᬓᬳᭀᬕᬄᬓᬳᬸᬫ᭄ᬧᬕ᭄ᬳᬫ᭄ᬧᬶᬕ᭄᭞ᬓ᭄ᬮᬾᬲ᭄ᬳᬶᬩᭀᬓᬄᬫᬕᭂᬩ᭄ᬮᬕ᭄᭞ᬮᬩᬸᬄᬦᬸᬗ᭄ᬓᬬᬓ᭄ᬗᬮᬶ
ᬦ᭄ᬢᬶᬓ᭄᭞ᬳᬾᬗ᭄ᬕᬮ᭄ᬩᬗᬸᬦ᭄ᬫᬮᬳᬶᬩ᭄᭞ᬫᬧᬾᬦ᭄ᬤᬂᬤᬶᬧᬸᬗ᭄ᬓᬸᬃ᭞ᬫᬮᬳᬶᬩᬂᬧᬢᭀᬓᬦ᭄᭞ᬳᬩᭀᬢ᭄ᬫᬧᬮᬗ᭄ᬓᬤᬸᬭᬶ᭞ᬭᬭᬶᬲ᭄ᬜᭂᬭᬶᬢ᭄᭞ᬢᬳᬂᬫᬦᬕᬶᬄᬯᬸᬮᬸᬗᬶᬦ᭄᭟ᬳᬚᬳᬦ᭄ᬢᭂᬓᭂᬤ᭄ᬤᬶᬚᭂᬮᬦᬦ᭄᭞ᬜᬦᬾᬤᬶ
ᬯᬂᬩᬜᬫᬮᬳᬶᬩ᭄᭞ᬗᭂᬦ᭄ᬲᬸᬢ᭄ᬩᬳᬦ᭄ᬧᬧ᭄ᬮᬗ᭄ᬓᬳᬦ᭄᭞ᬗᬦ᭄ᬤᬂᬤᬶᬚ᭄ᬮᬦᬦᬾᬤᬤᬶ᭞ᬳᬶᬩᭀᬓᬄᬩ᭄ᬯᬶᬦ᭄ᬜᭂᬭᬶᬢ᭄᭞ᬧ᭄ᬬᬦ᭄ᬓ᭄ᬱᭀᬫᬄ᭞ᬳᬾᬗ᭄ᬕᬮ᭄ᬧᭂᬲᬸ᭞ᬢ᭄ᬓᬧᬤᬫᬜ᭄ᬚᬕ᭄ᬚᬕ᭄᭞ᬧᬶᬲᬕᬜᬓᬕ᭄ᬬᬢ᭄ᬲᬫᬶ᭞ᬳᬤᬢ᭄ᬓ
[᭙ 9A]
᭙
ᬫᬲᬶᬓᭂᬧ᭄ᬮᬾᬦ᭄ᬗᬩᬤᬫᬃ᭟ᬳᬶᬩᭀᬓᬄᬓᬤᬸᬂᬫᬓᭂᬲ᭄ᬬᬩ᭄᭞ᬭᬸᬦ᭄ᬢᬢ᭄ᬩᬬᬸᬦ᭄ᬜᬦᬾᬤᬤᬶ᭞ᬮᬳᬄᬲᬸᬭᬸᬧ᭄ᬮ᭄ᬯᬂᬧᬭ᭞ᬲᬮᬄᬳᬶᬤᭂᬧ᭄ᬧᭂᬲᬸᬫᬸᬜᬶ᭞ᬩᬦᬾᬮ᭄ᬬᬸᬜᬕ᭄ᬚᬕᬶᬦ᭄᭞ᬓᬤᬾᬦᬗᬧᬘᬂᬗᭂᬚᬸᬓ᭄᭞ᬮᬳᬸᬢ᭄ᬳᬶ
ᬩᭀᬓᬄᬋᬗᬲ᭄᭞ᬲᬮᬄᬳᬸᬦ᭄ᬤᬸᬓ᭄ᬧᭂᬲᬸᬫᬸᬜᬶ᭞ᬳ᭄ᬤᬗᭂᬚᬸᬓ᭄᭞ᬢ᭄ᬬᬂᬢ᭄ᬓᬳᬸᬮᬶᬫᬢᬧ᭟ᬮᬳᬸᬢ᭄ᬮ᭄ᬬᬸᬫᬫ᭄ᬤᬲᬂ᭞ᬢᬶᬗ᭄ᬓᬄᬳᬶᬩᭀᬓᬳᬾᬜ᭄ᬭᬶᬢ᭄᭞ᬤᬶᬚ᭄ᬮᬦᬦᬾᬫᬧ᭄ᬮᬗ᭄ᬓ᭞ᬫᬚᬸᬚᬸᬓ᭄ᬫᬳᭂᬧ᭄ᬓᬳᬸᬕᬶ᭞ᬮ᭄ᬬᬸᬧᬤᬜᬸᬦ᭄ᬤᬭᬶᬦ᭄᭞ᬩᬳᬦ᭄ᬤ
ᬫᬃᬩᭀᬩᭀᬓ᭄ᬤᬶᬢᬸ᭞ᬧ᭄ᬬᬦᬓ᭄ᬱᭀᬫᬄᬳᬦ᭄ᬤᭂᬫᬓ᭄᭞ᬗᭂᬮᬸᬲᬶᬦ᭄ᬧᬮᬗ᭄ᬓᬚᬦᬶ᭞ᬮᬸᬢ᭄ᬓᬤᬦ᭄ᬤᬦ᭄᭞ᬧᬸᬮᬶᬳᬦ᭄ᬦᭂᬓᭂᬤ᭄ᬤᬶᬚᬸᬫᬄ᭟ᬤᬾᬦᬶᬂᬲᬧᬸᬦᬶᬓ᭞ᬢᬶᬗ᭄ᬓᬄᬳᬶᬩᭀᬓᬳᬾᬚᬦᬶ᭞ᬲᬳᬶᬓᭀᬘᬧ᭄ᬓᬕᬸᬬᭀᬦᬶᬂ
ᬦ᭄᭞ᬳᬶᬩᭀᬓᬄᬫᬗ᭄ᬭᬲᬳᬳᬶᬫ᭄ᬩᬶᬄ᭞ᬓᭂᬤᬶᬲᬾᬮᬸᬢ᭄ᬚᭂᬩᬕᬶᬦ᭄᭞ᬢ᭄ᬓᬾᬦᬶᬂᬩᬸᬂᬩᬸᬂᬢᬢ᭄ᬮᬸ᭞ᬯᬤᬄᬳᭂᬗ᭄ᬓᭂᬢ᭄ᬧᬮᬶᬮᬶᬢᬦ᭄᭞ᬢ᭄ᬓᬾᬦᬶᬂᬢᬫ᭄ᬩ᭄ᬮᬂᬳᬓᬭᬶᬄ᭞ᬫᬜᬃᬯᬂᬫᬧᬶᬓᬢ᭄ᬜᬸᬲᬸᬧ᭄ᬤᬶᬳᬮᬲ᭄᭟ᬢᬸᬫᬸᬮᬶᬮᬳᬸᬢ᭄ᬫᬚᬮᬦ᭄
Kaca:Bali-lontar-gaguritan-bokah-02-300ppi.pdf/9
Kaca puniki sampun kauji-wacén
