[ ᭘ 8B]
᭘
ᬧᬸᬦ᭄ᬓᬮᬸᬗ᭄ᬲᬸᬃ᭞ᬳᬦ᭄ᬢᬸᬓ᭄ᬧᬢᬶᬄᬯᬶᬮᬢᬶᬓ᭄ᬢ᭞ᬚᬗ᭄ᬓᭂᬧ᭄ᬲᬫᬶᬗᬦᬹᬢ᭄ᬮᬶᬗ᭄ᬕᬶᬄᬲᬂᬤᬶᬦᬸᬢ᭟ᬳᬶᬦᬸᬘᬧ᭄ᬲᬂᬧ᭄ᬭᬪᬸᬲᬸᬦ᭄ᬤ᭞ᬓᬳᬶᬭᬶᬂᬲᬂᬧ᭄ᬭᬫᬾᬰ᭄ᬯᬭᬶ᭞ᬗᬫᬭᬦᬶᬦ᭄ᬧᬕᬮᬸᬳᬦ᭄᭞ᬫᬗᬺᬋᬄᬳᬶᬦᬦᬓ᭄ᬳᬬᬸ᭞
ᬧ᭄ᬭᬬᬭᬯᬸᬄᬫᬜᬭᬢᬂ᭞ᬗᬦ᭄ᬤᬶᬓᬳᬶᬦ᭄᭞ᬳᬶᬦ᭄ᬤᬶᬓ᭄ᬧᬗ᭄ᬮᬫᬭᬾᬓᭀᬘᬧ᭄᭟ᬭᬤᬾᬗᬮᬸᬄᬧ᭄ᬭᬧ᭄ᬢᬜᬗ᭄ᬕ᭄ᬭ᭞ᬬᬬᬄᬩᬶᬬᬂᬗᬫᬭᬦᬶᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬳᬸᬤᬸᬄᬘ᭄ᬦᬶᬂᬦᬦᬓ᭄ᬕᬮᬸᬄ᭞ᬫᬓᬅᬢ᭄ᬫᬚᬶ
ᬯᬦ᭄ᬩᬧ᭞ᬲᬭᬶᬦ᭄ᬳᬸᬭᬶᬧ᭄᭞ᬢᬫ᭄ᬩᬦ᭄ᬫᬦᬄᬬᬬᬄᬭᬾᬡ᭟ᬧᬗᬧ᭄ᬢᬶᬦ᭄ᬩᬧᬦᬾᬲᬭᬢ᭄᭞ᬓᬯᭂᬓᬲ᭄ᬫᬢᭂᬫᬸᬦᬶᬢᬶᬲ᭄᭞ᬫᬗ᭄ᬕᭂᬄᬓᬤᬶᬫᬗ᭄ᬓᬶᬦᬦᬓ᭄᭞ᬫᬗ᭄ᬤᬫᬮᬶᬄᬤᬤᭀᬲ᭄ᬳᬤᬸᬂ᭞ᬬᬬᬄᬭᬾᬡᬮᬦ᭄ᬳᬶᬦ
ᬦᬓ᭄᭞ᬫ᭄ᬯᬄᬧᬗ᭄ᬕᬶᬄᬢᭀᬂᬲᬶᬤᬳᬦ᭄ᬢᬸᬓ᭄ᬫᬲᬳᬂ᭟ᬲᬵᬫ᭄ᬧᬸᬦ᭄ᬘ᭄ᬦᬶᬂᬫᬧᬗᭂᬦᬦ᭄᭞ᬭᬯᬸᬄᬩᬧᬓᬤᬶᬫᬗ᭄ᬓᬶᬦ᭄᭞ᬩᬧᬓ᭄ᬭᬯᬸᬳᬦ᭄ᬧᬗ᭄ᬮᬫᬃ᭞ᬲᬭᬵᬢ᭄ᬫᬤᬶᬓ᭄ᬦᬦᬓ᭄ᬕᬮᬸᬄ᭞ᬲᬓᬶᬂᬧᬸᬭᬶᬯᬶᬮᬢᬶᬓ᭄ᬢ᭞ᬰ᭄ᬭᬷᬪᬸᬧᬢᬶ᭞
[ ᭙ 9A]
