[᭗᭑ 71B]
᭗᭑
᭞ᬲᬓᬶᬢ᭄ᬧᬜ᭄ᬚᬶᬦᬾᬓᭀᬘᬧᬵ᭞ᬭᬤᬾᬦ᭄ᬤᬾᬯᬶ᭞ᬳᬫᬶᬗ᭄ᬲᬶᬗ᭄ᬕᬶᬄᬧ᭄ᬭᬤᬶᬧᬶᬲᬦ᭄᭟ᬓ᭄ᬜᬸᬂᬢ᭄ᬯᬄᬩᬕᬸᬲᬸᬫ᭄ᬩᬭᬵ᭞ᬭᬶᬂᬓᬤᬾᬳᬦ᭄ᬤᬦᬾᬲᬫᬶ᭞ᬚᬮᬦ᭄ᬓᭂᬫᬚᬦᬶᬳᭀᬚᭀᬕ᭄᭞ᬲᬶᬕ᭄ᬜᬦᬾᬫᬜᬮᬸᬓ᭄ᬕᬫ᭄ᬩᬸᬄ᭞ᬩ᭄ᬦᭂᬗᬦ᭄ᬜᬦᬾᬫᬧᬬᬲ᭄᭞
ᬧᬢᬶᬄᬫᬦ᭄ᬢ᭄ᬭᬶ᭞ᬳᬗᬶᬭᬶᬂᬓᬬᬸᬦ᭄ᬭᬳᬤ᭄ᬬᬦ᭄᭟ᬢᬸᬫᬸᬮᬶᬄᬫᬗ᭄ᬓᬶᬦ᭄ᬫᬫᬃᬕ᭄ᬕ᭞ᬲᬬᬦ᭄ᬳᬓᬾᬄᬯᭀᬂᬓᬧᬗ᭄ᬕᬶᬄ᭞ᬢᬫ᭄ᬧᭂᬓ᭄ᬭᬶᬂᬩᬜ᭄ᬘᬶᬗᬄᬋᬓᭀ᭞ᬭᬫᬾᬲᬲᭂᬦ᭄ᬤᭀᬦ᭄ᬓᬭᬸᬗᬸ᭞ᬗᬮᬶᬓᬮᬶᬓ᭄ᬤᬶᬩᬜ᭄ᬘᬶᬗᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬯᬸᬄᬫᬭᬶᬂᬧᬫ
ᬬᬲᬦ᭄᭟ᬕᬫ᭄ᬩᬸᬳᬾᬫᬗ᭄ᬓᬶᬦ᭄ᬫᬮ᭄ᬯᬭᬦ᭄᭞ᬳᬸᬮᬶᬤᬶᬩᬜ᭄ᬘᬶᬗᬄᬲᬫᬶ᭞ᬓᬧᭂᬫᬬᬲᬦ᭄ᬫᬗᭀᬚᭀᬕ᭄᭞ᬧᬘᬂᬬᬵᬫᬲᬮᬶᬦ᭄ᬕᭂᬮᬸᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬧᭂᬦ᭄ᬤᬓ᭄᭟ᬦᬸᬤᬶᬫᬃᬕ᭄ᬕᬶ᭞ᬳᬶᬗᬶᬭᬶᬂᬤᬾᬦᬶᬂᬓᬤᬾᬳᬦ᭄᭟ᬯᭀᬗ᭄ᬳᬗ
ᬫ᭄ᬩᬸᬂᬫᬦᬓᭀᬦᬂ᭞ᬤᬦᬾᬯᭀᬂᬧᬸᬦᬧᬶᬩ᭄ᬮᬶ᭞ᬧᬤᬵᬬᬫᬦ᭄ᬤᬕ᭄ᬫᬦᭀᬦ᭄ᬢᭀᬦ᭄᭞ᬲᬓᬶᬂᬩᬮᬶᬚ᭄ᬦᭂᬂᬳᬶᬧᬸᬦ᭄᭞ᬳᬤᬧᬺᬩᬮᬶᬦᬢᬲᬂ᭞ᬦᬶᬓᬕᬸᬲ᭄ᬢᬶ᭞ᬲᬓᬶᬂᬬᬾᬦ᭄ᬧᬸᬦᬧᬶᬧ᭄ᬭᬧ᭄ᬢᬵ᭟ᬓᬾᬦ᭄ᬭᬗ᭄ᬕᬵᬳᬮᭀᬦᬗᬸᬘᬧ᭄᭞
