[ ᭓᭐ 30B]
᭓᭐
ᬳᬸᬢᬸᬲᬦ᭄ᬫᬚᬧᬳᬶᬢ᭄᭞ᬲᭀᬮᬄᬳᬸᬩ᭄ᬯᬦ᭄᭞ᬮᬓ᭄ᬱᬦᬦ᭄ᬳᬶᬩᬦᬾᬫᬳᬶ᭟ᬮᬯᬸᬢᬂᬚᬳᬢᬕ᭄ᬯᬢᭂᬓ᭄ᬯᬃᬕ᭄ᬕᬦ᭄ᬳᬶᬩ᭞ᬓ᭄ᬢᭀᬕᬂᬳᬧᬗᬫᬳᬶ᭞ᬓᬳᬶᬍᬕᬧᬶᬲᬦ᭄᭞ᬦᬦ᭄ᬤᬶᬗᬶᬦ᭄ᬳᬶᬩᬫᬓᭂᬚᬂ᭞ᬤᬶᬤᬶᬦᬦᬾ
ᬳᬦᬾᬫᬦᬶ᭞ᬲᬭᬢᬂᬧᬶᬲᬦ᭄᭞ᬳ᭄ᬤᬮᬶᬬᬸᬧᭂᬢᬤᬶᬦᬶ᭟ᬲᬂᬤᬶᬦᬹᬢᬗᬯᬍᬲ᭄ᬫᬢᬸᬃᬩᬗ᭄ᬕ᭄ᬭᬲ᭄᭞ᬫ᭄ᬮᬳᬂᬫᬜᬗ᭄ᬕ᭄ᬭᬢᬗᬶ᭞ᬓᬳᬶᬜᬤ᭄ᬬᬧᬶᬲᬦ᭄᭞ᬩ᭄ᬯᬶᬦ᭄ᬫᬦᬶᬧᬘᬂᬗᬾᬩᬢ᭄᭞ᬜᬤ᭄ᬬᬗᬳᬾᬓᭀᬫᭀ
ᬕ᭄ᬢᬶᬄ᭞ᬚᬮ᭄ᬫᬲᬸᬦ᭄ᬤ᭞ᬧᬘᬂᬳᬩᬲ᭄ᬓᬳᬶᬤᬶᬦᬶ᭟ᬕᬕᬾᬲᭀᬦᬦ᭄ᬳᬸᬢᬸᬲᬦᬾᬲᬫᬶᬢᬸᬮᬓ᭄᭞ᬫᬯᬮᬶᬓᬫᬚᬧᬳᬶᬢ᭄᭞ᬦ᭄ᬤᬢᬦ᭄ᬓᬘᬭᬶᬢ᭞ᬤᬸᬓᬾᬲᬚ᭄ᬭᭀᬦᬶᬂᬳᬯᬦ᭄᭞ᬘᬭᬶᬢᬭᬯᬸᬄᬭᬶᬂᬧᬸᬭᬷ᭞ᬭᬶᬂᬯᬶᬮᬢᬶᬓ᭄ᬢ
᭞ᬫᬦᬗ᭄ᬓᬶᬮ᭄ᬭᬶᬂᬰ᭄ᬭᬷᬪᬸᬧᬢᬶ᭟ᬤᬾᬚᬳᬕᬸᬂᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬢᬶᬢ᭄ᬬᬂᬗᬢᬸᬭᬂᬧᬶᬳᬸᬦᬶᬂ᭞ᬭᬶᬂᬘᭀᬓᭀᬃᬳᬶᬤᬾᬯ᭞ᬤᬕᬶᬂᬩᬯᭀᬲᬾᬭᬶᬂᬩᬸᬩᬢ᭄᭞ᬭᬢᬸᬲᬸᬦ᭄ᬤᬢᬦ᭄ᬮᬾᬤᬂᬢᬗ᭄ᬓᬶᬮ᭄᭞ᬫᬗᬚᬧ᭄
[ ᭓᭑ 31A]
