[᭒᭕ 25B]
᭒᭕
ᬓ᭄ᬓᬃᬬ᭄ᬬᬵ᭚ᬭᬶᬂᬧᬫ᭄ᬓᬲᬶᬂᬗᬲ᭄ᬢᬶᬢᬶ᭞ᬢᬶᬕᬂᬩᬭᬸᬂᬦᬾᬫᬗᬬᬄ᭞ᬳᬩ᭄ᬬᬦ᭄ᬢᬶᬬᬶᬂᬢᭀᬬᬵᬫᬸᬫ᭄ᬩᬸᬮ᭄᭞ᬲᬓᬶᬂᬢᭀᬧᬢᬶᬫᬘᬜ᭄ᬘᬂ᭞ᬫᬮᬵᬢᬶᬢᬶᬓ᭄ᬱᬓᬶᬂᬭᬶᬳᬶᬦ᭄᭞ᬲᬦᬸᬗ᭄ᬕᬶᬮ᭄ᬓᬃᬬ᭄ᬬᬵᬓᬳᬢᬹᬃ᭞ᬫᬸᬮᬵᬳᬢ᭄ᬯᬂ᭞ᬩᬓ᭄ᬢᬶᬗᬢᬶᬢᬶᬧᬲᬹᬃᬬ᭄ᬬ
ᬦ᭄᭚ᬓᬦ᭄ᬢᭀᬲ᭄ᬲᬶᬗᬶᬢ᭄ᬲᬂᬳ᭄ᬬᬂᬭᬯᬷ᭞ᬯᬳᬸᬧᬸᬧᬸᬢ᭄ᬫᬗᬲ᭄ᬢᬯᬵ᭞ᬲᬂᬧᬡ᭄ᬥ᭄ᬬᬵᬫᬫᬸᬚᬵᬘᬢᬹᬃ᭞ᬫᬮᬶᬄᬦᬶᬩᬓᬃᬧᬤᬦᬦ᭄᭞ᬧᬸᬧᬸᬢ᭄ᬧᬭᬶᬓ᭄ᬭᬫᬵᬳᬶᬦ᭄ᬤᬶᬓ᭄᭞ᬓᬃᬬ᭄ᬬᬵᬧᬫᭂᬓᬲᬾᬓᬢᬹᬃ᭞ᬧᬶᬂᬧᬢ᭄ᬩᭂᬮᬲ᭄᭞ᬧᬗ᭄ᬮᭀᬂᬜ
ᬦᬾᬤᬸᬓ᭄ᬧᬸᬦᬶᬓᬵ᭚ᬩᬾᬜ᭄ᬚᬂᬧᬲ᭄ᬫᭂᬗᬦ᭄ᬫᬮᬶᬄ᭞ᬳᬶᬤᬵᬫᬗ᭄ᬓᬸᬫᬗ᭄ᬓᬸᬲᬫ᭄ᬬᬦ᭄᭞ᬫᬓᬸᬫ᭄ᬧᬸᬮ᭄ᬧᬘᬂᬫᬜᬸᬭᬸᬤ᭄᭞ᬲᬚᬶᬲᬚᬶᬦᬶᬂᬳᬢᬹᬭᬦ᭄᭞ᬳᬫ᭄ᬓᭂᬢᬶᬲ᭄ᬯᬾᬳᬜᬃᬫᬮᬶᬄ᭞ᬲᬳᬸᬧᬵᬘᬭᬵᬓᬲᬸᬭᬸᬤ᭄᭞ᬫᬮᬶᬄ᭞ᬫᬸ
ᬗ᭄ᬕᬄ᭞ᬲᬚᬶᬩᬄᬮᬶᬕ᭄ᬬᬵᬓᬢᬹᬭᬦ᭄᭚ᬯᬾᬤ᭄ᬬᬵᬧ᭄ᬭᬗ᭄ᬓᬢᬦᬸᬮᬸᬭᬶᬦ᭄᭞ᬳᬢᬹᬭᬂᬭᬶᬂᬲᬂᬳ᭄ᬬᬂᬧᬶᬢᬺ᭞ᬲᬸᬘᬶᬘᬢᬹᬭᬾᬓᬳᬢᬹᬃ᭞ᬭᬶᬂᬲᬗ᭄ᬕᬃᬢᬯ᭄ᬯᬂᬫᬸᬗ᭄ᬕᬳᬂ᭞ᬭᬶᬂᬧᬗ᭄ᬕᬸᬂᬩᬦ᭄ᬢᭂᬦ᭄ᬧᬩᬗ᭄ᬓᬶᬢ᭄᭞ᬫᬡ᭄ᬥᬵᬦᬾᬱᬵᬫᬸᬯᬄᬓᬢᬹᬃ᭞
[᭒᭖ 26A]
