Kaca:Bali-lontar-gaguritan-bahligya-300ppi.pdf/27

Saking Wikisource
Kaca puniki sampun kauji-wacén

[᭒᭖ 26B]
᭒᭖
ᬮᬶᬗ᭄ᬕᬵ᭞ᬧᬶᬂᬢᬶᬕᬵᬲᬳᬶᬮᬓᭀᬦᬶᬦ᭄᭞ᬦᬦ᭄ᬤᭂᬲ᭄ᬲᬸᬭᬸᬧ᭄ᬢ᭄ᬬᬂᬲᬶᬢᬗ᭄ᬲᬸ᭞ᬯᬳᬸᬳᬸᬲᬦ᭄᭞ᬧ᭄ᬭᬡ᭄ᬥᬵᬫᬗᬲ᭄ᬭᬯᬵᬓᬃᬬ᭄ᬬᬵ᭚ᬕ᭄ᬭᬶᬬᬦ᭄ᬳᬶᬤᬵᬯᬸᬯᬸᬲ᭄ᬫᬗ᭄ᬓᬶᬦ᭄᭞ᬕ᭄ᬭᬶᬬᬵᬓᬯ᭄ᬯᬵᬦ᭄‌ᬗ᭄ᬕᬶᬂᬩᬮᬾᬭᬦ᭄‌ᬫᬸᬮᬵᬯᬭᬶᬲ᭄ᬓᬧᬶᬗᬬᬸ
ᬦ᭄᭞ᬫᬯᬦᬦ᭄ᬳᬶᬤᬵᬜᬭᬢᬂ᭞ᬫᬫᬸᬚᬵᬗᬢᬹᬭᬂᬓᬺᬢ᭄ᬢᬶ᭞ᬯᬲᬸᬄᬧᬤ᭄ᬥᬵᬭᬶᬂᬮᬮᬸᬯᬸᬃ᭞ᬫᬓᬵᬤᬲᬃ᭞ᬧᬗᬩᬓ᭄ᬢᬶᬭᬶᬂᬪᬝᬵᬭᬵ᭚ᬓᬾᬮᬵᬢᬦ᭄ᬫᬡ᭄ᬥᬵᬕᬶᬭᬶ᭞ᬭᬶᬓᬮᬵᬫᬸᬚᬵᬧᬫᭂᬗᬂ᭞ᬤᭀᬦᬶᬂᬫᬶᬗ᭄ᬓᬮᬶᬳᬶᬦ᭄ᬫᬸ
ᬧᬸᬢ᭄᭞ᬭᬳᬶᬦᬵᬫᬸᬚᬵᬲᬧᬶᬲᬦ᭄᭞ᬭᬶᬂᬫᬥ᭄ᬬᬭᬢ᭄ᬬᬵᬗ᭄ᬯᬯᬦᬶᬦ᭄᭞ᬫᬫᬸᬚᬵᬭᬶᬂᬢ᭄ᬗᬄᬤᬮᬸ᭞ᬧᬗ᭄ᬮᬶᬯᭂᬢᬦ᭄᭞ᬫᬗ᭄ᬭᬭᬶᬲ᭄ᬧᬘᬂᬫ᭄ᬭᬮᬶᬦᬵ᭚ᬗᬯᬶᬢᬶᬦ᭄ᬭᬶᬂᬫᬥ᭄ᬬᬵᬭᬢ᭄ᬭᬷ᭞ᬓᬃᬬ᭄ᬬᬵᬢᬢᬗᬶᬳᬢᬹᬭᬂ᭞ᬦᬦᬧᬸᬄᬭᬶᬂ
ᬢ᭄ᬗᬄᬤᬮᬸ᭞ᬫᬫᬸᬚᬵᬲᬂᬧ᭄ᬭᬡ᭄ᬥ᭄ᬬᬵᬫᬸᬯᬄ᭞ᬗᬸᬭᬶᬧᬶᬦ᭄ᬧᬸᬚᬦᬾᬫᬗ᭄ᬓᬶᬦ᭄᭞ᬮᬦ᭄ᬢᬲᬗ᭄ᬮᬶᬯᭂᬢ᭄‌ᬮᬸᬫᬓᬸ᭞ᬧᬫ᭄ᬩᬶᬰᬾᬓᬦ᭄᭞ᬲᬂᬳ᭄ᬬᬂᬧᬶᬢᬺᬫ᭄ᬯᬂᬭᬶᬂᬲᬗ᭄ᬕᬃ᭚ᬲᬚᬶᬦᬾᬫᬦᬸᬩᬸᬂᬲᬫᬶ᭞ᬭᬶᬂᬲᬗ᭄ᬕᬃᬫᬦᬸᬩᬸᬂᬓᬃᬬᬵ᭞ᬲ
