[ ᭓᭑ 31B]
᭓᭑
ᬳ᭄ᬦᬦ᭄ᬢᬶᬢ᭄ᬬᬂᬲᬸᬪᬓ᭄ᬢᬶ᭟ᬜᬦ᭄ᬤᬂᬧᬶᬲᬦ᭄ᬯᬤ᭄ᬯᬦᬾᬓ᭄ᬦᬶᬲᬬᬕ᭞ᬫ᭄ᬲᭂᬳᬾᬓᬢᬡ᭄ᬥᭂᬲ᭄ᬫᬗ᭄ᬓᬶᬦ᭄᭞ᬳᬸᬧᬫᬶᬬᬂᬢᬶᬢ᭄ᬬᬂ᭞ᬯᬮᬸᬬᬳᬲᬸᬓᬩᬼᬢ᭄᭞ᬲᬶᬦᬳᬶᬧᬸᬦ᭄ᬗ᭄ᬮᬮᬸᬫᬢᬶ᭞ᬬᬢ᭄ᬦᬳᬶᬦ᭄ᬧᬶᬲᬦ᭄᭞ᬦᬦ᭄ᬤᬶ
ᬗᬶᬦ᭄ᬳᬶᬧᬸᬦᬾᬫᬗ᭄ᬓᬶᬦ᭄᭟ᬘᬭᬶᬢᬬᬂᬲᬵᬫ᭄ᬧᬸᬦᬶᬕᬸᬫ᭄ᬭᬶᬂᬧᬲᬾᬩᬦ᭄᭞ᬲᬂᬦᬵᬣᬯᬸᬲ᭄ᬫᬗ᭄ᬮᬶᬗ᭄ᬕᬶᬳᬶ᭞ᬳᬢᬸᬃᬧᬢᬶᬄᬫᬤ᭄ᬥ᭞ᬩᬾᬜ᭄ᬚᬂᬲ᭄ᬫᭂᬂᬚᬕᬶᬮᬸᬗ᭄ᬳ᭞ᬫᬗᬶᬭᬶᬗᬂᬰ᭄ᬭᬷᬪᬸᬧᬢᬶ᭞ᬫᬢᭂᬫ᭄ᬧᬸᬄᬬᬸᬤ᭄ᬥ᭞ᬓᬤᬾᬰᬩᬸ
ᬩᬢ᭄ᬗ᭄ᬭᬯᬸᬳᬶᬦ᭄᭟᭐᭟ᬧᬸᬧᬸᬄᬫᬲ᭄ᬓᬸᬫᬫ᭄ᬩᬂ᭟ᬳᬶᬦᬸᬘᬧᬦ᭄ᬭᬳᬶᬦᬵᬯᬸᬲ᭄ᬜᬮᬸᬓ᭄ᬯ᭄ᬗᬶ᭞ᬗᬶᬦ᭄ᬢᬗᬾᬫᬚᬚᬃ᭞ᬗᬸᬮᬗᬸᬦᬶᬦ᭄ᬧᬓᬜᬶᬢ᭄ᬜᬶᬢ᭄᭞ᬓᬤᬲᬭᬶᬦ᭄ᬮᬗᬶᬢ᭄ᬕᬮᬂ᭟ᬯᬸᬲ᭄ᬫᬰ᭄ᬭᬶᬬᬓ᭄ᬕᬮᬂᬢᬢᬶᬢᬾ
ᬜᬸᬦ᭄ᬤᬭᬶᬦ᭄᭞ᬕᬮᬂᬫᬓᬮᬗᬦ᭄᭞ᬫᬭᬸᬢᬭᬯᬸᬄᬗᬲᬶᬃᬲᬶᬃ᭞ᬧᬶᬦᬓᬜᬧᬸᬳᬂᬮᬭ᭟ᬧᬩ᭄ᬭᬶᬬᬓ᭄ᬲ᭄ᬯᬭᬦ᭄ᬚᬸᬯᬗ᭄ᬓ᭄ᬭᬶᬓ᭄ᬫᬗᬺᬋᬗᬶ᭞ᬓᬤᬶᬫᬕᭀᬜ᭄ᬚᬓᬦ᭄᭞ᬫᬦᬫ᭄ᬢᬫᬶᬦ᭄ᬮᬶᬬᬗᬢᬶ᭞ᬘᬼᬧᬸᬓᬾᬓ᭄ᬤᬾ
[ ᭓᭒ 32A]
