Kaca:Bali-lontar-gaguritan-bagus-diarsa-02-400ppi.pdf/40

Saking Wikisource
Kaca puniki sampun kauji-wacén

[᭓᭙ 39B]
᭓᭙
ᬲᬶᬗ᭄ᬕᬶᬄ᭞ᬳᬶᬧᬸᬦᬾᬳᬦᬓ᭄ᬳᬶᬕᬸᬲ᭄ᬢᬶ᭞ᬩᬕᬸᬲ᭄ᬤ᭄ᬬᬵᬃᬱᬳᬫᬸᬯᬸᬲ᭄᭞ᬫᬩᬶᬲᬶᬓ᭄ᬭᬶᬂᬲᬦᬾᬳ᭄ᬮᬸᬄ᭞ᬢ᭄ᬮᬲ᭄ᬲᬫᬶᬓᬧᬚᬭᬂ᭞ᬦᬶᬲᬸᬤᬵᬚ᭄ᬜᬡᬕᬸᬫᬸᬬᬸ᭞ᬮ᭄ᬬᬗᬾᬓᬧ᭄ᬭᬩᬵ
ᬜ᭄ᬘᬶᬢᬵ᭞ᬢᬸᬫᬸᬮᬶᬭᬭᬶᬲ᭄ᬳᬗᬸᬘᬧ᭄᭟ᬧᬸᬦᬶᬓᬵᬧᬸᬦᬧᬶᬕᬸᬲ᭄ᬢᬶᬩᬕᬸᬲ᭄᭞ᬦᬾ᭠ᬤᬶᬢᬓᬶᬮᬦ᭄᭞ᬳᬶᬩᬕᬸᬲ᭄ᬤ᭄ᬬᬵᬃᬱᬜᬯᬸᬭᬶᬦ᭄᭞ᬧᬳᬶᬘᬦ᭄ᬲᬂᬳ᭄ᬬᬂᬕᬸᬭᬸ᭞ᬧ
ᬘᬂᬢᭀᬄᬲ᭄ᬬᬧᬾᬩᬳᬸ᭞ᬢᬸᬫᬸᬮᬶᬭᬭᬶᬲ᭄ᬓᬕᬄᬕᬄ᭞ᬓᬢᭀᬦ᭄ᬫᬶᬭᬄᬫᬡᬶᬓ᭄ᬮᬶᬬᬸ᭞ᬧᬓᬜ᭄ᬘᭀᬭᭀᬢ᭄‌ᬕ᭄ᬤᬾᬫ᭄ᬮᬄ᭞ᬧᬦ᭄ᬢᭂᬲ᭄ᬢ᭄ᬯᬄᬧᬗᬗ᭄ᬕᭀᬦ᭄ᬭᬚᬵ᭟ᬦᬶᬲᬸ
ᬤᬵᬚ᭄ᬜᬡᬭᬭᬶᬲ᭄ᬳᬫᬸᬯᬸᬲ᭄᭞ᬕᬸᬲ᭄ᬢᬶᬫᬳᬚᭂᬗᬦ᭄᭞ᬓᬾᬦᬾᬧᬶᬦᬄᬲᬵᬫ᭄ᬧᬸᬦ᭄ᬮᬶᬗ᭄ᬰᬶᬃ᭞ᬩᬕᬸᬲ᭄ᬤ᭄ᬬᬵᬃᬱᬳᬫᬸᬯᬸᬲ᭄᭞ᬓ᭄ᬫᬵᬓᬾᬤᬩ᭄ᬥᬩᬂᬫᬮᬸ᭞ᬦᬾᬳᬶ᭠

[᭔᭐ 40A]
ᬲ᭄ᬢ᭄ᬭᬶᬭᬭᬶᬲ᭄ᬫᬚᬮᬦ᭄᭞ᬓᬧᬯᭀᬦ᭄ᬫᬰᭀᬤᬵᬳᬶᬚᬸ᭞ᬧᬸᬧᬸᬢ᭄ᬫᬫᭂᬲ᭄ᬯᬂᬤᬳᬃ᭞ᬩᬕᬸᬲ᭄ᬤ᭄ᬬᬵᬃᬱᬫᬚᭂᬗᬦ᭄᭟ᬢᬸᬫᬸᬮᬶᬭᬭᬶᬲ᭄ᬯᬸᬲᬦ᭄ᬫᬜᭂᬓᬸᬮ᭄᭞ᬢᬦ᭄ᬓᭀᬘ
ᬧᬫᬂᬓᬾ᭞ᬳᬬᬫᬾᬲᬳᬶᬳᬸᬦᬶᬗᬶᬦ᭄᭞ᬢᬦ᭄ᬢᭂᬮᬕ᭄ᬦᬗ᭄ᬓᭂᬦ᭄ᬤᬮᬸ᭞ᬩᬸᬭᬵᬢ᭄ᬯᬗᬶᬤᬸᬧᬵᬳᬭᬹᬫ᭄᭞ᬓᬳᬸᬗ᭄ᬕᬳᬂᬤᬶᬤᬗ᭄ᬓᬶᬸᬗ᭄ᬕᬳᬾ᭞ᬳᬤᬵᬲᬸᬩᬵᬲ᭄ᬬᬤᬮᬸ
᭞ᬲᬕᬾᬢᬦ᭄ᬢᭂᬓᬵᬳᬢᬕᬦ᭄᭞ᬳᬧᬂᬫᬗᬤᬸᬓᬤᬾᬰ᭟ᬧᬗᬦ᭄ᬤᬶᬓᬦ᭄ᬤᬦᬾᬕᬸᬲ᭄ᬢᬶᬳᬕᬸᬂ᭞ᬢᭀᬄᬜᬦᬾᬯᬯᬶᬤᬾᬦ᭄᭞ᬫᬗᬾᬦᬓᬶᬦ᭄ᬓᬬᬸᬦ᭄ᬕᬸᬲ᭄ᬢᬶ᭞
ᬳᭂᬦ᭄ᬢᭀᬕᬸᬲ᭄ᬢᬶᬯᬶᬪᬹᬄ᭞ᬗᭀᬤᬕᬂᬲᬓᭂᬫ᭄ᬩᬂᬢᬳᬸᬦ᭄᭞ᬭᬶᬂᬦᬵᬕᬭᬲᬸᬭᬓᬫᬵ᭞ᬚᬦᬶᬓᭀᬘᬧ᭄ᬕᬸᬲ᭄ᬢᬶᬳᬕᬸᬂ᭞ᬲᬫ᭄ᬧᬸᬦ᭄ᬓᬚᬩᬵᬫᬓᬼᬘᬦ᭄᭞᭠

Kapolihang saking "https://ban.wikisource.org/w/index.php?title=Kaca:Bali-lontar-gaguritan-bagus-diarsa-02-400ppi.pdf/40&oldid=21900"