[ ᭔᭑ 41B]
᭔᭑᭞
ᬫᬺᬖᬫᭀᬚᬭᬮᭀᬦ᭄ᬬᬦ᭄ᬲᬶᬭᬗᬸᬮᬢᬶᬮᬓᬶᬓᬶᬩᬮᬂᬢᬫᬓ᭄ᬱᬶᬗ᭄ᬕᬶᬄᬳᬶᬗ᭄ᬲᬸᬦ᭄ᬫᬗ᭄ᬓᬾᬬᬦᬦᬸᬤᬸᬄᬳᬶᬂᬓᬾᬦᬾᬫᬗᬾᬃᬱᬦ᭄ᬬᬳᬤᬦᬵᬕᬭᬵᬚᬫᭀᬮᬶᬄᬤᬾᬦ᭄ᬬᬗᬶᬗᬸ
ᬲᬶᬂᬩᬮᬂᬢᬫᬓ᭄ᬲᬸᬫᬶᬢ᭄ᬭ᭟ᬫᬗ᭄ᬓᬾᬓᬭᬶᬳᬦᬾᬂᬭᬶᬓᬲᬶᬭᬦᬵᬕᬥᬃᬫ᭄ᬫᬚᬢᬶᬦᭀᬭᬬᬦᬩᬶᬲᬮᬶᬜᭀᬓ᭄ᬫᬗ᭄ᬓᬦᬳᬸᬚᬃᬦ᭄ᬬᬬᬸᬓ᭄ᬢᬶᬲᬶᬭᬫᭀᬂᬓᬤᬶᬳᬲᬶᬄᬦᬶᬢᬦᬸᬧᬸᬦᬂᬓ
ᬳ᭄ᬬᬸᬦ᭄ᬳ᭄ᬬᬸᬦ᭄ᬮᬸᬫᬫ᭄ᬧᬄᬫᬗᬾᬃᬱᬦ᭄ᬬᬢᬦ᭄ᬧᬗᬶᬢᬸᬂᬳᬮᬲ᭄ᬢᬶᬢᬶᬩ᭄ᬕᬫ᭄ᬬᬲ᭄ᬫ᭄ᬧᬸᬧᬸᬢ᭄ᬲᬶᬦᬧᬸᬢᬦ᭄ᬓᬂᬢᬸᬭᬶᬤ᭟ᬓᬶᬯᬮᬂᬢᬫᬓ᭄ᬯᬶᬰᬾᬱᬤᬤᬶᬳᬸᬮᬭᬵᬚᬲᬦ᭄ᬤᬶᬳᬲᬺᬂᬳᬓᬶᬋ
ᬣᬭᬹᬧᬳᬲᬮᬶᬦ᭄ᬓᬤᬶᬩᬬᬸᬓᬶᬫᬸᬭᬶᬭᬓ᭄ᬓᬤᬶᬗᬓ᭄ᬱᬶᬳᬕᬾᬫᬧᬕ᭄ᬦᬶᬢᬸᬦᬸᬢᬸᬫᬸᬮ᭄ᬬᬧᬜᬗᬗᬓ᭄ᬫᬓᭀᬯᬾᬃᬓᬤᬶᬫᬗᬶᬓᬶᬓ᭄ᬫᬸᬫ᭄ᬩᬸᬮᬸᬫ᭄ᬩᬸᬮ᭄ᬓᬤᬶᬫᬧᬲ᭄ᬕᬸᬮᬫᭀᬮᬄ
[ ᭔᭒ 42A]
᭟ᬫᬦᭂᬧᬸᬢ᭄ᬢᬭᬸᬫᬜᬓ᭄ᬭᬫᬓᬮᬗᬦ᭄ᬓᬤᬭᬯᬶᬦᬶᬢᬦᬸᬭᬭᬶᬲ᭄ᬓᬧᬧᬕ᭄ᬧᭀᬮᬳᬶᬭᬦ᭄ᬤᬢᬦ᭄ᬓᬾᬭᬶᬂᬳᬕᬸᬬᬸᬕᬸᬬᬸᬫᬦᬶᬲ᭄ᬦᬵᬕᬓᬤᬶᬓᬓᬸᬗᬮᬸᬲ᭄ᬤᬾᬦᬶᬭᬳᬸᬋᬓᬵᬳᬧᬦ᭄ᬭ
ᬢᬧᬢᬶᬳᬸᬭᬶᬧ᭄ᬢᬦ᭄ᬲᬦ᭄ᬢᬸᬦ᭄ᬢᬸᬫᬸᬮᬶᬮᬭᬶᬲᬢᬜ᭟ᬲᬶᬭᬦᬵᬕᬭᬵᬚᬯ᭄ᬮᬲ᭄ᬤᬾᬦ᭄ᬢᬸᬮᬸᬲ᭄ᬲᬶᬳᬶᬭᬓᬓᬶᬳᬦᬸᬧᬢ᭄ᬯᭀᬂᬅᬮᬩᭀᬜᭀᬢᬤᬳᬦᬳᬶᬗ᭄ᬲᬸᬦ᭄ᬓᬓᬶᬳᬮᬫᬦ
ᬦ᭄ᬤᬂᬓᬶᬂᬓᬶᬂᬦᬶᬢᬦᬸᬲᬃᬯ᭄ᬯᬶᬳᬦᬸᬲᬸᬮ᭄ᬦᬵᬕᬭᬵᬚᬫᬸᬭᬶᬭᬓ᭄ᬳᬦᬯᬸᬢ᭄ᬓᬤᬶᬫᬦᬫ᭄ᬩᬶᬮ᭄ᬗᭀᬓᭀᬓ᭄ᬩᬸᬯᬸᬄᬮᬶᬦᬶᬮᬶᬢ᭄ᬮᬶᬮᬶᬢ᭄ᬳᬶᬗᬸᬗᬲ᭄᭟ᬦᬶᬢᬦᬸᬮᬗ᭄ᬕᭂᬂᬭᬶᬂᬭᬕᬳᬦ᭄ᬕᬶᬮᬢᬦ
ᬦ᭄ᬤᬶᬦᬵᬕᬧᬢᬾᬦᬦᬳᬶᬗᭀᬂᬲᬸᬥᬷᬭᬢᬸᬮᬸᬲᬾᬂᬩᬸᬤ᭄ᬥᬶᬲᬂᬦᬵᬕᬓᬤᬶᬳᬲᬶᬄᬭᬕᬓᬶᬦᬲᬳᬦ᭄ᬲᬵᬫ᭄ᬧᬸᬦ᭄ᬢᬸᬫᬸᬮᬶᬤᬾᬭᬫᭀᬚᬃᬳᬶᬲ᭄ᬢ᭄ᬭᬶᬧᬭᬦ᭄ᬮᬶᬦ᭄ᬢᬂᬯᬦᬶᬧᬓ᭄ᬱᬫᬫ᭄ᬧᬸᬲ᭄
Kaca:Bali-lontar-gaguritan-balangtamak-300ppi.pdf/42
Kaca puniki sampun kauji-wacén
