[᭑᭖16B]
ᬗᭂᬢᬶᬦ᭄ᬕᬕᬫᬦ᭄᭞ᬫᬳᬾᬩᬢ᭄ᬮᬾᬦ᭄ᬫᬢᬦ᭄ᬤᬶᬂ᭞ᬲᬲᬬᬸᬢ᭄ᬍᬫ᭄ᬩᬭᬦ᭄᭞ᬦᬶᬃᬪᬬᬧᬹᬃᬡ᭄ᬦᬚᬶᬯ᭞ᬧᭂᬧᭂᬓ᭄ᬳᬸᬯᬸᬄᬲᬫ᭄ᬩᬸᬢ᭄ᬳᬸᬭᬶᬧ᭄᭞ᬮᬾᬦ᭄ᬧᬗᬫ᭄ᬩᬾᬬᬦ᭄᭞ᬩ᭄ᬬᬓᬯᭀᬦᬾᬢᬦ᭄ᬓᬭᬶ᭟ᬧᬓᬳᬸᬕ᭄ᬢᬕ᭄ᬳᬶ
ᬘᬸᬭᬶᬓ᭄ᬩᬢᬦ᭄ᬲᭀᬓ᭄ᬧᬤᬓ᭄᭞ᬚᭂᬚᭂᬄᬓᭂᬦ᭄ᬤᭂᬮ᭄ᬤᬶᬳᬢᬶ᭞ᬳᬶᬗᭂᬢ᭄ᬗᬲ᭄ᬢᬸᬢᬶᬬᬂ᭞ᬳᬶᬭᬢᬸᬓᬬᬗᬦ᭄᭞ᬫᬮᬶᬗ᭄ᬕᬳᬶᬘᬗᬶᬬᬗᬶᬦ᭄᭞ᬏᬮᬶᬂᬫᬜ᭄ᬚᬓᬂ᭞ᬭᬶᬳᬯᬓᬾᬲᬸᬩᬓ᭄ᬢᬶ᭟ᬤᬯᬸᬄᬢᬶᬕᬧᬸᬧᬸᬢ᭄ᬲ
ᬫᬶᬲᭀᬧᬓᬭ᭞ᬲᭀᬓ᭄ᬤᬾᬭᬾᬂᬓᬢᬩ᭄ᬓᬭᬶ᭞ᬗᬦ᭄ᬢᭀᬲ᭄ᬦᬸᬦᬲ᭄ᬢᬶᬃᬢ᭄ᬣ᭞ᬳᬶᬧᬸᬚᬸᬢ᭄ᬤᬾᬭᬾᬂᬢᭂᬓ᭞ᬓᭂᬕ᭄ᬭᬶᬬᬤᬶᬢᭂᬕᬮ᭄ᬲᬸᬘᬶ᭞ᬗᬢᬸᬭᬂᬘᬩᬓ᭄᭞ᬢᭂᬢᭂᬩᬸᬲ᭄ᬭᬶᬂᬲᬲᬭᬶᬓ᭄᭟ᬫᬤᬸᬮᬸᬭᬦ᭄ᬲᬲᬭᬶᬗᬢᬸ
ᬭᬂᬘᬦᬂ᭞ᬫᬧᬶᬧᬶᬲ᭄ᬚᭂᬧᬸᬦ᭄ᬲᬫᬶ᭞ᬲᬾᬓᭂᬢ᭄ᬭᬶᬂᬦᭂᬫ᭄ᬩᭂᬮᬲ᭄᭞ᬲᬵᬫ᭄ᬧᬸᬦ᭄ᬢᭂᬓᬤᬶᬚᬸᬫᬄ᭞ᬏᬧᭀᬢ᭄ᬫᬾᬫᬾᬦ᭄ᬦᬶᬮᬸᬗᬲᬶᬄ᭞ᬫᬧᬕ᭄ᬤᬶᬯᬗᬦ᭄᭞ᬫᬲᭂᬕᭂᬄᬫᬮᬩᬭᬶᬦ᭄᭟ᬫᬸᬮᬓᬾᬢᭀᬲᬤ᭄ᬬᬦᬾᬦᬸᬦᬲ᭄ᬉ
[᭑᭗17A]
