Kaca:Bali-lontar-gaguritan-babad-sunda-300ppi.pdf/33

Saking Wikisource
Kaca puniki sampun kauji-wacén

[ ᭓᭒ 32B]
᭓᭒
ᬜᬤ᭄ᬬᬫᬾᬘᬸᬦ᭄ᬤᬗᬂ᭞ᬢᬦ᭄ᬯᭂᬤᬶᬗᭂᬢᭀᬳᬂᬧᬢᬶ᭞ᬭᬶᬂᬭᬡᬂᬕᬡ᭞ᬳᬾᬭᬂᬧᬘᬂᬜ᭄ᬭᬳᬸᬭᬶᬧ᭄᭟ᬲᬶᬭᬦᬵᬣᬧ᭄ᬭᬪᬸᬦᬾᬭᬶᬂᬯᬶᬮᬢᬶᬓ᭄ᬢ᭞ᬳᬶᬤᬗᬤᭂᬕᬶᬦ᭄ᬦᬾᬫᬗ᭄ᬓᬶᬦ᭄᭞ᬫᬗᬾᬜ᭄ᬘᬓᬂᬬᬸᬤ᭄ᬥ᭞ᬦᬗ᭄ᬲᭂᬓ᭄
ᬫᭂᬲᭂᬄᬲᬓᬶᬂᬧᬹᬃᬯ᭄ᬯ᭞ᬲᬓᬶᬂᬧᬰ᭄ᬘᬶᬫᬗ᭄ᬮᭀᬮᭀᬲᬶᬦ᭄᭞ᬧ᭄ᬭᬪᬸᬓᭀᬭᬶᬧᬦ᭄᭞ᬧ᭄ᬭᬪᬸᬤᬳᬫᬜᬋᬗᬶᬦ᭄᭟ᬳᬶᬦᬸᬘᬧᬦ᭄ᬫᬳᬵᬧᬢᬶᬄᬕᬚᬄᬫᬤ᭄ᬥ᭞ᬲᬓᬶᬂᬤᬓ᭄ᬱᬶᬦᬗ᭄ᬭᬯᬸᬳᬶᬦ᭄᭞ᬲᬫᬶᬫᬦᬗ᭄ᬲᭂᬓᬂ᭞ᬲ
ᬳᬗᬸᬩᭂᬲᬂᬲᬜ᭄ᬚᬢ᭞ᬲᬶᬮᬶᬳᭂᬩᬢ᭄ᬲᬶᬮᬶᬄᬢᬶᬕ᭄ᬢᬶᬕ᭄᭞ᬳᬜᬮ᭄ᬓᬳᬜᬮ᭄᭞ᬭᬫᭂᬲ᭄‌ᬬᬸᬤᬦᬾᬢᬦ᭄ᬲᬶᬧᬶ᭟ᬲᬫᬶᬥᬷᬭᬳᬶᬭᬶᬓᬭᬶᬂᬭᬡᬗ᭄ᬕᬡ᭞ᬳᬓ᭄ᬯᬾᬄᬯᬤ᭄ᬯᬦᬾᬧᬕ᭄ᬮᬶᬮᬶᬂ᭞ᬯᬸᬲ᭄ᬧ᭄ᬚᬄᬭᬶᬂᬭᬡ᭞
ᬮᬬᭀᬦ᭄ᬲᬯᬫᬸᬭᬩ᭄ᬭᬄ᭞ᬤᭂᬓ᭄ᬤᭂᬓ᭄ᬋᬜᬸᬄᬳᬦ᭄ᬢᬸᬓ᭄ᬓᬦᬶᬦ᭄᭞ᬢᬸᬳᬸᬲᬢ᭄ᬭᬶᬬ᭞ᬦ᭄ᬤᬢᬦ᭄ᬧᬲᬶᬭᬶᬓᬦ᭄ᬫᬮᬶᬄ᭟ᬕᬸᬦᬸᬂᬲᬯᬓᬳᬶᬤᭂᬭᬶᬦ᭄ᬲᬕᬭᬭᬄ᭞ᬳᬶᬭᬶᬓᬭᬶᬂᬩᬸᬩᬢ᭄ᬫᬗ᭄ᬓᬶᬦ᭄᭞ᬳᬶᬦᬸᬘᬧ᭄ᬭᬶᬂᬩᬩᬤ᭄᭞
