[᭓᭖ 36B]
᭓᭖
ᬗᬶᬩᭂᬃᬲᬯᬢ᭄ᬤᬶᬕᬕᬡ᭞ᬉᬮᬶᬓᬯᬸᬄᬩ᭄ᬦᭂᬄᬓᬗᬶᬦ᭄᭞ᬫᬶᬍᬳᬦ᭄ᬫᬜᬫ᭄ᬩᬗᬶ᭠ᬦ᭄᭞ᬢ᭄ᬯᬄᬢᭀᬲᬂᬓᬵᬮᬭᬳᬸ᭞ᬳᬧᬸᬗ᭄ᬕᬮᬦ᭄ᬦᬸᬯᬭᬲ᭄᭞ᬢ᭄ᬯᬭᬓᬃᬯ᭄ᬯᬦ᭄ᬗᭂ᭠
ᬮᬄᬧᬸᬭᬶ᭞ᬲᬳᬶᬢᬸᬬᬸᬄ᭞ᬍᬫᭂᬂᬍᬫᬄᬤᬶᬅᬫ᭄ᬩᬭ᭟ᬫᬜᬤᬂᬳ᭄ᬬᬂᬲᬹᬃᬬ᭄ᬬᬘᬡ᭄ᬤᭂᬳ᭞ᬩᬕᬸᬲ᭄ᬤ᭄ᬬᬃᬱᬗᬸᬦ᭄ᬢᬲ᭄ᬭᬭᬶᬲ᭄᭞ᬮᬸᬫᬫ᭄ᬧᬄᬢᭂᬧᭂᬂᬗᬯᬸᬳᬂ᭞ᬓᬢᭀ
ᬦ᭄ᬕᬸᬦᬸᬂᬕᬸᬦᬸᬂᬲᬫᬶ᭞ᬳᬯᬸᬦᬯᬸᬦᬜᬧᬸᬢᬶᬦ᭄᭞ᬧᬫᬃᬕ᭄ᬕᬶᬦᬾᬲᬬᬦ᭄ᬢᬸᬯᬸᬦ᭄᭞ᬫᬍᬫ᭄ᬧᭂᬂᬧᬸᬘᬓ᭄ᬧᬃᬯ᭄ᬯᬢ᭞ᬢ᭄ᬓᬭᬶᬂᬲᬸᬓᬸᬦᬶᬂᬕᬶᬭᬶ᭞ᬢᬶᬲ᭄ᬢᬶᬲᬫᬸᬦ᭄᭞ᬓ᭠
ᬢᭀᬦ᭄ᬳᬭᬄᬳᬭᬄᬤᬾᬰ᭟ᬓᬓᬬᭀᬦᬾᬲᬫᬶᬢᬶᬗ᭄ᬕᬃ᭞ᬩᬕᬸᬲ᭄ᬤ᭄ᬬᬃᬱᬢ᭄ᬥᬸᬦ᭄ᬭᬭᬶᬲ᭄᭞ᬮᬸᬫᬫ᭄ᬧᬄᬳᬦᬧᬓ᭄ᬤᬭᬢ᭄᭞ᬢ᭄ᬓᭂᬤ᭄ᬤᬶᬭᬯᬸᬓᬧᬗ᭄ᬕᬶᬄ᭞᭠
[᭓᭗ 37A]
ᬓᬸᬫ᭄ᬧᬸᬮ᭄ᬮ᭄ᬬᬸᬘ᭄ᬦᬶᬓ᭄ᬘᭂᬦᬶᬓ᭄᭞ᬗ᭄ᬩᭂᬓᬶᬦ᭄ᬭᭂᬦ᭄ᬤᬂᬫᬢᬫ᭄ᬩᬸᬦ᭄᭞ᬲᭀᬭᭀᬄᬦᭂᬗᬗᭀᬦ᭄ᬲᬫ᭄ᬬᬦ᭄᭞ᬦᬫ᭄ᬩᬸᬲ᭄ᬳᬸᬩᬶᬚᬕᬸᬂᬓ᭄ᬮᬤᬶ᭞ᬫ᭄ᬯᬦᬶᬮᬸᬄ᭞ᬫᬦᬩᬸᬦ᭄ᬫᬦᬸ᭠
ᬦᬸᬩᬮᬂ᭟ᬳᬤᬳ᭄ᬮᬾᬦ᭄᭞ᬲᭀᬭᭀᬄᬦᬾᬫᬦᬸᬗ᭄ᬕᬸᬲᬫᬶ᭞ᬗᭂᬗ᭄ᬓᬮ᭄ᬗᬤᬸᬂᬤᬶᬭᬭᬗ᭄ᬕᭀᬦ᭄ᬳᬤᬮᬾᬦ᭄ᬤᭂᬫᭂᬦ᭄ᬫᬜᬸᬮᬶᬂ᭞ᬳᬤᬗᬸᬮ᭄ᬓᬸᬮ᭄ᬫ
ᬜᬸᬗ᭄ᬓᭂᬮᬶᬓ᭄᭞ᬳᬤᬫᬜᬶᬧᬤᬶᬭᬯᬸ᭞ᬮᬸᬄᬫ᭄ᬯᬦᬶᬫᬭᬾᬭᭀᬤ᭄᭞ᬳ᭠ᬤᬦ᭄ᬕᭂᬦ᭄ᬜᬸᬳᬦ᭄ᬗᬸᬦ᭄ᬤᬶᬢ᭄᭞ᬗᬩᬢᬶᬬᬸᬓ᭄᭞ᬫᬦᬾᬢᬾᬂᬤᬤᬄᬓᬮᭀᬗ᭄ᬓᬂ᭟ᬳᬶ
ᬩᬕᬸᬲ᭄ᬤ᭄ᬬᬃᬱᬫᬚᬮᬦ᭄᭞ᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬳᬩ᭄ᬬᬜ᭄ᬘᬭᬶᬓ᭄᭞ᬮᬶᬯᬢ᭄ᬭᬶᬂᬋᬦ᭄ᬤᬂᬧᬕᬕᬦ᭄᭞ᬲᬲᬸᬧᬚᬮᬦᬾᬕ᭄ᬮᬶᬲ᭄᭞ᬢᬦ᭄ᬳᬸᬘᬧᬦ᭄ᬤᬶᬫᬃᬕ᭄ᬕᬶ᭞ᬮᬶᬗ᭄ᬲᬶᬃᬢ᭄ᬓᭂᬤ᭄ᬚᬸᬫᬄ
