[ ᭖᭖ 66B]
᭖᭖᭞
ᬧᬦ᭄ᬓᭂᬭᬸᬂᬩᬋᬂᬬᬫᬳᬶᬗ᭄ᬤ᭄ᬬᬂᬳᬶᬗᭂᬳᬶᬗᭂᬄᬜ᭄ᬕᬢ᭄ᬯᬭᬦᬸᬭᬸᬢ᭄ᬤᬬᬦ᭄ᬓᬳᬶᬢᬸᬲᬶᬂᬫᬓᬶᬢᬲᬸᬕᬶᬄᬜᬦ᭄ᬤᬘᬭᬶᬓ᭄ᬫᭂᬮᬶᬩᬮᬸᬳᬗ᭄ᬕᬾᬫᬕᬕᬦ᭄ᬤ᭄ᬭᬸᬗᬦ᭄ᬧᬶᬧᬶᬲ᭄ᬮᬲ᭄ᬬᬮᬶᬬᬸᬚᬦᬶᬬᬧᬦ᭄ᬓᭂ
ᬭᬸᬂᬜᬭᬸᬢ᭄ᬘᬸᬢ᭄ᬫᬶᬮᬸᬫᬚᬮᬦ᭄᭟ᬢᭂᬮᬶᬓ᭄ᬫᬮᬸᬬᬚᬮᬦᬂᬧᬗᬯᬾᬂᬤᬶᬢᬸᬫᬗ᭄ᬱᬶᬦ᭄ᬢᬶᬧ᭄ᬜᬭᬸᬯᬂᬜᬫᬤᭂᬮᭀᬓᬦ᭄ᬓᬤᬸᬫᬦ᭄ᬫᬲᬶᬳᬢᬦ᭄ᬤᬶᬂᬢ᭄ᬯᬭᬳᬸᬯᬳᬸᬯᬶᬳᬶᬤᬢ᭄ᬗᬄ
ᬫᬲᬶᬫᬜᬸᬫ᭄ᬧᬸᬢ᭄ᬓᬳᬶᬤᭀᬕᬾᬦ᭄ᬢᭀᬬᭀᬕ᭄ᬬᬲᬲᬦ᭄ᬢᬸᬦ᭄ᬤᬬᬦᬾᬭᬶᬭᬶᬄᬧᬥᬦᬸᬭᬸᬢ᭄ᬭᬯᬸᬄᬚᬸᬫᬄᬲᬶᬭᬯᬦ᭟ᬫᬗᬸᬩᬃᬢᬾᬫ᭄ᬩᭀᬓ᭄ᬤᬶᬲᬗ᭄ᬕᬄᬗᬸᬗ᭄ᬲᬶᬳᬸᬫᬄᬫ᭄ᬦᬾᬓᬵ
ᬭᬶᬲ᭄ᬗᬸᬩᬃᬢᬾᬫ᭄ᬩᭀᬓ᭄ᬧ᭄ᬢᬂᬤᭂᬧᬵᬓᬢᭀᬦ᭄ᬧ᭄ᬢᬶᬦᬾᬓᬓᬮᬶᬄᬬᬢ᭄ᬦᬮᬶᬧᬜ᭄ᬚᬮᬶᬦ᭄ᬲᬦ᭄ᬤᬶᬂᬲᬦ᭄ᬤᬶᬢᬶᬳᬶᬂᬧ᭄ᬢᬸᬂᬕᬸᬲᬶᬯᬬᬦ᭄ᬗᬦ᭄ᬤᬶᬓᬓᬾᬦᬾᬳᬶᬩᬲᬤ᭄ᬬᬦ᭄ᬓᬳᬶᬳᬧᬦ᭄ᬧ
[ ᭖᭗ 67A]
ᬢᬹᬢ᭄᭞ᬮᬫ᭄ᬧᬄᬓᬳᬶᬳᬦᬾᬲᬸᬩ᭟ᬢᬸᬲᬶᬂᬓᭀᬤᬤᬶᬩᬦ᭄ᬤᬃᬫᬗᬮᬶᬄᬲᬸᬓᬦᬾᬍᬯᬶᬄᬳᬶᬩᬧᬥᬜᭀᬭᭀᬄᬜᭀᬭᭀᬄᬫᬫᬤᬢ᭄ᬫᬫᭀᬢᭀᬄᬭᬸᬲᬶᬢ᭄ᬲᬗ᭄ᬕᬳᬾᬢ᭄ᬮᬸᬄᬦᬸ
ᬗ᭄ᬕᬶᬂᬢ᭄ᬯᬭᬳᬶᬗᭂᬢ᭄ᬭᬶᬗᬤᬸᬓᬸᬮ᭄ᬫᬲᬶᬄᬦ᭄ᬫᬸᬩᬕ᭄ᬬᬚᬦᬶᬤᬤᬶᬩᬶᬹᬫᬳᬦ᭄ᬧ᭄ᬢᬶᬤᬤ᭄ᬯᬜᬩᬸᬄᬳᬓᬸᬤᬂᬫᬵᬲ᭄ᬧᬶᬧᬲ᭄ᬧᬾᬭᬓ᭄᭟ᬬᬦ᭄ᬲᬶᬤ᭄ᬥᬲᬸᬩᬫᬤᬸᬫᬦ᭄ᬚᬮᬦ᭄ᬫᬲᭂᬓᬳᬲᬸᬕᬶᬄᬗ
ᬩᬸᬮᬦ᭄ᬫᬦᬫ᭄ᬧᬄᬧᬶᬦ᭄ᬤᭀᬫᬧᬭᬦᬶᬬᬵᬓᬫᬃᬕ᭄ᬕᬶᬫᬗᭂᬩᬄᬗᬗ᭄ᬕᭀᬦ᭄ᬯᬶᬚᬶᬮ᭄ᬫᬧᬸᬮᬰᬸᬭᬗ᭄ᬓᬵᬧᬢᬸᬄᬧ᭄ᬭᬥᬦᬾᬘᬭᬘᬶᬦᬳᬧᬂᬓᭀᬧ᭄ᬢᬄᬓᬳᬶᬭᬶᬭᬶᬄᬳᬯᬓᬵᬮᬸᬄᬓᬶᬯ
ᬮᬂᬢᬫᬓ᭄ᬓᬮᬳᬂ᭟ᬢ᭄ᬕᭂᬦ᭄ᬧ᭄ᬢᬶᬦᬾᬳᬾᬗ᭄ᬕᬮᬂᬕᬸᬫᬶᬓᬺᬢ᭄ᬢᬳᬧᬂᬲᬗᬶᬤ᭄ᬤᬶᬧᬲᬶᬄᬕᬕᬄᬳᭂᬤᬸᬫᬂᬤᬶᬢᬸᬫ᭄ᬮᬄᬮᬶᬗ᭄ᬕᬶᬄᬳᬶᬮᬶᬤ᭄ᬲᬳᬲᬧᬥᬗᬫ᭄ᬩᬶᬮ᭄ᬫᬦᭂᬕᭂᬦ᭄ᬩᬳᬢ᭄ᬫᬗᬸᬦ᭄ᬢᬸᬓ᭄ᬫ
Kaca:Bali-lontar-gaguritan-balangtamak-300ppi.pdf/67
Kaca puniki sampun kauji-wacén
