[ ᭓᭔ 34B]
᭓᭔
ᬬᬂᬓᬬᬸᬦᬾᬫᬗ᭄ᬓᬶᬦ᭄᭟ᬢᬸᬤᬸᬳᬶᬤᬲᬗ᭄ᬬᬂᬯ᭄ᬦᬂ᭞ᬯᬸᬲ᭄ᬫᬘᬶᬳ᭄ᬦᬧᬗ᭄ᬕᬸᬄᬢᬶᬢ᭄ᬬᬂᬭᬶᬂᬩ᭄ᬮᬶ᭞ᬮᬾᬤᬗᭂᬂᬓᬬᬸᬦᬾᬭᬢᬸ᭞ᬤᬸᬭᬸᬲᬂᬢᬗ᭄ᬕᭂᬦᬶᬦ᭄ᬢᬶᬢ᭄ᬬᬂ᭞ᬜᬤ᭄ᬬᬢᬶᬢ᭄ᬬᬂᬫᬗ᭄ᬮᬸᬗ᭄ᬲᬸᬃᬲ᭄ᬯᬾᬘᬦ᭄ᬳᬶᬭᬢᬸ᭞ᬦᬫ᭄ᬢᬫᬶᬦ᭄ᬥᬃᬫ᭄ᬫᬦᬶᬂᬲᬢ᭄ᬭᬶᬬ
᭞ᬦᬸᬦᬲ᭄ᬢᬶᬃᬢ᭄ᬢᬲᬜ᭄ᬚᬶᬯᬦᬶ᭟ᬧ᭄ᬭᬪᬸᬓᭀᬭᬶᬧᬦ᭄ᬗᬦ᭄ᬤᬶᬓ᭞ᬩ᭄ᬮᬶᬜᬸᬓ᭄ᬱ᭄ᬫᬬᬂᬳᬃᬱᬦ᭄ᬳᬶᬬᬤᬶ᭞ᬳᬤᬶᬢᬸᬳᬸᬳᬕᬸᬂᬯ᭄ᬭᬸᬄ᭞ᬳᬶᬭᬶᬂᬩ᭄ᬮᬶᬫᬮᬾᬤᬂᬮᬾᬤᬂ᭞ᬫᬶᬲᬭᬵᬢᬂ᭞ᬢᬸᬳᬸᬤᬃᬫ᭄ᬫᬦᬶᬂᬧ᭄ᬭᬭᬢᬸ᭞ᬤᬸᬭᬸᬲᬂᬳᬤᬶᬤᬸᬭᬸᬲᬂ᭞ᬩ᭄ᬮᬶᬜ
ᬤ᭄ᬬᬗᬶᬭᬶᬂᬳᬤᬶ᭟ᬧ᭄ᬭᬪᬸᬲᬸᬦ᭄ᬤᬢᬗ᭄ᬲᭂᬄᬗᬋᬧᬂ᭞ᬫᬫᬸᬧᬸᬢᬂᬓᬬᬸᬦ᭄ᬳᬶᬤᬗᬫᬭᬦᬶᬦ᭄᭞ᬦᬶᬩᬓᬂᬧᬦᬳᬾᬫᬸᬧᬸᬢ᭄᭞ᬤᬺᬲ᭄ᬓᬤᬶᬢᬶᬃᬣ᭞ᬢᬦ᭄ᬧᭂᬕᬢᬦ᭄᭞ᬓᬤᬶᬦᬶᬂᬲᬩᭂᬄᬓᬯᬸᬯᬸᬲ᭄᭞ᬧ᭄ᬭᬪᬸᬓᭀᬭᬶᬧᬦ᭄ᬦᬫ᭄ᬤ
ᬩᬂ᭞ᬢᬫ᭄ᬬᬗᬾᬳᬗ᭄ᬕᬾᬦᬗ᭄ᬕᭂᬦᬶᬦ᭄᭟ᬧ᭄ᬭᬪᬸᬦᭂᬳᬕᬕᬶᬲᭀᬦᬦ᭄᭞ᬫᬦᬗ᭄ᬲᭂᬓᬶᬦ᭄ᬧ᭄ᬭᬪᬸᬲᬸᬦ᭄ᬤᬭᬶᬂᬕ᭄ᬮᬶᬲ᭄᭞ᬫᬸᬧᬸᬢᬂᬳᬶᬤᬭᬶᬂᬓᬬᬸᬦ᭄᭞ᬫᬫᬾᬮᬦᬶᬦ᭄ᬭᬓᬦ᭄ᬳᬶᬤᬵ᭞ᬲᬶᬭᬦᬵᬣ᭞ᬧ᭄ᬭᬪᬸᬓᭀᬭᬶᬧᬦ᭄ᬓᬤ᭄ᬭᬸᬮᬸᬓ᭄᭞
[ ᭓᭕ 35A]
᭓᭕
