[ ᭒᭘ 28B]
᭒᭘
ᬕᬸᬫ᭄᭞ᬜᬤ᭄ᬬᬫᬸᬧᬸᬢᬂᬭᬕᬦ᭄ᬜ᭟᭐᭟ᬧᬸᬧᬸᬄᬕᬶᬦᬤ᭄ᬥ᭟ᬧᬸᬗ᭄ᬕᭂᬮᬂᬧᬸᬦᬂᬘᬭᬶᬢ᭞ᬳᬶᬦᬸᬘᬧ᭄ᬲᬦᬾᬫᬗ᭄ᬓᬶᬦ᭄᭞ᬲᬶᬭᬧ᭄ᬭᬪᬸᬚᬕᬢ᭄ᬲᬸᬦ᭄ᬤ᭞ᬭᬶᬂᬧᬦᬗ᭄ᬓᬶᬮᬦ᭄ᬫᬮᬸᬗ᭄ᬕᬸᬄ᭞ᬓᬳᬶᬭᬶᬂᬮᬦ᭄ᬩ
ᬯᬸᬤᬡ᭄ᬤ᭞ᬢᬦ᭄ᬤᬫᬦ᭄ᬢ᭄ᬭᬶ᭞ᬫᬯᭀᬲᬂᬬᬸᬤᬦᬾᬩᬾᬜ᭄ᬚᬂ᭟ᬲᬶᬭᬦᬵᬣᬫᬗᬦ᭄ᬤᬶᬓ᭞ᬇᬄᬯᬤ᭄ᬯᬦ᭄ᬓᬸᬫᬓᬲᬫᬶ᭞ᬦᬾᬳᬤᬧᬗᬶᬤᬶᬄᬦᬶᬭ᭞ᬓ᭄ᬦᬘᬳᬶᬧᬤᬳᬶᬕᬸᬫ᭄᭞ᬫᬜᬫᬳᬚᬓ᭄ᬫᬓᭂᬚᬂ᭞
ᬳᬦᬾᬚᬦᬶ᭞ᬫᬶᬲᬤ᭄ᬬᬫᬢᬦ᭄ᬤᬂᬯᬶᬭᬂ᭟ᬫ᭄ᬮᬳᬂᬚᬫᬗᬶᬜ᭄ᬘᭂᬧᬂ᭞ᬮᬓ᭄ᬱᬡᬲᬢ᭄ᬭᬶᬬᬦᬾᬚᬦᬶ᭞ᬳᬚᬯ᭄ᬤᬶᬫᬭᬶᬂᬭᬦ᭞ᬬᬤ᭄ᬬᬲ᭄ᬢᬸᬦ᭄ᬫᬦᭂᬫᬸᬮᬫ᭄ᬧᬸᬲ᭄᭞ᬧᬶᬢᬸᬳᬸᬯᬘᬦᬦ᭄ᬦᬶᬭ᭞ᬦᭂᬓᬾᬗᬢᬶ᭞ᬦ
ᬗᬸᬦ᭄ᬬᬰᬭᬶᬂᬧᬬᬸᬤ᭄ᬥᬦ᭄᭟ᬯᬤ᭄ᬯᬦᬾᬫᬢᬸᬃᬲᬕᬺᬳᬦ᭄᭞ᬢᬶᬢ᭄ᬬᬂᬗᬶᬭᬶᬂᬲᬓᬶᬂᬪᬓ᭄ᬢᬶ᭞ᬜᬗ᭄ᬕᬺᬯᬘᬦᬦ᭄ᬲᬂᬦᬵᬣ᭞ᬫᬗᬶᬭᬶᬂᬧᬸᬮᬸᬗ᭄ᬕᬸᬄᬭᬢᬸ᭞ᬜᬤ᭄ᬬᬗᬶᬭᬶᬂᬦᭂᬫ᭄ᬧᬸᬄᬬᬸᬤ᭄ᬥ᭞ᬦ᭄ᬤᬢᬦ᭄ᬯ᭄ᬤᬶ᭞ᬢᬶᬢ᭄ᬬᬂ
[ ᭒᭙ 29A]