[ ᭓᭓ 33A]
ᬯᬤ᭄ᬯᬲᬸᬦ᭄ᬤᬦᬾᬯᬸᬲ᭄ᬧ᭄ᬚᬄ᭞ᬦ᭄ᬤᬢᬦ᭄ᬧᬕᬦ᭄ᬢᬸᬮᬦ᭄ᬫᬮᬶᬄ᭞ᬢ᭄ᬮᬲ᭄‌ᬭᬸᬲᬓ᭄᭞ᬳᬦ᭄ᬢᬸᬓ᭄ᬯᬤ᭄ᬯᬫᬚᬧᬳᬶᬢ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭟ᬳᬶᬦᬸᬘᬧ᭄ᬲᬂᬧ᭄ᬭᬪᬸᬲᬸᬦ᭄ᬤ᭞ᬳᬃᬱᬦ᭄ᬳᬶᬤᬗ᭄ᬮᬮᬸᬧᬢᬶ᭞ᬓᬬᬸᬦ᭄ᬳᬶ
ᬤᬓᬩ᭄ᬬᬧᬭ᭞ᬯᬤ᭄ᬯᬦ᭄ᬳᬶᬤᬩ᭄ᬭᬣ᭄ᬝᬲᬫᬶ᭞ᬲᬫᬶᬯᬸᬲ᭄ᬜᬶᬳ᭄ᬦᬬᬂᬪᬓ᭄ᬢᬶ᭞ᬭᬶᬂᬳᬗ᭄ᬕᬦ᭄ᬳᬶᬤᬲᬂᬧ᭄ᬭᬪᬸ᭞ᬢᬜ᭄ᬘᭂᬤᭀᬓ᭄ᬭᬶᬂᬳᬗ᭄ᬕᬦ᭄ᬦᬶᬤ᭞ᬲᬸᬪᬬᬦᬾᬲᬵᬫ᭄ᬧᬸᬦ᭄ᬧᬲ᭄ᬢᬶ᭞ᬜᬤ᭄ᬬᬫᬸᬧᬸᬢ᭄᭞ᬮᬰ᭄ᬘᬃᬬ᭄ᬬᬗᭂᬢᭀᬳᬂᬚᬶᬯ᭟
ᬬᬦᬶᬂᬮᬶᬃᬕ᭄ᬕᬫᬬᬂᬳᬶᬤ᭞ᬲᬶᬭᬦᬵᬣᬓᬤᬶᬫᬗ᭄ᬓᬶᬦ᭄᭞ᬢᬦ᭄ᬧᬾᬦ᭄ᬤᬄᬧ᭄ᬭᬳᬸᬫᬮᬬᬃ᭞ᬗᬭᬸᬗᬶᬦ᭄‌ᬲᬫᬸᬤᬺᬯ᭄ᬬᬓ᭄ᬢᬶ᭞ᬧ᭄ᬭᬳᬸᬳᬮᬶᬢᬦ᭄ᬧᬓᬦ᭄ᬢᬶᬃ᭞ᬭᬶᬲ᭄ᬤᭂᬓ᭄ᬱᬲᬶᬄᬓᬢᭀᬮᬸ᭞ᬢᭀᬬᬦ᭄ᬲᬕᬭᬦᬾᬗ᭄ᬮᬾᬜ᭄ᬘᭀᬄ
ᬳᬗᬶᬦ᭄ᬲᬮᬸᬦᬾᬗ᭄ᬮᬶᬦᬸᬲᬶᬦ᭄᭞ᬲᬶᬦᬄᬧᬸᬧᬸᬢ᭄᭞ᬧ᭄ᬭᬳᬸᬦᬾᬓᬤᬸᬭᬸᬲ᭄ᬩᭂᬜ᭄ᬘᬄ᭟ᬢᬸᬳᬸᬳᬶᬤᬯᬶᬭᬦᬶᬂᬬᬸᬤ᭄ᬥ᭞ᬢᬦ᭄ᬲᬄᬫᬗᬋᬧᬂᬫᬗ᭄ᬓᬶᬦ᭄᭞ᬲ᭄ᬯᬪᬯᬦ᭄ᬳᬶᬤᬓᬩᬗᬦ᭄᭞ᬘᬘᬶᬗᬓᬾᬫᬸᬭᬸᬩ᭄‌ᬲ᭄ᬗᬶᬢ᭄᭞ᬳ