[ ᭓᭘ 38B]
᭓᭘
ᬭᬕ᭞ᬲᬳᬳᬶᬤᬫᬗᬜ᭄ᬚᬮᬶ᭞ᬫᬫᭂᬓᬸᬮ᭄ᬩᬸᬓ᭄ᬧᬦ᭄ᬳᬶᬤ᭞ᬩᬶᬬᬗᬾᬲᬂᬧ᭄ᬭᬫᬾᬰ᭄ᬯᬭᬶ᭞ᬢᬸᬫᬸᬮᬶrᬳᬭᬶᬲ᭄ᬗᬲ᭄ᬢᬸᬢᬶ᭞ᬗᬲ᭄ᬢᬯᬦᬸᬗ᭄ᬕᬮᬂᬓᬬᬸᬦ᭄᭞ᬫᬫᬸᬚᬳᬶᬤᬳ᭄ᬬᬂᬯ᭄ᬦᬂ᭞ᬓ᭄ᬦᬶᬳᬶᬤᬫᬜᬸᬦ᭄ᬤᬭᬶᬦ᭄᭞ᬲᬶᬦᬄᬮᬦ᭄ᬢᬸᬃ᭞
ᬧᬫᬃᬕ᭄ᬕᬶᬦᬾᬧᭀᬮᬶᬄᬬᬱ᭟ᬭᬤᬾᬦ᭄ᬤᬾᬯᬶᬯᬸᬲᬬᬕ᭞ᬲᬵᬫ᭄ᬧᬸᬦ᭄ᬳᬶᬤᬗᬸᬦᬸᬲ᭄ᬓ᭄ᬭᬶᬲ᭄᭞ᬮᬰ᭄ᬘᬃᬬ᭄ᬬᬫᬦᬸᬯᭂᬓ᭄ᬭᬕ᭞ᬭᬄᬳᬶᬤᬦᬺᬲ᭄ᬳᬸᬫᬶᬚᬶᬮ᭄᭞ᬮᬾᬮᭀᬳᬶᬤᬭᬤᬾᬦ᭄ᬤᬾᬯᬶ᭞ᬘᬘᬶᬗᬓᬾᬯᭂᬢᬸᬋᬤᬸᬧ᭄᭞ᬳᬲ᭄ᬯ
ᬲᬦᬾᬫᭂᬕᬢ᭄ᬫᭂᬕᬢ᭄᭞ᬗᬋᬋᬲ᭄ᬮᬾᬮᭀᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬧ᭄ᬚᬄᬳᬶᬤᬭᬤᬾᬦ᭄ᬤᬾᬯ᭄ᬬ᭟ᬘᬭᬶᬢᬭᬶᬂᬧᬲᬗ᭄ᬕ᭄ᬭᬳᬦ᭄᭞ᬳᬶᬦᬸᬘᬧ᭄ᬰ᭄ᬭᬷᬧ᭄ᬭᬫᬾᬰ᭄ᬯᬭᬶ᭞ᬮᬦ᭄ᬧᬭᬳᬶᬲ᭄ᬢ᭄ᬭᬶᬦᬾᬲᬫ᭄ᬬᬦ᭄᭞ᬳᬗᭂᬦ᭄ᬓᬬᬸᬦ᭄ᬫ
ᬜᬶᬗᬓᬶᬦ᭄᭞ᬫᬩ᭄ᬭᬶᬬᬸᬓ᭄ᬱᬫᬶᬫᬦᬗᬶᬲ᭄᭞ᬧᬚ᭄ᬭᬶᬢ᭄ᬧᬢᬶᬧᬲ᭄ᬮᬕᬸᬓ᭄᭞ᬲ᭄ᬯᬭᬦ᭄ᬜᬦᬾᬫᬩ᭄ᬬᬬᬸᬯᬦ᭄᭞ᬓᬤᬶᬳᭀᬫ᭄ᬩᬓ᭄ᬓᬯᬸᬮᬸᬚᬢᬶ᭞ᬲᬫᬶᬲᬸᬗ᭄ᬲᬸᬢ᭄᭞ᬭᬲᬋᬫᭂᬓ᭄ᬚ᭄ᬭᭀᬦᬶᬂᬘᬶᬢ᭄ᬢ᭟ᬧ᭄ᬭᬫᬾᬰ᭄ᬯᬭᬷᬳᬶᬦᬸ
[ ᭓᭙ 39A]
᭓᭙