ᬗᬶᬭᬶᬂᬮᬮᬶᬲ᭄ᬧ᭄ᬚᬄ᭟ᬕᬃᬚᬶᬢᬲᬶᬭᬦᬭᬾᬦ᭄ᬤᬺ᭞ᬫᬯᬘᬦᬲᬳᬓ᭄ᬜᬶᬂ᭞ᬮᬯᬸᬢᬂᬧᬤᬤᬩ᭄ᬤᬩᬂ᭞ᬲᬦ᭄ᬤᬂᬧᬗᬦ᭄ᬲᬃᬯ᭄ᬯᬓᬶᬦᬸᬫ᭄᭞ᬫᭂᬤᬮᬂᬧᬤᬫᬓᭂᬚᬂ᭞ᬳᬩᬫᬳᬶ᭞ᬤᬶᬦᬶᬫᬮᬾᬤᬂᬮᬾᬤᬗᬦ᭄᭟ᬲᬂᬦᬵᬣ
ᬮᬦ᭄ᬩᬯᬸᬤᬡ᭄ᬥ᭞ᬮᬦᬂᬳᬶᬲ᭄ᬢ᭄ᬭᬶᬫᬓᬲᬫᬶ᭞ᬦᬾᬯᬾᬦ᭄ᬢᭂᬦ᭄ᬭᬶᬂᬧᬲᬗ᭄ᬕ᭄ᬭᬳᬦ᭄᭞ᬲᬫᬶᬫᬫᬹᬃᬡ᭄ᬦᬬᬂᬓᬬᬸᬦ᭄᭞ᬲᬕᬺᬳᬦ᭄ᬲᬫᬶᬫᬳ᭄ᬬᬲ᭄᭞ᬫᬋᬋᬱᬶᬓ᭄᭞ᬯᬯᬗᬶᬬᬦᬾᬫᬮᬶᬓᬸᬩᬦ᭄᭟ᬲᬮ᭄ᬯᬶᬭᬶᬂᬩᬩᭂᬓᭂ
ᬮᬦ᭄᭞ᬧᬶᬭᬦ᭄ᬢᬶᬦᬶᬂᬭᬤᬾᬦ᭄ᬤᬾᬯᬶ᭞ᬚᬕᬫᬗ᭄ᬕᬾᬭᬶᬂᬧᬓᬃᬬ᭄ᬬᬦ᭄᭞ᬯᬶᬯᬳᬦ᭄ᬲᬂᬭᬤᬾᬦ᭄ᬕᬮᬸᬄ᭞ᬲᬦᬾᬫᬗ᭄ᬓᬶᬦ᭄ᬓᬫᭂᬤᬮᬂ᭞ᬫᬓᬲᬫᬶ᭞ᬓᬵᬗ᭄ᬕᬾᬦ᭄ᬫᬮᬾᬤᬂᬮᬾᬤᬗᬦ᭄᭟ᬭᬶᬬᬸᬄᬧᬸᬦᬂᬧᬦᬗ᭄ᬓᬶᬮᬦ᭄᭞ᬲ᭄ᬯᬭᬦ᭄ᬕᬫᭂ
ᬮᬦᬾᬗᬸᬘᬶ᭞ᬲᬫᬶᬧᬤᬫᬕᬶᬬᬓᬦ᭄᭞ᬲᬳᬦᬸᬦᬲ᭄ᬧᬗᬦ᭄ᬓᬶᬦᬸᬫ᭄᭞ᬲᬃᬯ᭄ᬯᬨᬮᬲᬺᬕᭂᬧ᭄ᬧᬶᬲᬦ᭄᭞ᬰ᭄ᬭᬷᬪᬸᬧᬢᬶ᭞ᬳᬾᬕᬃᬓᬬᬸᬦᬾᬫᬜᬶᬗᬓ᭄᭟ᬫᬸᬭᬸᬩ᭄ᬓᬤᬶᬕᬸᬦᬸᬂᬲᭂᬢᬃ᭞ᬯᬤ᭄ᬯᬲᬸᬦ᭄ᬤᬫᬳ᭄ᬬᬲᬫᬶ
Kaca:Bali-lontar-gaguritan-babad-sunda-300ppi.pdf/29
Kaca puniki sampun kauji-wacén
