Kaca:Bali-lontar-gaguritan-babad-sunda-300ppi.pdf/38

Saking Wikisource
Kaca puniki sampun kauji-wacén

[ ᭓᭗ 37B]
᭓᭗
ᬭᬢᬸᬦᬾᬭᬶᬂᬯᬶᬮᬢᬶᬓ᭄ᬢ᭟ᬳᬸᬤᬸᬄᬘ᭄ᬦᬶᬂᬚᬶᬯᬦ᭄‌ᬩ᭄ᬬᬂ᭞ᬤᬸᬭᬸᬲᬂᬫᬫᬃᬕ᭄ᬕᬶ᭞ᬯᬾᬦ᭄ᬢᭂᬦ᭄ᬳᬢᬸᬃᬩᬶᬬᬂᬲᬭᬵᬢ᭄᭞ᬫᬦ᭄ᬢᬸᬓᬭᬶᬂᬳᬚᬶᬦ᭄ᬘᭂᬦᬶᬂ᭞ᬲᬶᬤᬘ᭄ᬦᬶᬂᬫᬢᬸᬃᬧᬶᬳᬸᬦᬶᬂ᭞ᬫᬗ᭄ᬤᬳᬶᬤᬩ᭄ᬮᬶᬧ᭄ᬭᬪᬸ᭞ᬲ᭄ᬯᬾᬘᬳᬶᬤᬫᬜᬦ᭄ᬢᭀᬲᬂ᭞ᬭᬯᬸᬄ
ᬫᬾᬫᬾᬧ᭄ᬭᬬᬦᬗ᭄ᬓᬶᬮ᭄᭞ᬓ᭄ᬦᬶᬤᬸᬭᬸᬲ᭄᭞ᬧᬫᬃᬕ᭄ᬕᬶᬦᬾᬫᬓᬭᭀᬦᬦ᭄᭟ᬫᬗ᭄ᬤᬯᬾᬦ᭄ᬢᭂᬦ᭄ᬳᬶᬭᬶᬂᬩᬶᬬᬂ᭞ᬗᭂᬦ᭄ᬢᬧ᭄ᬢᬶᬢᬶᬳᬸᬕᬮᬕᬶᬮ᭄᭞ᬤᬳᬢ᭄ᬕᬜ᭄ᬚᬶᬄᬫᬳᭀᬬᭀᬤᬦ᭄᭞ᬲ᭄ᬯᬾᬘᬳᬶᬤᬫᬦᬦ᭄ᬤᬦᬶᬦ᭄᭞ᬢᬸᬳᬸᬫᬾᬫᬾᬤᬳᬢ᭄
ᬳᬚ᭄ᬭᬶᬄ᭞ᬫᬾᬫᬾᬢ᭄ᬯᬲᬵᬫ᭄ᬧᬸᬦ᭄ᬓᬾᬭᬸᬄ᭞ᬬᬦ᭄ᬢᬦ᭄‌ᬲ᭄ᬯᬾᬘᬲᬶᬭᬦᬵᬣ᭞ᬫᬗᬺᬋᬳᬂᬫᬾᬫᬾᬫᬃᬕ᭄ᬕᬶ᭞ᬲᬶᬦᬄᬮᬘᬸᬃ᭞ᬮᬫ᭄ᬧᬳᬾᬓᬮᬸᬦ᭄ᬢᬮᬸᬦ᭄ᬢ᭟ᬭᬤᬾᬦ᭄ᬤᬾᬯᬶᬫᬵᬢᬸᬃᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬭᬢᬸᬩᬶᬬᬂᬲ᭄ᬯᬭᬶ᭞ᬜᬤ᭄ᬬᬢᬶᬢ᭄ᬬᬂ
ᬫᬗ᭄ᬭᬯᬸᬳᬂ᭞ᬤᬕᬶᬂᬗᬃᬱᬦ᭄‌ᬩᬶᬬᬂᬚᬢᬶ᭞ᬭᬶᬂᬳᬶᬤᬰ᭄ᬭᬶᬦᬭᬧᬢᬶ᭞ᬫᬗ᭄ᬤᬲ᭄ᬯᬾᬘᬳᬶᬤᬦᬸᬗ᭄ᬕᬸ᭞ᬧᬫᬃᬕ᭄ᬕᬦ᭄ᬧᬮᬸᬗ᭄ᬕᬸᬄᬩᬶᬬᬂ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄᭞ᬲᬶᬤᬫᬸᬧᬸᬢ᭄᭞ᬩᬓ᭄ᬢᬶᬦᬾᬭᬶᬂᬬᬬᬄᬭᬾᬡ᭟ᬧ᭄ᬭᬫᬾ
