[᭑ 1B]
᭑
᭚᭐᭚ᬅᬯᬶᬖ᭄ᬦᬫᬲ᭄ᬢᬸ᭚᭐᭚ᬲᬶᬦᭀᬫ᭄᭚᭐᭚ᬇᬲᭂᬂᬚᬸᬫᬄᬧ᭄ᬢᭂᬂᬍᬫᬄ᭞ᬫᬗᬗ᭄ᬕᬸᬃᬢ᭄ᬯᬭᬵᬩᬦᬶ᭞ᬫᬓᬶᬤᬸᬗᬦ᭄ᬕᬦ᭄ᬤᬂᬕᬦ᭄ᬤᬂ᭞ᬗᬫᬾᬳᬫᬾᬦᬾᬤ᭄ᬫᭂᬦᬶᬦ᭄᭞ᬫᬜᬸᬲᬸᬧ᭄ᬫᬗᬯᬾᬧᬮᬶᬂ᭞ᬲᬭᬸᬲᬭᬸᬯᬂᬩᬦ᭄ᬓᬶᬤᬸᬂ᭞ᬓᬢᬸᬚᬸᬳᬦᬵᬦᬸ᭠
ᬦ᭄ᬤᬾᬦᬂ᭞ᬫᬦᬸᬭᬸᬦ᭄ᬲᬢ᭄ᬯᬵᬳᬓᬶᬤᬶᬓ᭄᭞ᬓᬓᬶᬤᬸᬗᬦ᭄ᬫᬵᬫᬯᬲ᭄ᬢᬵᬳᬗ᭄ᬕᬲ᭄ᬢ᭄ᬬᬧᬃᬯ᭄ᬯᬵ᭟ᬓᬸᬤᬸᬩᬳᬦ᭄ᬫᬦᬸᬗ᭄ᬓᬲᬂ᭞ᬳᬧᬂᬲᬶᬤᬵᬲᬳᬶᬦᬸᬮᬶᬲ᭄᭞ᬤᬾᬦᬶᬂᬓᬩᬢᭂᬓ᭄ᬧᬶᬢᬺᬱ᭄ᬡᬵ᭞ᬳᬧᬂᬫᬮᬶᬄᬳᬤᬵᬘᬶᬭᬶ᭞ᬲᬶᬤᬵᬩᬳᬦ᭄ᬫᬗ᭄ᬮᬫ᭄ᬧᬳᬶᬦ᭄᭞ᬗᬶᬂ
ᬳᬫ᭄ᬧᬸᬭᬵᬲᬲ᭄ᬢ᭄ᬭᬵᬩᬦ᭄ᬥᬸᬂ᭞ᬲᬮᬄᬧᬲᬂᬢᭂᬫ᭄ᬩᬂᬓᬶᬢᬮ᭄᭞ᬳᬲᬶᬂᬫ᭄ᬩᬯᭀᬲ᭄ᬗ᭄ᬯᬄᬳᬸᬯᬸᬳᬶᬦ᭄᭞ᬢ᭄ᬮᬸᬓᭀᬘᬧ᭄ᬦᬾᬤᬤ᭄ᬯ᭞ᬢᭀᬂᬤᬤᬶᬩᭂᬮᬲ᭄᭟ᬦᬾᬳᬩ᭄ᬲᬶᬓᬫᬦᬸᬤᬸᬳᬂ᭞ᬢᬶᬗ᭄ᬓᬄᬚᬤ᭄ᬫᬦᬾᬦᬸᬫᬤᬶ᭞ᬲᬗ᭄ᬓᬦ᭄ᬳᬤᬵᬚᭂᬮᬾᬫ᭄ᬮᬄ᭞ᬲᬂ
ᬧᬡ᭄ᬥᬶᬢ᭄ᬣᬵᬫᬶᬦᬓᬤᬶ᭞ᬦᬸᬤᬸᬄᬯᬶᬢ᭄ᬭᬦᬾᬲᬫᬶ᭞ᬫᬗ᭄ᬭᬕᬬᬂᬧᬲᬸᬓ᭄ᬯᭂᬢᬸ᭞ᬉᬧ᭄ᬢᬶᬲ᭄ᬢᬶᬢᬶᬧ᭄ᬭᬵᬮᬶᬦᬵ᭞ᬦᬵᬗ᭄ᬳᬶᬂᬫᬵᬤᬓ᭄ᬱᬶᬡ᭄ᬦᬲᬫᬶ᭞ᬧᬤᬵᬫᬦᬸᬢ᭄ᬦᬶᬲ᭄ᬢᬵᬫᬥ᭄ᬬᬵᬫ᭄ᬯᬂᬉᬢᬫ᭄ᬫᬵ᭟ᬤᬶᬢᬸᬫᬵᬗᬮᬶᬄᬧᬯᬓᬦ᭄᭞ᬳᬧᬂᬓᬃᬯ᭄ᬯᬦ᭄
[ ᭒ 2A]
