[ ᭒᭒ 22B]
᭒᭒᭞
ᬢᬸᬫ᭄ᬧᬂᬲᭀᬮᬲ᭄᭞ᬩᬧᬢ᭄ᬯᬭᬫᬗ᭄ᬮᬶᬜᭀᬓᬶᬦ᭄᭞ᬩᬧᬢᬸᬲᬢ᭄ᬬ᭞ᬧᬦ᭄ᬩᬧᬫᬗ᭄ᬕᬤᬾᬯᬢ᭞ᬢᬸᬲᬶᬂᬤᬤᬶᬮᬶᬜᭀᬓ᭄ᬚᬜ᭄ᬚᬶ᭞ᬩᬧᬗᬫᭀᬂᬥᬃᬫ᭄ᬫ᭞ᬚᬢᬶᬩ
ᬧᬲᬥᬸᬩᬸᬤ᭄ᬥᬶ᭟ᬤᬲᬂᬪᬶᬫ᭞ᬲᬦᬾ ᬫᬗ᭄ᬓᬶᬦ᭄ᬳᬶᬤᬗᬸᬘᬧ᭄᭞ᬤᬸᬄᬳ᭄ᬬᬂᬬᬫᬚᬢᬶ᭞ᬳᭂᬤᬚᬫᬫᭀᬩᬩ᭄᭞ᬲᬸᬧᬢ᭄ᬚᬳᬶᬳᬚᬶᬩ᭄ᬬᬂ᭞ᬳᬩᬓᬰ᭄ᬯᬃᬕ᭄ᬕᬦ᭄ᬤᬶᬕ᭄ᬮᬶᬲ᭄᭞ᬳ᭄ᬬᬂᬬᬫ
ᬓᬮᬾᬩᬂ᭞ᬢᬸᬫᬸᬮᬶᬳᬶᬤᬫᬤᬶᬤᬶᬂ᭟ᬕᬕ᭄ᬮᬶᬲᬦ᭄᭞ᬳ᭄ᬬᬂᬬᬫᬭᬯᬸᬄᬭᬶᬂᬓᬯᬄ᭞ᬳᬢ᭄ᬫᬦᬾᬲᬫᬶᬧᬚ᭄ᬭᬶᬢ᭄᭞ᬯᬾᬦᬵᬢᭂᬦ᭄ᬦᬾ ᬫᬗᭂᬗ᭄ᬓᬓ᭄᭞ᬳᬸᬬᬸᬢ᭄ᬫᬩ᭄ᬬᬬᬸᬳᬦ᭄ᬭᬶᬂᬓᬯᬄ᭞ᬚ
ᬫ᭄ᬩᬗᬦᬾᬓᬤᭂᬲᭂᬓᬶᬦ᭄᭞ᬢᬸᬃᬓᬮᬾᬤᭀᬓᬂ᭞ᬳᬦ᭄ᬢᬸᬓ᭄ᬳ᭄ᬬᬂᬬᬫᬤᬶᬧᬢᬶ᭟ᬯᬺᬓᭀᬥᬭ᭞ᬦᬺᬕ᭄ᬢᭂᬕ᭄ᬧᬫᬃᬕ᭄ᬕᬶᬦ᭄ᬳ᭄ᬬᬂᬬᬫ᭞ᬓᬢ᭄ᬫᬸᬳ᭄ᬬᬂᬬᬫᬫᬗ᭄ᬓᬶᬦ᭄᭞ᬲᬕᬾᬢ᭄ᬗᭂᬩᬕ᭄ᬲᬂ
[ ᭒᭓ 23A]
ᬳᬢ᭄ᬫ᭞ᬢᬸᬃᬲ᭄ᬥᭂᬓ᭄ᬫᬗ᭄ᬮᬾ ᬤᭀᬓᬂ᭞ᬲᬂᬯᬺᬓᭀᬥᬭᬫᬦᭂᬗ᭄ᬓᬶᬓ᭄᭞ᬳᬶᬄᬬᬫᬩᭀᬩᬪ᭄᭞ᬤᬾᬯᬮᬶᬜᭀᬓ᭄ᬢᭂᬓᬾᬦ᭄ᬫᬸᬜᬶ᭟ᬲᬗ᭄ᬕᬸᬧ᭄ᬳᬶᬩ᭞ᬫᬜᬸᬧᬢ᭄ᬳᬶᬳᬚᬶᬳᬶᬩ᭄ᬬᬂ᭞ᬢᭀᬗᬸᬤᬤᬶ
ᬦᬶᬫᬦᭂᬮᬶᬓ᭄᭞ᬫᬲᬯᬸᬃᬳ᭄ᬬᬂᬬᬫ᭞ᬲᬚᬳᬓᬸᬩᭀᬩᬤ᭄᭞ᬦᬓ᭄ᬫᬸᬲᬸᬄᬯ᭄ᬦᬂᬮᬶᬜᭀᬓᬶᬦ᭄᭞ᬓᬾᬢᭀᬮᬶᬂᬳᬕᬫ᭞ᬧᬜ᭄ᬘᬦᬺᬢ᭄ᬣᬢᭀᬓᬤᬦᬶᬦ᭄᭟ᬤᬤᬶᬫᭂᬗ᭄ᬕᬄ᭞ᬦᬾ
ᬫᬗ᭄ᬓᬶᬦ᭄ᬲᬂᬯᬺᬓᭀᬥᬭ᭞ᬫᬗ᭄ᬭᬓ᭄ᬢᬸᬂᬫᬦᬸᬤᬶᬂ᭞ᬚᬫ᭄ᬩᬗᬦᬾ ᬓᬕᭀᬩᬕᬂ᭞ᬫᬸᬜ᭄ᬘ᭄ᬭᬢ᭄ᬬᬾᬄᬜᬦᬾ ᬫᬸᬜ᭄ᬘᬃ᭞ᬲᬂᬳ᭄ᬬᬂᬬᬫᬓᬮᬫ᭄ᬩᬾᬲᬶᬲᬶᬸᬦ᭄᭞ᬦᬸᬮᬶᬳᬶᬤᬩᬩᬂ᭞ᬫ᭄ᬮᬳᬶ
ᬩ᭄ᬢᬦ᭄ᬦᭀᬮᬶᬄᬓᬸᬭᬶ᭟᭐᭟ᬲᬶᬦᭀᬫ᭄᭟ᬢᬦ᭄ᬓᭀᬘᬧᬦ᭄ᬭᬶᬂᬫᬃᬕ᭄ᬕ᭞ᬳᬶᬤᬳ᭄ᬬᬂᬬᬫᬫᬮᬳᬶᬩ᭄᭞ᬲᬵᬫᬵᬧᬸᬦ᭄ᬭᬯᬸᬄᬫᬭᬶᬂᬲ᭄ᬯᬃᬕ᭄ᬕᬦ᭄᭞ᬕᬾᬕᬾᬃᬲᬯᬢᭂᬓ᭄ᬫ᭄ᬬᬂᬱᬶ᭞ᬳ᭄ᬬᬂᬕᬸᬭᬸᬗ
Kaca:Bali-lontar-gaguritan-bhima-swargga-02-300ppi.pdf/23
Kaca puniki sampun kauji-wacén
