[ ᭓᭓ 33B]
᭓᭓
ᬩᬂᬤᬸᬫᬶᬮᬄᬫᬗᬺᬲᬶᬦ᭄᭞ᬓᬤᬶᬦᬸᬯᭂᬓ᭄ᬫᬦᬄᬲᬢ᭄ᬭᬸ᭞ᬫ᭄ᬲᭂᬳᬾᬫᭂᬢᬸᬓᬫᭂᬕᬦ᭄᭞ᬲᬶᬲᬸᬧᬮᬶᬂᬫᬦᬦ᭄ᬤᬶᬗᬶᬦ᭄᭞ᬲᬶᬭᬧ᭄ᬭᬪᬸ᭞ᬫᬸᬧᬸᬢᬂᬓᬬᬸᬦ᭄ᬭᬶᬂᬭᬡ᭟ᬳ᭄ᬤᬶᬫᬦ᭄ᬢ᭄ᬭᬶᬮᬦ᭄ᬓᬲᬢ᭄ᬭᬶᬬ᭞ᬯᬤ᭄ᬯᬓᭀᬭᬶᬧᬦᬾᬮᬶᬮᬶᬄ᭞ᬳᬓ᭄ᬯᬾᬄ
ᬧᬘᬸᬦ᭄ᬤᬗᬂᬳᬶᬤ᭞ᬧᬜ᭄ᬚᬓᬾᬓᬧᬶᬮᬶᬧᬶᬮᬶ᭞ᬫᬮᬬᬸᬲᬵᬫ᭄ᬧᬸᬦ᭄ᬓᬮᬶᬮᬶᬄ᭞ᬓᬲᭀᬃᬭᬶᬂᬳᬶᬤᬲᬂᬧ᭄ᬭᬪᬸ᭞ᬗᬸᬩᬢᬩᬶᬢ᭄ᬧ᭄ᬭᬪᬸᬲᬸᬦ᭄ᬤ᭞ᬚᭂᬚᭂᬄᬫ᭄ᬲᭂᬳᬾᬗᭂᬢᭀᬦᬶᬦ᭄᭞ᬧᬢᬶᬮᬸᬧ᭄ᬮᬸᬧ᭄᭞ᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬫ
ᬢᬗᬄ᭟ᬧ᭄ᬭᬪᬸᬓᭀᬭᬶᬧᬦ᭄ᬮᬦ᭄ᬤ᭄ᬳᬵ᭞ᬳᬾᬭᬂᬓᬬᬸᬦᬾᬢᬦ᭄ᬲᬶᬧᬶ᭞ᬫᬜᬶᬗᬓ᭄ᬯᬤ᭄ᬯᬦᬾᬲᭂᬫ᭄ᬧ᭄ᬬᬃ᭞ᬳᬶᬤᬗᬋᬧᬂᬦᬾᬫᬗ᭄ᬓᬶᬦ᭄᭞ᬜᬤ᭄ᬬᬧᬘᬂᬫᬦᬗ᭄ᬕᭂᬦᬶᬦ᭄᭞ᬳᬕᬸᬂᬫᬘᬸᬦ᭄ᬤᬸᬓ᭄ᬮᬦ᭄ᬧ᭄ᬭᬪᬸ᭞ᬯᬤ᭄ᬯᬲᬫᬶᬫᬧ᭄ᬬᬓᬦ᭄᭞
ᬲᬫᬶᬩᭂᬗᭀᬂᬫᬗ᭄ᬮᬶᬬᬢᬶᬦ᭄᭞ᬯ᭄ᬯᬓ᭄ᬢᬶᬳᬦᬸᬢ᭄᭞ᬲᬫᭀᬗᬾᬫᬫ᭄ᬲᭂᬄᬲᬶᬗ᭄ᬕ᭟ᬲᬶᬭᬓᬮᬶᬳᬶᬦᬸᬘᬧᬫᬦ᭄᭞ᬫᬗ᭄ᬮᬶᬗ᭄ᬕᬶᬳᬶᬦ᭄ᬕᬚᬄᬲᬫᬶ᭞ᬲᬳᬫᬲᬜ᭄ᬚᬢᬧᬦᬄ᭞ᬭᬶᬂᬕᬚᬳᬾᬗᬤᭂᬕ᭄ᬫᬗ᭄ᬓᬶᬦ᭄᭞ᬗᬦᬹᬢ᭄
[ ᭓᭔ 34A]
᭓᭔