ᬘᬧᬦ᭄᭞ᬫᬸᬧᬸᬢᬂᬓᬬᬸᬦᬾᬫᬗ᭄ᬓᬶᬦ᭄᭞ᬲᬫ᭄ᬫᬶᬯᬸᬲ᭄ᬲᬬᬕᬳᬳ᭄ᬬᬲ᭄᭞ᬩᬸᬱᬡᬫᬫᭂᬢᬓ᭄ᬱᬫᬶ᭞ᬲᬫᬶᬜᬤ᭄ᬬᬗᬫᬭᬦᬶᬦ᭄᭞ᬭᬶᬂᬧ᭄ᬩ᭄ᬭᬢᬦ᭄ᬧᬘᬂᬗ᭄ᬭᬸᬭᬸᬄ᭞ᬮᬬᭀᬦ᭄ᬰᬯᬲᭀᬯᬂᬲᭀᬯᬂ᭞ᬮᬓᬶᬦ᭄ᬜᬫᬦ᭄ᬤᬶᬭᬶᬦ᭄ᬤᬶᬭᬶ᭞ᬜ
ᬤ᭄ᬬᬢᬶᬦᬹᬢ᭄᭞ᬜᬋᬗᬶᬦ᭄ᬧᭂᬚᬄᬭᬶᬂᬭᬡ᭟ᬤᬶᬕ᭄ᬮᬶᬲ᭄ᬧᬫᬃᬕ᭄ᬕᬦ᭄ᬳᬶᬤ᭞ᬓᬳᬶᬭᬶᬂᬲᬢ᭄ᬬᬦᬾᬲᬫᬶ᭞ᬧᬜ᭄ᬭᭀᬯᬦ᭄ᬓᬧ᭄ᬯᬲᬕᬺᬳᬦ᭄᭞ᬧᬫᬃᬕ᭄ᬕᬶᬦᬾᬗᬦᬹᬢ᭄ᬮᬶᬗ᭄ᬕᬶᬄ᭞ᬧᬶᬗᬚᭂᬂᬲᬂᬧ᭄ᬭᬫᬾᬰ᭄ᬯᬭᬷ᭞ᬭᬩᬶᬦ᭄ᬧᬢᬶᬄᬫᬦ᭄ᬢ᭄ᬭᬶᬜ᭄ᬭᬸᬦ᭄ᬤᬸᬧ᭄᭞ᬲᬫᬶᬫ
ᬩᬸᬱᬡᬧᭂᬢᬓ᭄᭞ᬲᬳᬲᬫᬶᬜᬼᬧᬶᬢ᭄ᬓ᭄ᬭᬶᬲ᭄᭞ᬧᬶᬦᬶᬄᬧᬸᬗ᭄ᬓᬸᬃ᭞ᬧᬜ᭄ᬭᭀᬯᬦᬾᬫᬗᬶᬭᬶᬗᬂ᭟ᬧᬗᬶᬭᬶᬗᬾᬲᬶᬦᬫ᭄ᬬᬦ᭄᭞ᬧᬲᬼᬕᬸᬓ᭄ᬧᬢᬶᬧᬚ᭄ᬭᬶᬢ᭄᭞ᬯᬾᬦ᭄ᬢᭂᬦ᭄ᬗᭂᬮᬶᬂᬲᭂᬗᬮ᭄ᬲᭂᬗᬮ᭄᭞ᬲ᭄ᬤᬶᬄᬧᬘᬂᬧᬘᬂᬓᬢᬶᬗ᭄ᬕᬮᬶᬦ᭄᭞ᬳᬦ᭄ᬢᬸᬓ᭄ᬳᬶ
ᬤᬧ᭄ᬭᬫᬾᬰ᭄ᬯᬭᬶ᭞ᬭᬩᬶᬦ᭄ᬧᬢᬶᬄᬮᬦ᭄ᬢᬸᬫᭂᬗ᭄ᬕᬸᬂ᭞ᬭᬩᬶᬦ᭄ᬫᬦ᭄ᬢ᭄ᬭᬶᬩᬯᬸᬤᬡ᭄ᬥ᭞ᬧᬸᬦᬶᬓᬫᬲᬢ᭄ᬬᬲᬫᬶ᭞ᬮᬮᬶᬲ᭄ᬫᬸᬧᬸᬢ᭄᭞ᬫᬸᬧᬸᬢᬂᬭᬕᬭᬶᬂᬭᬡ᭟ᬫᬦ᭄ᬢ᭄ᬭᬶᬧᬢᬶᬄᬩᬯᬸᬤᬡ᭄ᬥ᭞ᬯᬤ᭄ᬯᬦ᭄ᬧ᭄ᬭᬪᬸᬫᬚᬧᬳᬶᬢ᭄᭞ᬦᬾ᭠
Kaca:Bali-lontar-gaguritan-babad-sunda-300ppi.pdf/39
Kaca puniki sampun kauji-wacén
