Kaca:Bali-lontar-gaguritan-bagus-diarsa-350ppi.pdf/15

Saking Wikisource
Kaca puniki sampun kauji-wacén

[᭑᭔ 14B]
᭑᭔
ᬤᬶᬢ᭄ᬕᬮᬾᬓᬸᬫ᭄ᬧᬸᬮ᭄ᬲᬫᬶ᭞ᬫᬓ᭄ᬚᬂᬜᬶᬮᬧᬶᬦ᭄ᬤᬫᬸᬄ᭞ᬮᬾᬦ᭄ᬤᬶᬫᬸᬜ᭄ᬘᬸᬓ᭄ᬳ᭠ᬫ᭄ᬩᭂᬗᬦ᭄᭞ᬮᬾᬦ᭄ᬳᬢ᭄ᬫᬭᬭᬾᬓᬧᬗ᭄ᬕᬶᬄ᭞ᬢᬸᬯᬶᬫᬮᬮᬸᬂ᭞ᬧᬘ᭄ᬭᬾᬘᬾᬢ᭄ᬧ
ᬥᬫᬦᬫ᭄ᬧ᭟ᬓᬳᬸᬫᬩᬸᬮᬸᬫᬓ᭄ᬚᬂ᭞ᬮᬾᬦ᭄ᬳᬤᬳᬢ᭄ᬫᬓᬧᬗ᭄ᬕᬶᬄ᭞ᬩᬢᬦ᭄ᬫᬤᬸᬭᬶᬦᬾᬦ᭄ᬕᬓ᭄᭞ᬲ᭄ᬤᬶᬄᬫᬲᬫ᭄ᬩᬢᬦ᭄ᬗᭂᬮᬶᬂ᭞ᬳᬯᬓ᭄ᬓ᭄ᬭᬧᬬᬄᬳᬭᬶᬕ᭄᭞᭠
ᬫᬢᬧ᭄ᬭᭀᬓ᭄ᬩᬢᬶᬲ᭄ᬲᬩᬸᬄ᭞ᬫᬫᬸᬜᬶᬧᬢᬶᬳᬫᬾ᭞ᬗᬸᬤᬓᬾᬦᬾ᭠ᬤᬾᬯᬕᬸᬲ᭄ᬢᬶ᭞ᬩ᭄ᬗᬾᬓ᭄ᬕᬳᬸᬂ᭞ᬲ᭄ᬯᬾᬢᬶᬢ᭄ᬬᬂᬓᬲᬓᬶᬢᬦ᭄᭟ᬦᬦ᭄ᬤᬗᬶᬦ᭄ᬧᬜ᭄ᬘ᭠
ᬲᬗ᭄ᬲᬭ᭞ᬳᬶᬗᭂᬢ᭄ᬢᬶᬢ᭄ᬬᬂᬲᬦᬾᬭᬶᬳᬶᬦ᭄᭞ᬤᬸᬓᬾᬦᬸᬤᬶᬫᬺᬘ᭄ᬙᬧᬥ᭞ᬳᬤᬢᭀᬗ᭄ᬮᬄᬳᬓᬶᬓᬶᬢ᭄᭞ᬲᬦ᭄ᬢᬦᬚᬦᬶᬳᬫ᭄ᬩᬸᬓ᭄ᬢᬶ᭞ᬩᬸᬓᬢ᭄ᬯᬭᬗ᭄ᬮᬄᬳᬶᬩᬸᬓ᭄᭞᭠

[᭑᭕ 15A]
ᬕᬸᬫᬭᬶᬲᬶᬦ᭄ᬗᬯᬾᬦᬂ᭞ᬫ᭄ᬩᬸᬩᬸᬳᬂᬧᬸᬜ᭄ᬚᬸᬂᬳᬓᬶᬓᬶᬢ᭄᭞ᬩᬲ᭄ᬓᬤᬸᬭᬸᬲ᭄᭞ᬓᬢᬸᬗ᭄ᬓᬸᬮᬦ᭄ᬮᬾᬦ᭄ᬧᬗ᭄ᬭᬱ᭟ᬫᬦᬸᬢᬸᬓᬶᬦ᭄ᬓᬯᬶᬲᬬᬦ᭄᭞ᬳᬤᬮᬾᬦ᭄ᬳᬢ᭄ᬫᬓᬧᬗ᭄ᬕᬶᬄ᭞
ᬫᬩᬺᬤ᭄ᬲᬓᬾᬂᬫᬺᬘ᭄ᬙᬧᬥ᭞ᬮ᭄ᬬᬸᬫᬭᬾᬭᭀᬤ᭄ᬮᬸᬄᬫ᭄ᬯᬦᬶ᭞ᬲᬸᬯᬸᬤ᭄ᬫᬩᬸᬓᬸᬃᬲ᭠ᬫᬶ᭞ᬕᬕᬯᬾᬦᬾᬲᬃᬯ᭄ᬯᬮ᭄ᬬᬸ᭞ᬕᬸᬮᬶᬂᬉᬦ᭄ᬢᭂᬓ᭄ᬮᬾᬜ᭄ᬚᬚ᭞ᬧᬥᬦ᭄ᬕᭂᬦ᭄ᬜᬸᬳᬸᬦ᭄ᬜᬗ᭄ᬓᬶ᭠
ᬮ᭄᭞ᬳᬸᬲᬦ᭄ᬳᬶᬩᬸᬓ᭄᭞ᬇᬥᭂᬧᬾᬓᬮᬶᬦ᭄ᬢᬂᬍᬕ᭟ᬳ᭄ᬢᬶᬲ᭄ᬳᬾᬫ᭄ᬩᭀᬦ᭄ᬗᬸᬗ᭄ᬲᬶᬰ᭄ᬯᬃᬕ᭄ᬕᬦ᭄᭞ᬩ᭄ᬯᬶᬦ᭄ᬳᬫᬦᬾᬦ᭄ᬭᬓᬲᬫᬶ᭞ᬮ᭄ᬬᬸᬘᬋᬫ᭄ᬜᬤᬂᬤᬶᬚᬮᬦ᭄᭞ᬳᬜᬸᬤ᭄ᬳᬢᬶ
ᬦᬾᬢᬦ᭄ᬲᬶᬧᬶ᭞ᬗ᭄ᬦᭀᬢ᭄ᬳᬦᬓᬾᬧᬗ᭄ᬕᬶᬄ᭞ᬗᭂᬦ᭄ᬜᬗ᭄ᬓᬶᬮ᭄ᬳᬤᬜᬸᬯᬸᬦ᭄᭞ᬫ᭠ᬯᬤᬄᬢᬫᬲ᭄ᬳᭂᬦ᭄ᬢᬮ᭄᭞ᬫᬫᬸᬜᬶᬳᬮᬸᬲ᭄ᬜᬧᬢᬶᬦ᭄᭞ᬤᬾᬯᬭᬢᬸ᭞ᬢᬶᬢ᭄ᬬᬂ