[᭒᭗ 27A]
ᬚᬶᬫᬸᬮ᭄ᬬᬵᬦᬾᬫᬦᬸᬩᬸᬂ᭞ᬭᬶᬂᬲᬂᬳ᭄ᬬᬂᬧᬶᬢᬺᬓᬢᬹᬭᬂ᭞ᬳᬋᬧᬦ᭄ᬦᬵᬫᬦᬾᬲᬫᬶ᭞ᬧᬗ᭄ᬮᬶᬯᭂᬢᬦ᭄ᬲᬸᬘᬶᬓᬢᬹᬃ᭞ᬫ᭄ᬯᬂᬧᬫᬸᬚᬦ᭄᭞ᬧᬫᬶᬬᬸᬭᬶᬂᬲᬗ᭄ᬕᬃ᭚ᬧᬸᬦ᭄ᬬᬵᬤᬤᬃᬫᬦ᭄ᬤᬸᬮᬸᬭᬶᬦ᭄᭞ᬢᭀᬧᬾᬂᬩᬮᬶᬫᬲᭀᬮᬄ
᭞ᬗ᭄ᬭᬫ᭄ᬬᬵᬦᬶᬦ᭄ᬭᬶᬂᬢ᭄ᬗᬄᬤᬮᬸ᭞ᬧᬸᬧᬸᬢ᭄ᬲᬂᬧᬡ᭄ᬥ᭄ᬬᬵᬫ᭄ᬭᬮᬶᬦᬵ᭞ᬳᬫᬡ᭄ᬥᬵᬕᬶᬭᬶᬗᬲ᭄ᬢᬸᬢᬶ᭞ᬜᬶᬤ᭄ᬥᬵᬓᬃᬬ᭄ᬬᬵᬗᬲ᭄ᬢᬸᬧᬸᬗ᭄ᬓᬸ᭞ᬚᬬᬚᬬᬵ᭞ᬲᬗᬓᬃᬬ᭄ᬬᬵᬧᬭᬶᬓ᭄ᬭᬫ᭄ᬫᬵ᭚ᬳᬩᬂᬯᬾᬢᬡ᭄ᬥ᭄ᬭᬶᬢᬵᬫᬮᬶᬄ᭞ᬢᬸᬭᬸᬦ᭄ᬲᬂᬳ᭄ᬬᬂᬧᬸᬱ᭄ᬧᬵᬮᬶ
ᬗ᭄ᬕᬵ᭞ᬕᬶᬦᭂᬲᭂᬂᬧᬸᬱ᭄ᬧᬵᬧᬸᬦᬶᬓᬸ᭞ᬭᬶᬦ᭄‌ᬕ᭄ᬦᬢᬃᬧ᭄ᬬᬵᬚ᭄ᬜᬦᬾᬕ᭄ᬦᬄ᭞ᬫᬗ᭄ᬲᭂᬂᬲᬳᬸᬧᬵᬧᬮᬶ᭞ᬲᬳᬵᬧ᭄ᬭᬲᬾᬓᬳᬢᬹᬃ᭞ᬯᬸᬲ᭄ᬓᬶᬦᭂᬦᬦ᭄᭞ᬧᬜ᭄ᬘᬮᬬ᭄ᬯᬵᬦᬾᬢ᭄ᬭᬧᬂ᭚ᬳᬸᬗ᭄ᬕᬸᬄᬭᬶᬂᬘᬸᬘᬸᬧᬸᬫᬗ᭄ᬓᬶᬦ᭄᭞ᬳᬸᬫᬲᬸᬓ᭄ᬭᬶᬂᬚ᭄ᬭᭀᬦᬶᬂᬓ᭄ᬮᬸ
ᬗᬄ᭞ᬓᬶᬦᬲ᭄ᬢᬸᬃᬬ᭄ᬬᬦ᭄ᬓᭀᬚᭀᬂᬫᬸᬭᬸᬩ᭄᭞ᬧ᭄ᬝᬓ᭄ᬫᬧ᭄ᬭᬤ᭄ᬥᬵᬗ᭄ᬤᬾᬫᬸᬦ᭄ᬢᬩ᭄᭞ᬫᬸᬗ᭄ᬕᬸᬄᬭᬶᬂᬲ᭄ᬣᬦᬵᬦᬾᬫᬮᬶᬄ᭞ᬧᬸᬧᬸᬢ᭄ᬳᬸᬧᬵᬘᬭᬵᬲᬫ᭄ᬧᬸᬦ᭄᭞ᬓᬃᬬ᭄ᬬᬵᬫᬗᬂ᭞ᬫᬗᬳᬂᬲᬚᬶᬳ᭄ᬬᬂᬧᬶᬢᬺ᭚ᬧᬸᬧᬸᬢ᭄ᬧᬗᭂᬲᭂᬗᬦ᭄ᬲᬫᬶ᭞ᬩᬾ