ᬓ᭄ᬗᬓᬓ᭄᭟ᬲᬤᬲᬺᬓ᭄ᬩᬮᬂᬓᬾᬓᬾᬓᬦᬾᬧᬗᬶᬤ᭄᭞ᬕᭂᬦ᭄ᬤᬂᬕᭂᬦ᭄ᬤᬶᬂᬩᬶᬦᬮ᭄᭞ᬮᬶᬧ᭄ᬬᬭᬶᬂᬤᬾᬯᬾᬓᬾᬮ᭄ᬲᬶᬢ᭄᭞ᬲ᭄ᬯᬭᬩᭂᬗᬾᬓ᭄ᬫᬧᬶᬩᬶᬩᬃ᭟ᬲᬵᬫ᭄ᬧᬸᬦ᭄ᬚᬸᬦ᭄ᬬᬳᬶᬭᬶᬓᬭᬶᬂᬫᬚᬧᬳᬶᬢ᭄᭞ᬲᬫᬶᬯᬸᬲ᭄ᬘᬦᬶ
ᬤᬺ᭞ᬓᬤᬶᬓᬘᬗ᭄ᬓ᭄ᬭᬶᬫᬂᬲᬫᬶ᭞ᬍᬧ᭄ᬍᬧ᭄ᬗᭂᬗ᭄ᬓᬶᬲ᭄ᬓᬤᬶᬰᬯ᭟᭐᭟ᬧᬸᬧᬸᬄᬤᬹᬃᬫ᭄ᬫ᭟ᬳᬶᬦᬸᬘᬧᬦ᭄ᬳᬾᬲᬸᬓ᭄ᬳᬾᬜ᭄ᬚᬶᬂᬯᬸᬲᬕ᭞ᬧ᭄ᬭᬚᬸᬭᬶᬢᬾᬯᬸᬲ᭄ᬫᬫᬃᬕ᭄ᬕᬶ᭞ᬫᬫᬓ᭄ᬢᬲᬜ᭄ᬚᬢ᭞ᬧᬓ᭄ᬭᬾᬤᬾᬧ᭄ᬓᭂᬦ᭄ᬢᬾᬭᬦ᭄ᬲᬸᬃᬬ᭄ᬬ᭞ᬲᬹᬃ
ᬬ᭄ᬬᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬲᬳᬵᬢ᭄ᬗᭂᬭᬦ᭄᭞ᬕᭀᬂᬩᬾᬭᬶᬦᬾᬗᬺᬲᬺᬱᬶᬦ᭄᭟ᬲ᭄ᬯᬭᬦ᭄ᬓᭂᬡ᭄ᬤᬂᬲᬳᬓᭂᬫ᭄ᬧᬸᬮᬾᬫᬦᬶᬫ᭄ᬩᬮ᭄᭞ᬭᬶᬬᬸᬳᬾᬢᬦ᭄ᬓᬤᬶᬓᬤᬶ᭞ᬓᬲ᭄ᬭᬸᬦ᭄ᬤᬸᬧᬶᬦ᭄ᬲᬸᬃᬬ᭄ᬬ᭞ᬯᬤ᭄ᬯᬦᬾᬫᬗᬸᬬᭂᬂᬢᬸᬫ᭄ᬩ
ᬓ᭄᭞ᬗᬢᬕ᭄ᬫᭂᬲᭂᬄᬫᬗ᭄ᬤᬾᬧ᭄ᬭᬧ᭄ᬢᬶ᭞ᬲᬳᬲᬲᬸᬫ᭄ᬩᬃ᭞ᬢᬸᬃᬫᬲᭀᬮᬄᬤᬗ᭄ᬓᬓ᭄ᬤᬶᬗ᭄ᬓ᭄ᬭᬶᬓ᭄᭟ᬯᬤ᭄ᬯᬲᬸᬦ᭄ᬤᬤᬶᬕ᭄ᬮᬶᬲ᭄ᬯᬸᬲ᭄ᬓᬳᬶᬤᭂᬭᬦ᭄᭞ᬳᬦ᭄ᬢᬸᬓ᭄ᬯᬤ᭄ᬯᬫᬚᬧᬳᬶᬢ᭄᭞ᬧᬤᬫᬲᬲᬸᬫ᭄ᬩᬃ᭞ᬧᬘᬂ