ᬲᬭᬸᬦ᭄ᬢᬸᬢᬦ᭄᭞ᬘᬭᬸᬫᬜ᭄ᬘᬫᬭᬶᬂᬦᬢᬃ᭚ᬯᬯᬮᬶᬦ᭄ᬓᬃᬬ᭄ᬬᬦᬾᬫᬮᬶᬄ᭞ᬕᭀᬂᬕᬫ᭄ᬩᬃᬧᬤᬦᬦ᭄ᬫᬸᬯᬄ᭞ᬧᬯᬾᬤᬬᬦ᭄ᬲᬸᬮᬸᬄᬳᬕᬸᬂ᭞ᬘᬭᬸᬲᭀᬃᬳᬋᬧᬦ᭄ᬲᬗ᭄ᬕ᭄ᬬᬵ᭞ᬳᬗ᭄ᬮᬶᬯᭂᬢᬦ᭄ᬕᭂᬦ᭄ᬢᭀᬲ᭄ᬲᬳᬶ᭞ᬲᬧᬭᬶ
ᬓ᭄ᬭᬫᬵᬲᬚ᭄ᬬᬾᬓᬸ᭞ᬤᬦᬵᬧᬸᬦ᭄ᬬᬵ᭞ᬓᬢᬸᬭᬂᬫᬕᭂᬦ᭄ᬢᭀᬲᬫ᭄ᬬᬦ᭄᭚ᬕᬫ᭄ᬩᬸᬄᬲᬓᬶᬂᬳᬸᬚᬸᬂᬲᬭᬷ᭞ᬯᬯᬮᬶᬦ᭄ᬓᬃᬬ᭄ᬬᬵᬓᬢᬹᬭᬂ᭞ᬕᭀᬂᬢᭂᬢᭂᬧ᭄ᬢ᭄ᬯᬄᬢᬶᬕᬂᬩᬭᬸᬂ᭞ᬫᬦᬩᬸᬄᬭᬶᬂᬓᬃᬬ᭄ᬬᬵᬫ᭄ᬗᬂ᭞ᬫᬫᬸᬢ᭄ᬭᬸᬲᬋᬂᬓᬢ᭄ᬭᬶᬜᬶ᭞
ᬲᬂᬧᬡ᭄ᬥ᭄ᬬᬵᬘᬢᬹᬃᬫᬫᬸᬢᬸᬲ᭄᭞ᬫᬗᬲ᭄ᬢᬯᬵ᭞ᬭᬶᬓᬮᬓᬃᬬ᭄ᬬᬵᬫᬫᭂᬗᬂ᭚ᬓᬾᬯᬦ᭄ᬢᭂᬦ᭄ᬧᬤᬡ᭄ᬥᬵᬳᬶᬲ᭄ᬢ᭄ᬭᬶ᭞ᬓ᭄ᬢᬸᬢ᭄ᬚ᭄ᬮᬡ᭄ᬝᬶᬓ᭄ᬫᬗᬱ᭄ᬝᬯᬵ᭞ᬲᬂᬧᬡ᭄ᬥ᭄ᬬᬵᬫᬫᬸᬚᬵᬘᬢᬹᬃ᭞ᬳᬗ᭄ᬤᬵᬧᭀᬮᬶᬄᬫᬗᬢᬹᬭᬂ᭞ᬯᬲᬸᬄᬧ
ᬤ᭄ᬥᬵᬢᬶᬃᬢ᭄ᬣᬵᬚᬢᬷ᭞ᬭᬶᬂᬪᬝᬵᬭᬦ᭄ᬳᬶᬤᬵᬓᬢᬹᬃ᭞ᬧᬗᬲ᭄ᬢᬯᬵᬦ᭄᭞ᬫᬫᬸᬚᬵᬓᬃᬬ᭄ᬬᬵᬧᬫᭂᬗᬂ᭚ᬳᬶᬤᬵᬲᬋᬂᬫᬸᬚᬵᬫᬗ᭄ᬓᬶᬦ᭄᭞ᬭᬶᬂᬓᬃᬬ᭄ᬬᬵᬤᬶᬦᬵᬧᬫᭂᬗᬂ᭞ᬚᬫ᭄ᬤ᭄ᬮᬧᬦ᭄ᬗᬯᭂᬢᬂᬲᬫ᭄ᬧᬸᬦ᭄᭞ᬫᬸᬗ᭄ᬕᬄᬫᬸᬚᬵᬫᬸᬮᬂ
Kaca:Bali-lontar-gaguritan-bahligya-300ppi.pdf/26
Kaca puniki sampun kauji-wacén