ᬳᬚᬧ᭄᭞ᬗᬢᬕ᭄ᬯᬤ᭄ᬯᬦ᭄ᬰ᭄ᬭᬷᬩᬸᬧᬢᬶ᭟ᬳᬾᬭᬂᬫᬦᬄᬢᬶᬢ᭄ᬬᬂᬭᬢᬸᬫᬶᬭᬕ᭄ᬬᬂ᭞ᬩᬯᭀᬲᬾᬩᬗᭂᬢ᭄ᬗ᭄ᬮᬗ᭄ᬓᬸᬗᬶᬦ᭄᭞ᬳᬗ᭄ᬕᬦ᭄ᬲᬶᬭᬦᬵᬣ᭞ᬜᬮᬶᬢ᭄ᬢᬶᬢ᭄ᬬᬂᬫᬗᬢᬸᬭᬂ᭞ᬭᬶᬂᬧᬮᬸᬗ᭄ᬕᬸᬄᬭᬢᬸᬫᬗ᭄ᬓᬶᬦ᭄᭞ᬢᬶᬢ᭄ᬬᬂ
ᬜᬓ᭄ᬲ᭄ᬭᬄ᭞ᬮᬾᬤᬂᬭᬢᬸᬫᬫᬶᬦᭂᬳᬶᬦ᭄᭟ᬲᬶᬭᬦᬵᬣᬳᬾᬭᬂᬓ᭄ᬭᭀᬤᬫ᭄ᬬᬃᬱᬬᬂ᭞ᬳᬢᬸᬃᬳᬸᬢᬸᬲᬦᬾᬚᬦᬶ᭞ᬲᬳᬫᬯᬦᬦ᭞ᬤᬶᬕ᭄ᬮᬶᬲ᭄ᬭᬶᬂᬩᬯᬸᬥᬡ᭄ᬥ᭞ᬫᬗ᭄ᬤᬾᬦᬾᬲᬫᬶᬘᬸᬫᬯᬶᬲ᭄᭞ᬗᭂᬮᬭᬂᬬᬸᬤ᭄ᬥ᭞ᬓᬤᬾ
ᬰᬩᬸᬩᬢ᭄ᬗ᭄ᬮᭀᬮᭀᬲᬶᬦ᭄᭟ᬳᬶᬦᬸᬘᬧᬦ᭄ᬫᬳᬧᬢᬶᬄᬕᬚᬄᬫᬤ᭄ᬥ᭞ᬕᬃᬚ᭄ᬚᬶᬢᬓᬬᬸᬦᬾᬫᬗ᭄ᬓᬶᬦ᭄ᬜᬤ᭄ᬬᬫᬦᭂᬮᬲᬂ᭞ᬯᬤ᭄ᬯᬲᬸᬦ᭄ᬤᬦᬾᬭᬶᬂᬩᬸᬩᬢ᭄᭞ᬧᬫᭂᬓᬲᬦᬾᬓᬧ᭄ᬭᬶᬄ᭞ᬓᬶᬳᬦᬧᬓᭂᬫ᭄᭞ᬫᭂᬲᭂᬄ
ᬤᬦᬾᬦᬾᬧᬶᬢ᭄ᬯᬶ᭟ᬳᬾᬕᬃᬫᬦᬄᬤᬦᬾᬫᬗᬢᬸᬭᬂᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬲᬂᬦᬺᬧᬢᬶ᭞ᬲᬲᬸᬳᬸᬦᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬢᬶᬢ᭄ᬬᬂᬗᬶᬭᬶᬂᬲᬓᬶᬂᬚᬢᬶ᭞ᬗᭂᬢᭀᬳᬂᬚᬶᬯ᭞ᬘᬶ
Kaca:Bali-lontar-gaguritan-babad-sunda-300ppi.pdf/31
Kaca puniki sampun kauji-wacén
