Kaca:Bali-lontar-gaguritan-bokah-01-400ppi.pdf/28

Saking Wikisource
Kaca puniki sampun kauji-wacén

[᭒᭗ 27B]
᭒᭗
ᬤᬸᬓ᭄‌ᬲᬯᬂᬍᬦᬾᬩ᭄ᬘᬶᬓ᭄᭞ᬤᬾᬦᬶᬂᬤᬶᬢᬸᬧᬮᬶᬂᬫ᭄ᬮᬄ᭞ᬢᬦ᭄ᬲᬧᬾᬫᬃᬕ᭄ᬕᬶᬦᬾᬦᬸᬳᬸᬢ᭄ᬧᬲᬶᬲᬶ᭞ᬫᬓᬓᬭᬂ᭞ᬓ᭄ᬩᬸᬲ᭄ᬧᬦᬲᬦ᭄᭞ᬩᬳᬦ᭄ᬢᭀᬦ᭄ᬤᬾᬩ᭄ᬲᬶᬗᬶᬢ᭄ᬧᬹᬃᬬ᭄ᬬᬦᬾ᭞ᬤᬶᬢᬸᬬ
ᬫᬓᬓᬸᬤᬸᬂ᭞ᬫᬩᬃᬋᬗᬦ᭄ᬩᬳᬦ᭄ᬮᬾᬫ᭄ᬧᭀᬢ᭄ᬩᬓ᭄᭞ᬲᬸᬢ᭄ᬭᬩ᭄ᬬᬢ᭄ᬚᬯ᭞ᬲᬂᬓᬸᬩᬸᬩ᭄ᬦᬾᬳ᭄ᬮᬸᬄ᭞ᬫᬓᬭᬦᭀᬮᬫ᭄ᬧᬄ᭞ᬫᬓᬓᬭᬂ᭞ᬦᬸᬳᬸᬢ᭄ᬧᬲᬶᬲᬶᬦᬾᬲ᭄ᬧᬶ᭞ᬓᬕᬶᬮᬶ
ᬦᬾᬫᬸᬗ᭄ᬕᬳᬦ᭄᭟ᬤᬶᬢᬸᬤᬶᬕᬶᬮᬶᬗᬓ᭄ᬫᬲᬦ᭄ᬤᬶᬂ᭞ᬫᬓᬭᭀᬦᬦ᭄᭞ᬫᬳᬫ᭄ᬬᬦ᭄ᬳᬫ᭄ᬬᬳᬦ᭄᭞ᬤᬶᬩᬢᬦ᭄ᬓᬬᬸᬢᬗᬶᬦᬾ᭞ᬗᬯᬲᬼᬂᬦᬶᬂᬕᬸᬦᬸᬂ᭞ᬓᬤᬳᬢᬦ᭄‌ᬗᬾᬤᬦᬶᬦ᭄ᬳ
ᬢᬶ᭞ᬩᬗᬸᬦ᭄‌ᬬᬫᬳᬶᬍᬳᬦ᭄᭞ᬫᬜ᭄ᬚᬚᬄᬓᬮᬗᬸᬦ᭄᭞ᬤᬶᬕᬸᬦᬸᬗᬾᬫᬦᬓ᭄ᬡᬦᬓ᭄‌᭞ᬫᬕᬶᬮᬶᬳᬦ᭄᭞ᬲᬯᬂᬓᬍᬲᬸᬦ᭄ᬫᬫᬃᬕ᭄ᬕᬶ᭞ᬫᬭᬃᬬᬦ᭄ᬲᭀᬭᬶᬂᬧᬤ᭄ᬤᬦ᭄᭟

[᭒᭘ 28A]
᭒᭘
ᬤᬶᬢᬸᬩᬸᬗᬂᬫᬗᬸᬗ᭄ᬓᬸᬮ᭄ᬓᬧᬲᬶᬄ᭞ᬧᬤᬢᬶᬗ᭄ᬕᬃ᭞ᬲᬦᬾᬮᬸᬭᬄᬮᬸᬭᬄ᭞ᬲᬯᬢ᭄ᬤᬶᬢᬗ᭄ᬕᬸᬗᬸᬫᬶᬦᬾ᭞ᬦᬾᬭᬶᬂᬧᬲ᭄ᬯᬦ᭄ᬤᬶᬢᬸ᭞ᬳᬤᬓᬯᭀᬦ᭄ᬩᬳᬶᬢᬩᬸᬕᬶᬲ᭄᭞ᬫᬘᬂᬘᬂᬤᬶᬲᬕᬭ᭞
ᬫᬩᬤ᭄ᬤᬾᬭᬮᬸᬳᬸᬂ᭞ᬘᬘᬶᬭᬾᬗᬸᬮᬓᬮᬧ᭞ᬓᭀᬘᬧᬜ᭞ᬓᬧᬶᬢᬦ᭄ᬜᬦᬾᬲᬓᬶᬂ᭞ᬦᬸᬱᬚᬯᬫᬓᬲᬃ᭟ᬓᬘᬭᬶᬢᬤᬸᬃᬫ᭄ᬫᬕᬮᬾᬂᬯᬶᬤ᭄ᬥᬶ᭞ᬫᬫᬜ᭄ᬘᬦ᭞ᬭᬶᬂᬲᬂᬫ
ᬘᬂᬓ᭄ᬭᬫ᭞ᬓᭀᬘᬧᬦ᭄ᬤᬶᬧᬭᬾᬭᬾᬦᬾ᭞ᬫᬲᬓᬫ᭄ᬲᬸᬦ᭄ᬢᬸᬳᬸ᭞ᬫᬕᬕᬸᬬ᭄ᬯᬦ᭄ᬲᬮᬶᬂᬳᬸᬮᬦᬶᬦ᭄᭞ᬩᬶᬓᬲᬾᬓᬯᬭᭀᬕᬦ᭄᭞ᬩᬲ᭄ᬤᭂᬫᭂᬦᬾᬫᬸᬧᬸᬢ᭄᭞ᬤᬶ
ᬢᬸᬫᬩᬮᬶᬄᬓᬮᬗ᭄ᬯᬦ᭄᭞ᬓᬤᬸᬓᬸᬭᬦ᭄‌᭞ᬩᬳᬦ᭄ᬳᬗᬶᬦᬾᬦᬾᬳᬭᬶᬲ᭄᭞ᬳ᭄ᬢᬶᬲ᭄ᬤᬤᬶᬓᬍᬲ᭄ᬯᬦ᭄᭟ᬦᬾᬫ᭄ᬯᬦᬶᬢᬦ᭄ᬲᬄᬜ᭄ᬚᬸᬚᬸᬄ᭞ᬓᬧᬩᬶᬦᬦ᭄᭞ᬦᬾᬳᬶ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-bokah-01-400ppi.pdf/28&oldid=24581"