[᭒ 2B]
᭒
ᬲᬸᬕᬶᬄᬗ᭄ᬮᬄᬮ᭄ᬬᬸ᭞ᬳᬧᬗᬵᬳᭀᬜᬫᬲᬦ᭄ᬥᬵ᭞ᬩᬕᬸᬲ᭄ᬤ᭄ᬬᬃᬱᬢ᭄ᬯᬭᬓᬾᬗ᭄ᬕᬸᬄ᭞ᬲᬳᬶᬓ᭄ᬦᭂᬳᬾᬓᬍᬕᬦ᭄᭞ᬓᬘᬶᬭᬾᬦᬶᬦ᭄ᬩᬦ᭄ᬪᬝᬵᬭ᭟ᬘᬭᬶᬓ᭄ᬳᬩ᭄ᬬᬦ᭄ᬳᬶᬲᬶᬦ᭄ᬳᬸᬫᬄ
ᬜᬫᬸᬢ᭄᭞ᬫᬳᬤᭀᬮ᭄ᬫᬲᬦ᭄ᬤᬵ᭞ᬢᭀᬂᬤᬸᬲᬶᬦ᭄ᬚᬦᬶᬗᬮᬶᬲ᭄ᬢᬶᬂ᭞ᬩᬩᭀᬢᭀᬄᬧᬥᬘᬸᬫ᭄ᬧᬸ᭞ᬗᬶᬕᬸᬫᬂᬤᬬᬦᬾᬩᬶᬮᬸᬓ᭄᭞ᬮᬾᬦ᭄ᬧᬘᬤᬶᬩᬩᬸᬮᬗᬦ᭄᭞ᬫᬗ
ᬩᬬᬂᬢᬚᬶᬢ᭄ᬮᬸᬂ᭞ᬦᬸᬮᬸᬂᬲ᭄ᬬᬧ᭄ᬩᬳᬦ᭄ᬢᬸᬩᬵ᭞ᬳᬤᬵᬫᬮᭀᬮᭀᬗᬶᬦ᭄ᬲᬶᬬᬧ᭄᭟ᬘᬭᬶᬓ᭄ᬳᬩ᭄ᬬᬦ᭄ᬳᬶᬲᬶᬦ᭄ᬳᬸᬫᬄᬜᬫᬸᬢ᭄᭞ᬲᬢᬢᬵᬓᬍᬕᬦ᭄᭞ᬓᬦᬶᬲ᭄ᬓᬵᬮᬦᬾᬓ
ᬢᭀᬢᬶᬦ᭄᭞ᬳᬯᬓᬾᬧᬬᬸᬭᬸᬢ᭄ᬭᬸᬢ᭄᭞ᬓᬭᭀᬤᬶᬳᬯᬓ᭄ᬗᬍᬦ᭄ᬢᬸᬓ᭄᭞᭠ᬢᬦᬶᬦ᭄ᬮᬄᬧᬭᬦ᭄ᬲᬶᬭᬵ᭞ᬦᬶᬲᬸᬤᬚ᭄ᬜᬡᬓᬯᬸᬯᬸᬲ᭄᭞ᬢ᭄ᬯᬭᬵᬗ᭄ᬮᬄᬲ᭄ᬩᭂᬢ᭄ᬫᬦᬄ᭞ᬧᬕᭂᬄ
[᭓ 3A]
ᬫᬗᬶᬲᬶᬓ᭄ᬳᬲᬢ᭄ᬬᬦ᭄᭟ᬚᬦᬶᬲᬸᬩᬵᬓᬮᬶᬯᬢᬶᬂᬗᭂᬢᬸᬄ᭞ᬫᬭᬵᬫᬳᬗ᭄ᬓᬸᬳᬦ᭄᭞ᬓ᭄ᬦᭂᬳᬾᬫᬗᬸᬢᬶᬓᬸᬢᬶᬓ᭄᭞ᬫᬦᬗ᭄ᬕᬧ᭄ᬳᬸᬧᬄᬦᬸᬦᬸᬦ᭄᭞ᬲᬓᬵᬕᬶᬦᬦ᭄ᬳᬦᬓ᭄ᬳᭂᬮᬸᬄ᭞ᬫ
ᬲᬶᬄᬧᭀᬮᬶᬄᬳᬲᬫ᭄ᬩᭂᬓᬦ᭄᭞ᬗᬢᭂᬧᬸᬓᬶᬦ᭄ᬦᬲᬶᬚᬸᬓᬸᬢ᭄᭞ᬫᬗᬤᬬᬂᬳᭀᬯᬦᬓ᭄ᬲᭀᬫᬄ᭞ᬳᬧᬂᬧᬬᬸᬫᬓᬶᬜᬸᬓᬦ᭄᭟ᬓᬲ᭄ᬯᬾᬦ᭄ᬲ᭄ᬯᬾᬦ᭄ᬚᬦᬶᬓᬯᬸᬯᬸᬲ᭄᭞ᬢᬢ
ᬚᬾᬦ᭄ᬭᬶᬂᬤᬾᬰ᭞ᬮᬮᬓᭀᬦ᭄ᬫᬳᬘᬶᬳᬘᬶ᭞ᬯᬯᬶᬤᬾᬦ᭄ᬳᬦᬓ᭄ᬳᬕᬸᬦ᭄᭞ᬳᬸᬭᬦ᭄ᬫᭂᬢᭀᬄᬮ᭄ᬬᬸᬮ᭄ᬬᬸ᭞ᬩᬕᬸᬲ᭄ᬤ᭄ᬬᬃᬱᬓᭀᬘᬧ᭞ᬤᬶᬚᬸᬫᬄᬫ᭄ᬤᭂᬫ᭄ᬫᬮᬶᬗ᭄ᬓᬸᬄ᭞ᬩᬦᬾᬢ᭄ᬯ
ᬭᬗ᭄ᬮᬄᬕ᭄ᬮᬃ᭞ᬫᬓᬩᬸᬦ᭄ᬫᬫᬢᬶᬳᬯᬓ᭄᭟ᬦᬶᬲᬸᬤᬵᬚ᭄ᬜᬡᬓᬯ᭄ᬭᬸᬳᬶᬂᬲ᭄ᬫᬸ᭞ᬢ᭄ᬓᬵ᭠ᬧᬢ᭄ᬮᬳᬦ᭄᭞ᬫᬫᬸᬜᬶᬳᬮᬸᬲ᭄ᬦᬗᬶᬦᬶᬦ᭄᭞ᬫᬳᬗᬶᬩ᭄ᬮᬶᬩᬕᬸᬲ᭄᭞ᬗᬸᬤᬵᬫᬲ