ᬳᬬᬫ᭄ᬯᬸᬭᬸᬓ᭄ᬳᬭᬦᬶᬭ᭟ᬲᬶᬭᬯᬶᬮᬢᬶᬓ᭄ᬢᬦᬵᬣ᭞ᬢᭀᬲ᭄ᬦᬶᬂᬲᬶᬭᬭᬢᬸᬦ᭄ᬮᬶᬂ᭞ᬲᬶᬭᬢᬲᬂᬮ᭄ᬯᬶᬳᬶᬂᬦᬵᬣ᭞ᬦᬵᬣ᭞ᬳᬕᬸᬗᬾᬫᬗᬮᬭᬢᬸ᭞ᬳᬓ᭄ᬯᬾᬄᬓᬂᬭᬢᬸᬧ᭄ᬭᬡᬣ᭞ᬜᬸᬗ᭄ᬲᬸᬂᬜᬶᬯᬶ᭞ᬫᬫᭂᬓᬸᬮ᭄ᬩᬸᬓ᭄ᬧᬤᬦ᭄ᬳᬶᬤ᭟
ᬲᬂᬦᬵᬣᬯᬶᬭᬕᬶᬂᬬᬸᬤ᭄ᬥ᭞ᬧᬰ᭄ᬘᬢ᭄ᬭᬶᬂᬅᬓ᭄ᬱᬭᬳᬚᬶ᭞ᬧ᭄ᬭᬰᬰ᭄ᬣᬲᬶᬭᬭᬶᬂᬭᬵᬢ᭄᭞ᬯᬃᬡ᭄ᬦᬶᬦ᭄ᬳᬶᬤᬢᬸᬳᬸᬩᬕᬸᬲ᭄᭞ᬳᬦᬹᬢ᭄ᬭᬹᬧᬭᬶᬂᬳᬶᬦᬦᬓ᭄᭞ᬲ᭄ᬫᬭᬭᬢᬶᬄ᭞ᬲᬼᬧᬧᭀᬮᬶᬄᬢ᭄ᬓᭂᬧ᭟ᬲᬭᬶᬦᬵᬣᬬᬸᬱᬢ᭄ᬭᬸᬦ᭞ᬤᬸᬭᬸᬂᬳᬶ
ᬤᬗᬫᬾᬢ᭄ᬭᬩᬶ᭞ᬯᬦ᭄ᬢᬄᬦᬦᬓ᭄ᬱᬭᬵᬢᬂ᭞ᬮᬰ᭄ᬘᬃᬬ᭄ᬬᬫᬶᬢᬶᬦ᭄ᬤᬄᬮᬫ᭄ᬧᬸᬲ᭄᭞ᬚᬶᬯᬦ᭄ᬳᬶᬤᬘ᭄ᬦᬶᬂᬗ᭄ᬭᬓ᭄ᬱ᭞ᬜ᭄ᬭᬳᬂᬳᬸᬭᬶᬧ᭄᭞ᬲ᭄ᬯᬾᬘᬳᬶᬦᬦᬓ᭄ᬫᬗ᭄ᬮᬸᬓᬢ᭄᭟ᬧᬗ᭄ᬮᬫᬭᬾᬯᬸᬲ᭄ᬓᬢ᭄ᬭᬶᬫ᭞ᬬᬬᬄᬭᬾᬡᬗᬮᬸᬕ᭄ᬭᬳᬶᬦ᭄᭞ᬲᬸ
ᬓᬦᬦᬓ᭄ᬫᬗᬶᬤᭂᬧᬂᬫ᭄ᬤᬕᬶᬂᬫᬦᬄᬩᬧᬢᬸᬳᬸ᭞ᬩᬧᬚᬦᬶᬫᬜᬶᬳ᭄ᬦᬬᬂ᭞ᬗᬫᬭᬦᬶᬦ᭄᭞ᬧᬶᬲᬭᬢ᭄ᬗ᭄ᬭ᭄ᬯᬸᬳᬶᬦ᭄ᬦᬦᬓ᭄᭟ᬧ᭄ᬭᬫᬾᬰ᭄ᬯᬭᬶᬫᬗᬦ᭄ᬤᬶᬓ᭞ᬅᬢ᭄ᬫᬚᬶᬯᬦ᭄ᬫᬾᬫᬾᬘ᭄ᬦᬶᬂ᭞ᬫᬲ᭄ᬫᬶᬭᬄᬫᬾᬫᬾᬳᬶᬤᬾᬯ᭞
Kaca:Bali-lontar-gaguritan-babad-sunda-300ppi.pdf/9
Kaca puniki sampun kauji-wacén