[ ᭓᭘ 38A]
᭓᭘
ᬰ᭄ᬯᬭᬶᬕᬕᬾᬲᭀᬦᬦ᭄᭞ᬫᬗᬭᬲ᭄ᬧᬸᬢ᭄ᬭᬦᬾᬫᬗ᭄ᬓᬶᬦ᭄᭞ᬢᭀᬬᬦ᭄ᬧᬦᭀᬦ᭄‌ᬤᬺᬲ᭄ᬫᭂᬤᬮ᭄᭞ᬳᬗᭂᬦᬾᬭᬶᬂᬭᬤᬾᬦ᭄ᬤᬾᬯᬶ᭞ᬳᬶᬤᬯᬦ᭄ᬢᬄᬧᬸᬢ᭄ᬭᬮ᭄ᬯᬶᬄ᭞ᬢᬸᬲ᭄ᬦᬶᬂᬳᬶᬤᬲᬢ᭄ᬭᬶᬬᬢᬸᬳᬸ᭞ᬤᬤᭀᬲ᭄ᬓᬓᬲᬸᬩᬦ᭄ᬚᬕᬢ᭄᭞ᬚ
ᬢᬶᬳᬬᬸᬰᬶᬮᬓ᭄ᬭᬫᬶ᭞ᬭᬢᬸᬳᬕᬸᬂ᭞ᬭᬤᬾᬦ᭄ᬕᬮᬸᬄᬧᬶᬢᬮᭀᬓ᭟ᬭᬤᬾᬦ᭄ᬤᬾᬯᬶᬫᬵᬢᬸᬃᬩᬦ᭄ᬩᬦ᭄᭞ᬳᬸᬤᬸᬄᬭᬢᬸᬩᬶᬬᬂᬰ᭄ᬯᬭᬶ᭞ᬗᬶᬭᬶᬂᬲᬵᬫ᭄ᬧᬸᬦ᭄‌ᬚ᭄ᬯᬧᬸᬗ᭄ᬕᭂᬮᬂ᭞ᬩᬯᭀᬲᬾᬓᬤᬶᬧᬸᬦᬶᬓᬶ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄᭞ᬗᬭᬶ
ᬳᬶᬦᬶᬦ᭄ᬳᬗ᭄ᬕᬦ᭄ᬭᬢᬸ᭞ᬲ᭄ᬯᬾᬘᬭᬢᬸᬗᬫ᭄ᬧᬸᬭᬬᬂ᭞ᬮᬸᬕ᭄ᬭᬳᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬲᬶᬤᬤᬸᬭᬸᬲ᭄᭞ᬢᬶᬢ᭄ᬬᬂᬗᬮᬦ᭄ᬢᬸᬭᬂᬫᬦᬄ᭟ᬳᬚᬶᬧ᭄ᬭᬪᬸᬤᬾᬯᬦ᭄ᬢᬶᬢ᭄ᬬᬂ᭞ᬲᬹᬃᬬ᭄ᬬᬦᬶᬦ᭄ᬚᬢᬶᬢ᭄ᬬᬂᬳᬚᬶ᭞ᬦᬦᬓ᭄ᬧ᭄ᬭᬬᬫᬗᬶᬭᬶᬗᬂ᭞ᬮᬸᬗᬦ᭄ᬭᬢᬸᬓ
ᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬢᬸᬳᬸᬤᬺᬤᬩᬓ᭄ᬢᬶ᭞ᬚᬦ᭄ᬢᭀᬲᬂᬚᬢᬶᬢ᭄ᬬᬂᬭᬢᬸ᭞ᬲᬵᬫ᭄ᬧᬸᬦ᭄ᬭᬢᬸᬕᬕᬾᬲᭀᬦᬦ᭄᭞ᬫᬗ᭄ᬤᬲᬶᬤᬢᬶᬢ᭄ᬬᬂᬫᭀᬮᬶᬄ᭞ᬗᬶᬭᬶᬂᬭᬢᬸ᭞ᬜᬸᬚᬸᬃᬗᬸᬗ᭄ᬲᬶᬰᬸᬦ᭄ᬬᬮᭀᬓ᭟ᬲᬂᬤ᭄ᬬᬄᬫᬦᬩ᭄ᬤᬩᬂ