ᬢ᭄ᬢᬫ᭞ᬳᬶᬯᬂᬬᬦ᭄ᬢᬦ᭄ᬢᬶᬫ᭄ᬧᬮᬶᬦ᭄᭞ᬩᬦ᭄ᬧᬤᬉᬢ᭄ᬢᬫ᭞ᬢᭀᬳᬗ᭄ᬕᭀᬦ᭄ᬓᬦᭀᬦᭀᬦᬦ᭄᭞ᬢᬶᬤᭀᬂᬩᬸᬓᬘᬭᬚᬦᬶ᭞ᬦᬸᬦᬲ᭄ᬉᬢ᭄ᬢᬫ᭞ᬧᬸᬬᬸᬂᬳᬗ᭄ᬕᭀᬦᬶᬫ᭄ᬧᬮᬶᬦ᭄᭟ᬫᬩᭂᬢ᭄ᬘᭂᬮᬂᬲᭂᬢᬶᬦᬾᬘᬼᬓᬶᬂ
ᬫᬤᬸᬕᬮ᭄᭞ᬫᬭᬶᬫᬭᬶᬫᬲᬭᬶ᭞ᬩᬦ᭄ᬧᬶᬧᬶᬲ᭄ᬓᬭᭀᬂᬲ᭄ᬬᬂ᭞ᬭᭀᬂᬓᬗ᭄ᬕᭀᬯᬦ᭄ᬤᬶᬧᬲᬃ᭞ᬲᬗ᭄ᬓᬢᭀᬂᬫᬓᬢ᭄ᬫᬲᬭᬶ᭞ᬓᬸᬤ᭄ᬬᬂᬉᬢ᭄ᬢᬫ᭞ᬢᭀᬂᬫᭂᬦᬂᬢᬦ᭄ᬧᬲᬭᬶ᭟ᬦᬶᬮᬸᬗᬃᬘᬫᬫ᭄ᬧᬶᬕᬦ᭄ᬲᬸᬩᬤᬶᬲᬗ᭄ᬕᬄ᭞ᬳᬶᬧᬸᬚᬸ
ᬢ᭄ᬫᬗᬜ᭄ᬘᬗᬶᬦ᭄᭞ᬧᬬᬲᬾᬫᬘᬧ᭄ᬘᬧ᭄᭞ᬫᬢᬧᬶᬄᬓᭂᬘᭂᬢ᭄ᬕᬤᬂ᭞ᬫᬓᬫᭂᬦ᭄ᬲᬭᬗᬾᬤᬦᬶᬦ᭄᭞ᬫᬳᬾᬮᬾᬤ᭄ᬩᬭᬓ᭄᭞ᬫᬲᬩᬸᬓ᭄ᬘᬦ᭄ᬤ᭄ᬭᬲᬭᬶ᭞ᬫᬲᬮᬾᬦ᭄ᬤᬂᬕᬶᬭᬶᬗ᭄ᬲᬶᬂᬧᬸᬢ᭄ᬭᬶᬫᬲᬸᬮᬫ᭄᭞ᬫᬲ᭄ᬩᬸᬗ᭄ᬓᬸᬂᬢᬶᬕᬂᬓ
ᬢᬶᬄ᭞ᬫᬲᭀᬲᭀᬫᬶᬭᬄ᭞ᬩᬸᬩᬸᬃᬩᬂᬲᬶᬦᬦ᭄ᬢᭂᬦᬦ᭄᭞ᬳᬶᬦ᭄ᬤ᭄ᬭᬦᬶᬮᬮᬾᬦ᭄ᬧᬤᬮᬶ᭞ᬓᬢᭀᬦ᭄ᬗᬸᬭᬜᬩ᭄᭞ᬲᬸᬕᬶᬄᬳᬦᬓ᭄ᬤᬶᬢᬦᬶ᭟ᬢᬦ᭄ᬓᭀᬘᬧᬦ᭄ᬩᬶᬓᬲᬾᬫᬬᬩᬬᬩᬦ᭄᭞ᬭᬭᬶᬲ᭄ᬗᭂᬚᭀᬢ᭄ᬩᬾᬕᬸ
Kaca:Bali-lontar-gaguritan-babotoh-lara-300ppi.pdf/17
Kaca puniki sampun kauji-wacén