[᭗᭒ 72A]
᭗᭒
ᬢᬶᬢ᭄ᬬᬂᬲᬶᬚᬢᬶᬯᭀᬂᬩᬮᬶ᭞ᬦᬗ᭄ᬳᬶᬂᬯᭀᬂᬧᬧᬵᬢᬦ᭄ᬧᭂᬗ᭄ᬕᭀᬦ᭄᭞ᬫᬶᬮᬸᬳᬦᬓ᭄ᬫᬶᬮᬸᬳᬓᬸ᭞ᬫᬗᬚ᭄ᬭᬾᬗᬂᬫᬗ᭄ᬮᭂᬮᬯᬂ᭞ᬳᬦ᭄ᬢᬸᬓ᭄ᬫᬶᬲ᭄ᬓᬶᬦ᭄᭞ᬢᬦᬵᬤᬺᬯᬾᬕᬕ᭄ᬮᬸᬗ᭄ᬳᬵᬦ᭄᭟ᬲᬫᬶᬧᬸᬦ᭄ᬤᬾᬭᬾᬂᬧᬺᬢ᭄ᬬᬓ᭄ᬱᬵ᭞ᬦᬯᬶᬳᬶᬘᬵᬰ᭄ᬭᬶᬪᬸᬧᬢᬶ᭞ᬦᬫ᭄ᬧᬶ
ᬤᬾᬦᬶᬂᬕᬫ᭄ᬩᬸᬄᬓᬯᭀᬦ᭄᭞ᬯᭀᬂᬫᬢᬓᭀᬦ᭄ᬲᬯᬸᬃᬳᬮᬸᬲ᭄᭞ᬳᬶᬗ᭄ᬕᬶᬄᬤᬶᬭᬶᬓᬶᬳᬦ᭄ᬢᭀᬲᬂ᭞ᬢᬸᬃᬫᬫᬃᬕ᭄ᬕᬶ᭞ᬲᬂᬧ᭄ᬭᬪᬸᬓᬭᬶᬤᬶᬯ᭄ᬥᬮ᭄᭟ᬯᭀᬂᬫᬢᬸᬃᬫᭂᬦ᭄ᬤᬓᬦᭂᬫ᭄ᬩᬄ᭞ᬢᬶᬢ᭄ᬬᬂᬫᬢᬸᬃᬭᬶᬂᬦᬺᬧᬢᬶ᭞ᬬᬾᬦ᭄ᬳᬶᬘᬵᬋᬓᬾᬲᬂᬓᬢᭀᬂ᭞
ᬦᬫ᭄ᬧᬶᬧᬭᬵᬕᬶᬡᬵᬕᬫ᭄ᬩᬸᬄ᭞ᬓᭀᬘᬧ᭄ᬋᬓᬾᬫᬗ᭄ᬮᬮᬯᬂ᭞ᬲᬓᬶᬂᬩᬮᬶ᭞ᬢᬦ᭄ᬯᬾᬦ᭄ᬢᭂᬦ᭄ᬗᬯᬵᬕ᭄ᬮᬸᬗ᭄ᬳᬵᬦ᭄᭟ᬤ᭄ᬯᬾᬦᬾᬫᬗ᭄ᬓᬶᬦ᭄ᬓᬲ᭄ᬮᬂ᭞ᬓ᭄ᬭᬬᬦ᭄ᬕᭂᬕᬫ᭄ᬮᬦ᭄ᬲᬫᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬳᬮᭀᬦ᭄᭞ᬮᬶᬯᬢ᭄ᬲᬸᬓᬦᬾᬭᬶᬂᬓᬳ᭄ᬬᬸᬦ᭄
᭞ᬳ᭄ᬦᬄᬳᬶᬭᬵᬫᬲᬸᬓᬵᬬᬂ᭞ᬢᬸᬦ᭄ᬤᬾᬦ᭄ᬫᬳᬶ᭞ᬓᬢ᭄ᬧᬸᬓ᭄ᬢᭂᬓᬾᬦᬶᬂᬳᬶᬭᬵ᭟ᬓᬸᬤᬂᬤᬶᬭᬶᬢᭀᬚᬦ᭄ᬫᬜ᭞ᬦᭂᬫ᭄ᬩᭂᬮᬲᬶᬗ᭄ᬕᬶᬄᬦᬺᬧᬢᬶ᭞ᬦᬾᬳᬯᬸᬓᬸᬤ᭄ᬧᭂᬮᬾᬓ᭄ᬘᬸᬋᬓ᭄᭞ᬕᬸᬫᬸᬬᬸᬲᬶᬭᬲᬂᬧ᭄ᬭᬪᬸ᭞ᬯᭀᬂᬫᬢᬸᬃᬳᬫᬶᬢ᭄ᬮᬸᬫᬫ᭄ᬧᬄ