ᬫᭂᬲᭀᬃᬲᬶᬗ᭄ᬕᬶᬄ᭞ᬤᬵᬢᬓᬸᬢ᭄ᬧᬘᬂᬓᬩᬾᬬᬦ᭄᭞ᬤᬸᬮᬸᬭᬶᬦ᭄ᬧᬶᬢᬺᬱ᭄ᬡᬦ᭄ᬲᬸᬩᬓ᭄ᬢᬶ᭞ᬭᬶᬂᬳᬶᬤᬵᬲᬂᬫᬗ᭄ᬯᬾᬤᬳᬶᬦ᭄᭞ᬢᭀᬂᬦᬸᬕᬵᬫᬗ᭄ᬕᬸᬄᬭᬳᬬᬸ᭞ᬦᬾᬓᭀᬳᬤᬵᬳᬶᬫ᭄ᬩᬜᬵ᭞ᬦᬾᬦᬾᬢ᭄ᬯᬭᬵᬫᬦᬸᬢ᭄ᬳᬶᬦ᭄ᬤᬶᬓ᭄᭞ᬧᬢᬶᬓᬘᬸᬄᬩ
ᬦ᭄ᬜᬮᬦᬂᬳᬸᬧᬵᬓᬭᬵ᭟ᬬᬦ᭄ᬭᬶᬂᬢᬚᬂᬲᬾᬓᭂᬢ᭄ᬧᬢ᭄ᬧᬢ᭄᭞ᬦᬵᬗᬶᬂᬫ᭄ᬥᬓ᭄ᬱᬶᬦᬦ᭄ᬫᬸᬜᬶ᭞ᬢᭂᬓᬾᬦᬶᬂᬢᭀᬬᬵᬧᬗᭂᬦ᭄ᬢᬲ᭄᭞ᬫᬮᬶᬄᬫ᭄ᬤᬓ᭄ᬱᬶᬦᬦ᭄ᬫᬸᬜᬶ᭞ᬳᭂᬦ᭄ᬢᭀᬤᬶᬚᬵᬭᬸᬭᬸᬄᬳᬮᬶᬄ᭞ᬢᬸᬫᬶᬢᬶᬲᬦᬾᬭᬳᬬᬸ᭞ᬢᭀᬓᬳᬶᬘᬾᬦ᭄ᬳᬯᬓ᭄᭞
ᬧᬺᬮᬶᬦᬦᬶᬂᬲᬃᬯ᭄ᬯᬧ᭄ᬭᬡ᭄ᬦᬶ᭞ᬓ᭄ᬭᬦᬵᬢᬸᬫ᭄ᬩᬸᬄ᭞ᬮ᭄ᬬᬸᬫᬧᬾᬮᬕ᭄ᬧᬾᬮᬕᬦ᭄᭟ᬲᬮ᭄ᬯᬶᬭᬶᬂᬫᬤᬦ᭄ᬘᭀᬤᬗ᭄ᬕᬵ᭞ᬲᬓᬶᬂᬧᬵᬕᬯᬾᬦᬾᬗᬸᬦᬶ᭞ᬲᬾᬗ᭄ᬓᭀᬓ᭄ᬕᭀᬦ᭄ᬤᭀᬂᬩ᭄ᬯᬶᬦ᭄ᬗᭀᬦ᭄ᬢᬓ᭄᭞ᬓᭀᬧᬶᬂᬧ᭄ᬭᬸᬢ᭄ᬩᬶᬩᬶᬄᬘᬸᬗᬶᬄ᭞ᬚᬸᬕᭂᬤ᭄ᬮᬶᬫᬦᬾᬤᬶᬫ᭄ᬧᬶᬮ᭄
᭞ᬢᭀᬧᬮᬜᬵᬲᬮᬄᬳᬸᬓᬸᬃ᭞ᬢᬶᬗ᭄ᬓᬳᬾᬗᬸᬧᬵᬓᬭᬵ᭞ᬩᬓᬢ᭄ᬯᬤᬳᬾᬩ᭄ᬬᬦᬶᬦ᭄᭞ᬢ᭄ᬯᬭᬵᬢᬳᬸᬧᬶᬢ᭄ᬭᬦᬾᬳᬗ᭄ᬕᭀᬦ᭄ᬲᬫ᭄ᬩᬶᬮᬦ᭄᭟ᬳᬢᬸᬢ᭄ᬗᬢᬸᬭᬂᬤᬓ᭄ᬱᬶᬦᬵ᭞ᬗᬚᬓ᭄ᬲᭀᬫᬄᬧ᭄ᬬᬦᬓ᭄ᬘᭂᬦᬶᬓ᭄᭞ᬫᬢᬶᬫ᭄ᬧᬸᬄᬫᬦᬸᬦᬲ᭄ᬳᬶ
Kaca:Bali-lontar-gaguritan-bagus-anggastya-300ppi.pdf/2
Kaca puniki kavalidasi
