Kaca:Bali-lontar-gaguritan-berayut-03-400ppi.pdf/28

Saking Wikisource
Kaca puniki sampun kauji-wacén

[᭒᭗ 27B]
᭒᭗
ᬦ᭄ᬳᬶᬭᬩᬶᬩᬶ᭞ᬓᬘᬶᬘᬶᬗᬦ᭄᭞ᬧ᭄ᬭᬩᭀᬢᬾᬕ᭄ᬥᬾᬗᬮᬾᬫᬤ᭄᭛ᬓᬸᬤᬸᬩᬕᬸᬲ᭄ᬩᬓᬮ᭄ᬳᬧᬬᬾᬦ᭄ᬢᭀᬗᬤᬦᬾᬳᬩ᭄ᬲᬶᬓ᭄᭞ᬚᬮᬦ᭄ᬫᬓᬾᬦᬾᬫᬓᬾᬦ᭄ᬢᭀ᭞
ᬬᬾᬦ᭄ᬥᬫᬭᬾᬲᬸᬩᬫᬵᬢᬶ᭞ᬳᬧᬮᬾᬦᬦ᭄ᬳᬶᬯᬲᬶᬦ᭄᭞ᬳᬶᬲᬤᬵᬬᬢᭀᬦᬾᬩᬕᬸᬲ᭄᭞ᬲᭀᬓ᭄ᬦᬾᬦᬾᬳᬲ᭄ᬯᬳᬦ᭄᭞ᬢᭀᬦᬾᬫᬗ᭄ᬮᬕᬬᬗ᭄ᬳᬢᬶ᭞ᬳᬫ᭄ᬩᬸᬮ᭄ᬘᬸᬗᬸᬄ
ᬩᬗ᭄ᬓᬮᬾᬕ᭄ᬥᬾᬫᬜᬸᬗ᭄ᬓᬮ᭄᭛ᬓ᭄ᬥᬾᬢ᭄ᬫᬲᬯᬸᬢ᭄ᬦᬾᬧᭀᬗᬄ᭞ᬳᭂᬦ᭄ᬢᭀᬢ᭄ᬯᬄᬓᬵᬋᬧᬂᬜᬳᬶ᭞ᬢᭀᬤᬸᬲᬶᬦ᭄‌ᬗᬸᬮᬄᬩᭀᬘᭀᬓ᭄᭞ᬳᬶᬲᬤᬵᬢ᭄ᬯᬄᬦᬾᬧᬹ
ᬚᬶ᭞ᬳᬸᬮᬗᬸᬦᬾᬢᬦ᭄ᬲᬶᬧᬶ᭞ᬭᭀᬯᬗᬾᬮᬾᬦᬦ᭄ᬫᬲᬳᬸᬢ᭄᭞ᬢᬶᬤᭀᬂᬲᬦ᭄ᬳᬶᬭᬕᬯᭀᬓ᭄᭞ᬳᬾᬫᭂᬗᬾᬭᬸᬲᬸᬄᬤᬸᬫᬥᬶ᭞ᬓᬾᬦ᭄ᬤᬶᬓ᭄ᬢᬸᬢ᭄᭞ᬮᭀᬤᬲᬦ᭄‌ᬢ᭄ᬓᬾᬦ᭄ᬳᬸᬭᬸ
[᭒᭘ 28A]
ᬢᬦ᭄᭛ᬓᬾᬢᭀᬫᬸᬜᬶᬦ᭄ᬜᬦᬾᬧᭀᬗᬄ᭞ᬧᬥᬧᭀᬗᬄᬫᬜᬯᬸᬢᬶᬦ᭄᭞ᬭᬵᬫᬾᬧᬥᬫᬕᬕᬸᬬᭀᬦ᭄᭞ᬓ᭄ᬥᬾᬓᬾᬫᬯᬮᬶᬯᬮᬶ᭞ᬢᬦ᭄ᬓᭀᬘᬧᬦᬾ
ᬚᬦᬶ᭞ᬳᬢᬶᬦ᭄ᬳᬦᬓᬾᬳᬸᬮᬗᬸᬦ᭄᭞ᬧᬥᬧᬓᬓᬋᬧᬦ᭄᭞ᬩᬯᬸᬳᭂᬗ᭄ᬲᭂᬩ᭄ᬫᬢᬦ᭄ᬳᬳᬶ᭞ᬤᬾᬩ᭄ᬭᬬᬸᬢ᭄᭞ᬓᬵᬕᬾᬢ᭄ᬓᭂᬤᬶᬧᬢᬧᬵᬦ᭄᭛ᬩᬗᬸᬦ᭄ᬫᬦ᭄ᬮᭀ
ᬓ᭄‌ᬫ᭄ᬦᬾᬓᬦ᭄᭞ᬦᬸᬤᬶᬯᬗᬦ᭄ᬳᬜ᭄ᬘᬓ᭄ᬱᬚᬶ᭞ᬫᬗᬭᬜᬩ᭄ᬭᬯᬶᬢ᭄ᬓᬢᭀᬦ᭄᭞ᬩᬸᬮᬦᬾᬩᬯᬸᬦ᭄ᬤᬤᬭᬶᬦ᭄᭞ᬩᬶᬦ᭄ᬢᬗᬾᬢᬸᬫ᭄ᬧᬂᬫ᭄ᬲᬶ᭞ᬫᬗ᭄ᬮᬮᬶᬬᭂᬃᬩᬯᬸᬢᬸ
ᬫ᭄ᬩᬸᬄ᭞ᬮᬦ᭄ᬢᬣᬶᬢ᭄ᬓᬸᬫᬭᬜᬩ᭄᭞ᬳᬗᬶᬦᬾᬩᬸᬓᬗ᭄ᬧᭂᬢᬶᬦ᭄᭞ᬕ᭄ᬱᬄᬳᬮᬸᬲ᭄᭞ᬫᬸᬜᬶᬦᬾᬩᬸᬓᬫᬜᬫᬵ᭛ᬤᬾᬩ᭄ᬭᬬᬸᬢ᭄ᬓᬳ᭄ᬦᭂᬗᬦ᭄᭞ᬲᬸᬓᬵᬦ᭄ᬳᬢᬶ