[᭓ 3B]
᭓
ᬢ᭄ᬢᬩᬶᬤᬂ᭞ᬢ᭄ᬫᭀᬦ᭄ᬢᭂᬫᭀᬦᬾᬤᬶᬚᬦᬶ᭞ᬲᬸᬩᬵᬩᬸᬯᬸᬓ᭄᭞ᬳᬶᬬᬚ᭄ᬯᬵᬲᬭᬾᬩᬾᬳᬂ᭛ᬲᬕᬾᬢ᭄ᬲᬸᬳᬸᬤ᭄ᬫᬫᬦ᭄ᬢᭂᬦᬂ᭞ᬗᬮᬶᬳᬂᬢᭀᬬᬵᬗ᭄ᬢᬶᬲᬶᬦ᭄᭞ᬢ᭄ᬓᬦᬶᬂᬩᬦ᭄ᬢᭂᬦ᭄ᬓ
ᬩᬾᬮᭀᬂ᭞ᬢᬦ᭄ᬳᬸᬘᬧᬦ᭄ᬦᬾᬤᬶᬮᬗ᭄ᬓᬶ᭞ᬤᬶᬧᬯᭀᬦ᭄ᬲᬵᬫ᭄ᬧᬶᬂᬓᭀᬭᬶ᭞ᬤᬶᬢᬋᬢᭂᬧᬦ᭄ᬓᬧᬸᬮᬸ᭞ᬤᬶᬬᬾᬄᬤᬶᬩᬢᬸᬪᬵᬱ᭞ᬢ᭄ᬓᬦᬶᬂᬓᬩᬤᬦ᭄ᬲᬫ᭄ᬧᬶ᭞ᬲᬾᬫ᭄ᬩᬾᬍᬲᬸᬂ᭞ᬢ᭄ᬓᬦᬶᬂᬲ᭄ᬥ
ᬳᬦ᭄ᬧᬩ᭄ᬯᬦ᭄᭛ᬦᬾᬦᬾᬮᬸᬄᬢ᭄ᬯᬭᬳᬸᬦᬶᬗ᭄ᬳᬵ᭞ᬬᬦᬸᬫ᭄ᬥᭂᬫ᭄ᬳᭂᬗ᭄ᬓᭂᬲ᭄ᬳᭂᬗ᭄ᬓᭂᬲ᭄᭞ᬫᬜ᭄ᬭᬧᬧᬄᬕ᭄ᬭᬓ᭄ᬕᭂᬭᭀᬓ᭄᭞ᬧ᭄ᬬᬦᬓ᭄ᬜᬦᬾᬧᬕᬸᬮᬦ᭄ᬢᬶᬂ᭞ᬳᬤᬫ᭄ᬥᭂᬫ᭄ᬫᬜᬫ᭄ᬧᬶᬂ᭞ᬮᬾᬦᬸᬗ᭄ᬓᬬᬓ᭄ᬫ
ᬜ᭄ᬭᬓᬸᬓᬸᬢ᭄᭞ᬳᬤᬫᬳᭂᬧ᭄ᬓᬢ᭄ᬩᬾᬦ᭄᭞ᬦᬾᬧᬮᬶᬂᬓ᭄ᬢᬸᬢ᭄ᬗᬓᭂᬩᬶᬦ᭄᭞ᬗ᭄ᬮᬸᬢ᭄ᬩᬳᬸ᭞ᬢᬸᬗ᭄ᬕᬮ᭄ᬗᭂᬦ᭄ᬤᬸᬲᬶᬦ᭄ᬓᭀᬘᭀᬓᬂ᭛ᬳᬶᬓ᭄ᬢᬸᬢ᭄ᬩᬗᬸᬦ᭄ᬗᬸᬮᬾᬧᬢ᭄᭞ᬕᬸᬢ᭄ᬕᬸᬢ᭄
[᭔ 4A]
ᬢᬸᬫᬵᬫᬗᬢ᭄ᬪᬶᬄ᭞ᬫᬗ᭄ᬮᬶᬂᬢᭀᬂᬤᬤᬶᬓᭀᬘᭀᬓ᭄᭞ᬫᬗᬸᬮᬮᬂᬫᬗᬸᬮᬶᬮᬶᬂ᭞ᬦᬾᬮᬾᬦᬦ᭄ᬧᬥᬵᬗ᭄ᬮᬶᬂ᭞ᬳᬤᬵᬗ᭄ᬭᬓᬯᬸᬓ᭄ᬧᬹᬓ᭄᭞ᬮᬾᬦ᭄ᬦᬾᬫᬦ᭄ᬥᭀᬳᭀᬂᬦ᭄ᬥᭀ
ᬳᭀᬂ᭞ᬦᬾᬦᬾᬗ᭄ᬭᬓ᭄ᬲ᭄ᬗᬶᬲ᭄ᬗᬶ᭞ᬦᬾᬦᬾᬩᭂᬳᭂᬂ᭞ᬕ᭄ᬭᬾᬂᬕ᭄ᬭᬾᬂᬤᬶᬢ᭄ᬩᬾᬦᬦ᭄᭛ᬳᬤᬫᬫ᭄ᬘᬸᬓ᭄ᬲᭀᬓ᭄ᬱᭀᬓᬦ᭄᭞ᬫᬕᬸᬬᬂᬦᬕᬶᬄᬩᬾᬕᬸᬮᬶᬂ᭞ᬦᬾᬦᬾᬫᬜᬶᬂᬓ᭄ᬮᬃᬫ
ᬕᬦ᭄ᬤᭀᬂ᭞ᬗᬸᬲᬸᬤ᭄ᬩᬯᭀᬂᬫᬗᬸᬭᬶᬜᬶ᭞ᬢᬦᬶᬫᬦᬶᬗᭂᬄᬫᬸᬜᬶ᭞ᬫᬗ᭄ᬮᬶᬂᬫᬗᬸᬮᬸᬦ᭄ᬳᬸᬮᬸᬦ᭄᭞ᬦᬕᬶᬄᬲᬲᬢᬾᬘᬮᭀᬦ᭄᭞ᬦᬾᬩᬗ᭄ᬓᬶᬂᬓ᭄ᬯᬢ᭄ᬫᬫᭂᬦ᭄ᬤᬶᬮ᭄᭞ᬧᬶᬦᬄᬩ᭄ᬓᬸᬢ᭄᭞
ᬦᬵᬕᬶᬄᬩᬮᬸᬂᬕᬕᭀᬭᬾᬗᬦ᭄᭛ᬦᬾᬮᬾᬦᬵᬦ᭄ᬩᬗᬸᬦᬮᬦᬵᬂ᭞ᬩᬳᬸᬓ᭄ᬥᬢ᭄ᬦᬕᬶᬄᬦᬲᬶ᭞ᬳᬤᬵᬫᬗᬺᬩᬸᬢᬶᬦ᭄ᬜᭀᬜᭀ᭞ᬫᬕᬸᬚᭂᬂᬧᬥᬫᬗ᭄ᬮᬶᬂ᭞ᬮᬾᬦ᭄ᬦᬾᬫ
Kaca:Bali-lontar-gaguritan-berayut-03-400ppi.pdf/4
Kaca puniki sampun kauji-wacén
