[ ᭖᭑ 61B]
᭖᭑᭞
ᬗ᭄ᬭᬲᬦ᭄ᬩᬦᬾᬢᬢᬲ᭄ᬧᬦ᭄ᬲᬸᬓᬭᬬᬕᭂᬮᬸᬳᬶᬦ᭄ᬓ᭄ᬫᬳᬮᬶᬬᬂᬧᬦ᭄ᬲᬸᬓᬃᬬ᭄ᬬᬧ᭄ᬭᬧ᭄ᬢᬶ᭟ᬭᬭᬶᬲ᭄ᬫᬋᬓ᭄ᬱᬂᬦᬵᬣᬤᬸᬫᬸᬦ᭄ᬗᬦ᭄ᬤᬶᬓᬳᬶᬩᬢ᭄ᬦᬓᭀᬫᬢᬶᬓᬾᬦ᭄ᬓᬾᬦ᭄ᬬᬓᬶᬯᬬᬦ᭄ᬧ᭄ᬢᬦᬾ
ᬩᬮᬂᬢᬫᬓ᭄ᬧ᭄ᬭᬬᬦᬾᬫᬫᬸᬘᭂᬄᬓᬳᬶᬫᬲᬗᬂᬤᬬᬳᬶᬯᬬᬦ᭄ᬓᬍᬫᭂᬲᬶᬦ᭄᭟ᬳᬶᬩᬢᬲ᭄ᬲᬚᬓᬾᬢᭀᬬᬓᬶᬯᬦᬲᬶᬗ᭄ᬕᬶᬄᬤᬾᬯᬪᬹᬧᬢᬶᬯ᭄ᬬᬓ᭄ᬢᬶᬲᬧᬸᬦᬶᬓᬢᬶᬢ᭄ᬬᬂᬚᬕ
ᬫᬜᭂᬫ᭄ᬧᬮ᭄ᬕᬸᬲ᭄ᬢᬶᬯᬬᬦ᭄ᬫᬗᭂᬤ᭄ᬢᬶᬦ᭄ᬤᬸᬭᬸᬂᬲᬸᬧᬾᬓ᭄ᬱᬧᬸᬦᬶᬓᬫᬃᬕ᭄ᬕᬳᬚ᭄ᬭᬶᬄ᭟ᬲᬵᬫ᭄ᬧᬸᬦ᭄ᬓᬢᬄᬧᭀᬮᬶᬄᬗᭀᬮᬾᬲ᭄ᬬᬓᬶᬯᬳᬶᬭᬢᬸᬲᬧᬸᬦᬧᬶᬲᬂᬦᬵᬣᬗᬦ᭄ᬤᬶᬓᬫᭂ
ᬦ᭄ᬤᭂᬬᬢᭀᬲᬶᬫ᭄ᬧᭂᬦᬂᬓᬳᬶᬫᬗᬶᬢᬸᬗᬂᬫᬦᬶᬤᬶᬦᬶᬬᬳᬤᬧᬜ᭄ᬦᭂᬗᬦ᭄ᬭᬶᬂᬗᬹᬦᬶ᭟ᬘ᭄ᬦᬶᬓ᭄ᬫᬦ᭄ᬤᬶᬲᬸᬩᬲ᭄ᬭᬶᬂᬫᬫᬾᬘᬸᬦ᭄ᬤᬂᬲᬓᬶᬂᬲᭀᬮᭀᬭᬶᬂᬬᬯᬶᬫᬤᬦ᭄ᬕᬕᬓ᭄ᬲᬬᬄᬦᬾᬲᬸᬩᬮᬶ
[ ᭖᭒ 62A]
ᬦ᭄ᬢᬂᬫᬗᬦ᭄ᬳᭂᬦ᭄ᬢᭀᬬᬚᬦᬶᬤᬤᬭᬶᬦ᭄ᬤᬾᬦᬶᬂᬩᬦ᭄ᬮᬯᬲ᭄ᬲᬶᬜᬧᬸᬦᬄᬓᬲᬦ᭄ᬮᬶᬦ᭄᭟ᬮ᭄ᬧᬲ᭄ᬓᬾᬢᭀᬕᬫ᭄ᬧᬂᬩᬦ᭄ᬓᬳᬶᬦᬬᬦᬂᬬᬦ᭄ᬲᬲᬳᬗ᭄ᬕᬾᬦ᭄ᬗᭂᬤᬶᬕ᭄ᬲᬚᬫᬸᬜᬶᬦᬶᬩᬤ
ᬤᬶᬮᬶᬬᬸᬭᬲᬬᬂᬩᬦᬾᬓᬶᬯᬦᬬᬭᬶᬭᬶᬄᬗᬶᬍᬳᬂᬦᬬᬓᬢ᭄ᬓᬦ᭄ᬓᬳ᭄ᬫᬵᬢᬶ᭟ᬓ᭄ᬫᬫᬸᬬᬢ᭄ᬦᬬᬂᬳᬯᬓ᭄ᬫᬗ᭄ᬕᬸᬭᬦ᭄ᬲᬶᬗᬶᬢᬂᬦᬬᬦ᭄ᬓᬳᬶᬲᭀᬫᬄᬫᬥᬲᬦᬓ᭄ᬤᬧᬶᬲᬦ᭄ᬧᬚᬭᬶᬦ
ᬳᬦᬓ᭄ᬮᬶᬬᬸᬤᬶᬦᬶᬓᬲᬶᬄᬓᬤᬹᬦᬦ᭄ᬢᭀᬮᬫᬵᬢᬶᬩ᭄ᬯᬶᬦ᭄ᬧᬶᬤᬦᬸᬭᬶᬧ᭄᭟ᬧᬸᬦᬂᬦᬗ᭄ᬓᬶᬮ᭄ᬧ᭄ᬲ᭄ᬫᬶᬩᬸᬤᬮ᭄ᬫᬭᬶᬂᬧᬸᬭᬢᬸᬘᬧᬦ᭄ᬰ᭄ᬭᬷᬪᬸᬧᬢᬶᬫᬗ᭄ᬭᬶᬜ᭄ᬘᬶᬓᬂᬦᬬᬗᭂᬲᬾᬗᬶᬦ᭄ᬧᬧ᭄ᬚ᭄ᬭᭀᬯᬦ᭄
ᬳᬶᬩᬲ᭄ᬭᭀᬡᬷᬧᬳᭂᬓ᭄ᬫᬳᬶᬲᬂᬓᬶᬦᬾᬦ᭄ᬧ᭄ᬭᬧ᭄ᬢᬧᬧᬹᬓ᭄ᬭᬶᬂᬲᬂᬪᬹᬧᬢᬶ᭟ᬢ᭄ᬫᬳᬶᬩᬧᬲᭂᬫ᭄ᬩᬦ᭄ᬢᭀᬓᬯᬦᬦ᭄ᬓᬸᬫᬄᬓᬶᬯᬦᬕᬳᬶᬩᬶᬲᬬᬂᬫᬤᬬᬳᬸᬮᬸᬗᬶᬦ᭄ᬓᬳᬶᬭᬸᬲᬓ᭄ᬳᬩᬩ
Kaca:Bali-lontar-gaguritan-balangtamak-300ppi.pdf/62
Kaca puniki sampun kauji-wacén