ᬳᬦ᭄ᬢᬸᬓ᭄ᬧᬦᬄᬧ᭄ᬭᬪᬸᬲᬸᬦ᭄ᬤ᭞ᬢᬦ᭄ᬳᭂᬮᬤ᭄ᬫᬯᬦ᭄ᬢᬶᬯᬦ᭄ᬢᬶ᭟ᬕᬕᬾᬲᭀᬦᬦ᭄ᬧ᭄ᬭᬪᬸᬤ᭄ᬳᭂ᭞ᬗᬸᬗ᭄ᬲᬶᬫᬸᬲᬸᬄᬢᬦ᭄ᬫᬋᬦ᭄ᬫᬫᬦᬸᬫ᭄ᬩᬓᬶᬦ᭄᭞ᬧ᭄ᬭᬪᬸᬲᬸᬦ᭄ᬤᬲᬳᬵᬕᬶᬲᬸ᭞ᬫᬦᬗ᭄ᬓᭂᬧᬶᬦ᭄ᬧ᭄ᬭᬪᬸᬤ᭄ᬳᭂ᭞ᬳᬦ᭄ᬢᬸᬓ᭄ᬢᬸᬫ᭄ᬩᬓ᭄᭞ᬫᬬᬸᬤ᭄ᬥᬫᬸᬢᬸᬲᬂ
ᬓᬬᬸᬦ᭄᭞ᬯᬶᬭᭀᬲᬦᬸᬫ᭄ᬩᬓᬢᬸᬫ᭄ᬩᬓ᭄᭞ᬲᬫᬶᬲᭂᬩᭂᬢ᭄ᬫᬦᬗ᭄ᬕᭂᬦᬶᬦ᭄᭟ᬲᬵᬫ᭄ᬧᬸᬦ᭄ᬢᬸᬤᬸᬄᬲᬗ᭄ᬬᬂᬯ᭄ᬦᬂ᭞ᬧ᭄ᬭᬪᬸᬲᬸᬦ᭄ᬤᬓᬢᬦ᭄ᬤᭂᬲᬦᬾᬫᬗ᭄ᬓᬶᬦ᭄᭞ᬳᬶᬤᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬓᬾᬭᬸᬄ᭞ᬯᬸᬲ᭄ᬮᬫᬶᬦᬗ᭄ᬓᭂᬦᬶᬦ᭄ᬬᬸᬤ᭄ᬥ᭞ᬫ᭄ᬢᬸᬮᬸᬫᬄ᭞
ᬓᬢᬸᬯᭂᬓ᭄ᬳᬶᬤᬭᬶᬂᬮᬫ᭄ᬩᬸᬂ᭞ᬳᬦ᭄ᬢᬸᬓ᭄ᬳᬶᬤᬧ᭄ᬭᬪᬸᬤ᭄ᬳᭂ᭞ᬓᬾᬗᬶᬦ᭄ᬮᬷᬦᬲᬂᬦᬺᬧᬢᬶ᭟᭐᭟ᬧᬸᬧᬸᬄᬫᬲ᭄ᬓᬸᬫᬫ᭄ᬩᬂ᭟ᬳᬶᬦᬸᬘᬧᬦ᭄ᬧ᭄ᬭᬪᬸᬲᬸᬦ᭄ᬤᬯᬸᬲ᭄ᬓᬮᬶᬮᬶᬄ᭞ᬯᬸᬲ᭄ᬮᬶᬦᬭᬶᬂᬭᬡ᭞ᬫᬸᬧᬸᬢᬂᬲ᭄ᬯᬥᬃᬫ᭄ᬫᬚᬢᬶ᭞ᬥᬃᬫ᭄ᬫᬦᬶᬂ
ᬮᬶᬗ᭄ᬕᬶᬄᬦ᭄ᬱᬢ᭄ᬭᬶᬬ᭟ᬧᬢᬶᬄᬧᬶᬢᬃᬓᬦ᭄ᬢᬸᬦ᭄ᬳᬸᬭᬶᬧ᭄ᬤᬦᬾᬦ᭄ᬤᬶᬭᬶ᭞ᬗᬮᬶᬂᬦ᭄ᬢᬶᬓ᭄ᬗᬭᬕ᭞ᬗᬮᬩᬮᬶᬦ᭄ᬲᬦᬾᬫᬗ᭄ᬓᬶᬦ᭄᭞ᬮᬦᬂᬫ᭄ᬯᬦᬶᬦᬾᬯᬸᬲ᭄ᬩ᭄ᬭᬣ᭄ᬝ᭟ᬕᬕᬾᬲᭀᬦᬦ᭄ᬤᬦᬾᬭᬯᬸᬄᬦᬸᬦᬲ᭄ᬳᬸᬭᬶᬧ᭄᭞ᬜᭀᬓᭀᬃ
Kaca:Bali-lontar-gaguritan-babad-sunda-300ppi.pdf/35
Kaca puniki sampun kauji-wacén