ᬥᬃᬫ᭄ᬫᬦ᭄ᬲᬢ᭄ᬭᬶᬬᬚᬢᬶ᭞ᬤᬶᬕ᭄ᬮᬶᬲ᭄ᬳᬶᬤᬜᬭᬸᬦ᭄ᬤᬸᬧ᭄᭞ᬳᬶᬦᬸᬘᬧ᭄ᬧ᭄ᬭᬪᬸᬓᭀᬭᬶᬧᬦ᭄᭞ᬳᬶᬤᬭᬯᬸᬄᬗᬫᬭᬦᬶᬦ᭄᭞ᬲᬶᬭᬧ᭄ᬭᬪᬸ᭞ᬫᬗ᭄ᬕᬮᬦᬶᬂᬚᬕᬢ᭄ᬲᬸᬦ᭄ᬤ᭟᭐᭟ᬧᬸᬧᬸᬄᬧᬗ᭄ᬓᬸᬃ᭟ᬮᬦ᭄ᬢᬸᬭᬂᬧᬸᬦᬶᬘᬭᬶᬢ᭞ᬧ᭄ᬭ
ᬪᬸᬲᬸᬦ᭄ᬤᬗᬦ᭄ᬤᬶᬓᬲᬳᬓ᭄ᬜᬶᬂ᭞ᬫᬦ᭄ᬢᬸᬓᬾᬭᬶᬂᬲᬶᬭᬧ᭄ᬭᬪᬸ᭞ᬲᬶᬭᬦᬵᬣᬭᬶᬂᬓᭀᬭᬶᬧᬦ᭄᭞ᬤᬸᬄᬲᬂᬦᬵᬣᬕ᭄ᬮᬶᬲ᭄ᬯᬾᬘᬫᬗ᭄ᬓᬶᬦ᭄ᬭᬯᬸᬄ᭞ᬢᬸᬳᬸᬳᬾᬕᬃᬫᬦᬄᬢᬶᬢ᭄ᬬᬂ᭞ᬓ᭄ᬦᬶᬭᬢᬸᬢᬢᬲ᭄ᬳᬸᬦᬶᬂ᭟ᬫᬦᬄᬢᬶᬢ᭄ᬬᬂᬲᬭᬵᬢ᭄ᬧᬶᬲᬦ᭄
᭞ᬫᬗᬶᬦᭂᬢᬂᬫᬦᬄᬢᬶᬢ᭄ᬬᬂᬲᬸᬚᬢᬶ᭞ᬜᬤ᭄ᬬᬫᬗᬤᬸᬗᬗ᭄ᬓᬬᬸᬦ᭄᭞ᬫᬗᬶᬕᬸᬫᬂᬧᬲᬯᬶᬢ᭄ᬭᬦ᭄᭞ᬭᬶᬂᬲᬂᬦᬵᬣ᭞ᬢᬶᬢ᭄ᬬᬂᬓᬘ᭄ᬮᬸᬯᬕ᭄ᬫᬫᬗ᭄ᬕᬸᬄ᭞ᬭᬶᬂᬧᬳᬶᬦ᭄ᬤᬶᬓᬦᬾᬲᬶᬗ᭄ᬲᬮ᭄᭞ᬢᬦ᭄ᬫᬳᬳᬗᬦ᭄ᬳᬓᬶᬤᬶᬓ᭄᭟ᬳᬃᬱᬩ᭄ᬮᬶ
ᬲᬭᬢ᭄ᬧᬶᬲᬦ᭄᭞ᬗᬋᬋᬤᬂᬮᬶᬗ᭄ᬕᬶᬄᬢᬶᬢ᭄ᬬᬂᬗᬾᬚᬢᬶ᭞ᬫᬗ᭄ᬤᬢᬶᬢ᭄ᬬᬂᬲᬶᬤᬦᬸᬗ᭄ᬓᬸᬮ᭄᭞ᬜᬭᬓᬓᬯᬶᬭᬓᬓᬯᬶᬮᬢᬶᬓ᭄ᬢ᭞ᬢᬶᬢ᭄ᬬᬂᬳᬾᬭᬂᬩ᭄ᬘᬶᬓ᭄ᬱ᭄ᬲᬫ᭄ᬧᬸᬦ᭄ᬢᬶᬢ᭄ᬬᬂᬮᬫ᭄ᬧᬸᬲ᭄᭞ᬮᬾᬤᬗᬂᬓᬬᬸᬦ᭄ᬲᬂᬦᬵᬣ᭞ᬘᬶᬳ᭄ᬦ
Kaca:Bali-lontar-gaguritan-babad-sunda-300ppi.pdf/34
Kaca puniki sampun kauji-wacén
